شدعوا 37 مشاهده ولارد
تحطمت صراحه والله
ياليت تساعدوني والله
في بالي هولندا خشت وبقوه بعد
طلبتكم ساعدوني بتوزيع الايام بين هولندا - بلجيكا - باريس ( باريس حاطه في بالي يوم وليله بس )

مساء الخير
لا ماله داعي التحطيم ابشري
اولا لو كانت العوده من هولندا بيكون افضل حتى لا ترجعين مره اخرى الى باريس وتكلفي على نفسج تذاكر
عموما الوصول الى باريس ممكن قضاء ليليتين ثم الى امستردام 3 ليالي بروكسل الجمله 4 ليالي ويوم منهم انخصصه لبروج الجميله ثم باقي المده بباريس والعوده منها
ملاحظه توقيت سفركم الاجواء بارده لو اتأخرونا كمان شهر بيكون افضل من جميع النواحي
وذكرتي انكم عائله كم شخص وهل هناك اطفال ؟؟؟ لان ادخال هولندا بيكلفكم وكام ذكرت السبب العوده الى باريس
ومن اي بلد انتم ؟؟

مساء النور ،، والفرحه بالاجازه والنقل ،، وكل ابو شي ،،
ههه التحطيم شي لابد منه ولو بالقلليل ،،
اشكرك اخوي ع الرد ،،
بالنسبه ع العوده اذا تكون من هولندا افضل انا بقولك ابي هولندا ليه
http://www.keukenhof.nl/
ابيها بس عشان هذا الشي فقط لاغير
وباريس اصلا انا حاطه في بالي يكون يومين لها بس ،،
وبلجيكا عاد هنا انت ورايك ،،
انا باريس الصراحه مابي منها بعد اي شي مابي اطول فيها ،،
يكفيني ايفل واللوفر والشانز هذي الاشياء الاهم بنسبه لي ف اتوقع يومين ان شاء الله
او 3 يكفي لها ،،
بالنسبه للتوقيت يعني هي بارده بارده ؟
ولابارده بروده تتحمل ؟
المشكله بالتاجيل مب بالشهر المشكله بالاجازات والصيف مانببيه كلش
يصير زحمه ولوعه وهيله ،،
ايه احنا عائله ( ام ابو 3 خوات كبار ولد 16 سنه وولد 10 سنين طفلنا ههه )
يعني برايك هولندا اكنسلها واكتفي بباريس وبلجيكا ،
اتمنى والله تفيدني وكلي شكر ،،

هلا فيج
اولا اذا باريس ماله داعي ليش ما تتطلعين على الطيران الهولندي الى امسترادم. وتقعدين فيها كم يوم ثم الى بروج البلجيكيه ثم بروكسل ثم ليله بامستردام والعوده منها واسعار طيران الهولندي جيده جدا . هذا الجانب الاول
اما لو مشيتي مثل ما تحبين وبخاطرج هولندا من اجل الحديقه فلا تخلين شيئ بخاطرج المسافات ليس بعيده بالقطار الاوربي من باريس الى امسترادم
ويكون المخطط ليلتين بباريس ثم الى امستردام 4 ليالي بروكسل بلجيكا 4 ليالي ليلتين باريس للتسوق 12 ليله 13 يوم
مخطط جيد جدا
نعم انصحج ببلجيكا بدون شك ..ووممكن اتقللين بامستردام الى 3 ليالي وتضيفين ليله بباريس
هذا تقريري عن هولندا وبروكسل وبروج
https://artravelers.com/p/re/533090
وطبعا سبق وان كتبو الاخوان بتقاريرهم الجميله هنا
https://artravelers.com/p/re/167123
اما بخصوص التوقيت نعم ارى انه الاجواء بارده . الميزه الوحيده ان مامعاكم اطفال . لهذ لو اخرتيها بيكون افضل .. واذا قررتي السفر بالتوقيت المذكور اخذي احتياطج للاجواء
بنتظاركم

المشكله الاجازه والجو
طيب لو ماحصلت هذي برايك وين افضل نروح نقضي 12 يوم

ما فهمت الاستفسار
بس اذا قصدج اتغيرين لا لا تغيرين انتي بالعواصم وبتكون ادفئ من غيرها
تحياتي