أهلا بيك أخوي مرسى الشوق بين أخوانك ...
بالنسبة لسؤالك أنت حدد المناطق الا تبيها ترى الشباب ما يقصروا ..
تحياتي أخوك نزاار

مافيه احد ممكن يساعدني

السلام عليكم ...
حياك الله أخوي مرسى الشوق ..
إنت بس عطنا ملامح رحلتك اللي تبيها ... وصدقني الشباب ما يقصرون أبد ... ما شاء الله عليهم ... يفزعون ويحبون الخير والفايدة للكل ...
كني أشوف أخوي نزار واقف على خط الإنطلاق وينتظر منك إشارة ...
الله يوفق الجميع ..
وترا اذا ودك أسويلك برنامج على العمياني يعني أنسقه كله بدون لا أستشيرك أبشر ... بس عندي بعض الأسئلة البسيطة بالأول ...
خلني أشوف ردك الحين

والله اخوي ابو ميسم انا ودي اجمع تقريبا جميع مناطق ماليزيا السياحيه في هذه الرحله يعني تكون الأيام مقسمه على المناطق وشاكر لك اهتمامك اخوي

أخوي مرسى الشوق
بالنسبة للبرنامج إنشالله البرنامج يعجبك لكن ما يتضمن الأسعار لأن الأسعار على حسب المكتب إلي تتعامل معاه .
أولا الذهاب لفندق شيراتون في سلنقور يكون قريب من صن واي لوجن والسكن فيه 3 أيام وذلك لزيارة صن واي لوجن خوش مكان لأن فيه مثل الأكوابارك بس يكون أحلى وفيه مجمع بنفس الوقت للتسوق وأشهر المطاعم العالمية .
ومن ثم الذهاب إلى مرتفعات جنتج وإذا بقيت أتروح له عن طريق تكسي أو باص بس المسافة بعيدة شوية وإذا بقيت تصعد المرتفع أصعد عن طريق التلفريك أحلى والسكن في فندق جنتج 3 أيام خوش مكان فيه جميع الألعاب لجميع الأعمار وفيه فنادق ضخمة وسينما وسيرك الروسي بالثلج ومدينة الثلج ومدينة ملاهي والأسواق والمطاعم صدقني مكان راح تستمتع فيه يعتبر مثل منتزة للصغار والكبار .
ومن ثم الذهاب إلى بينغ والسكن في بافيو بيج Bayvew Beach أو في فندق هوليدي وتسكن فيها 4 أيام إن وهذي جزيرة حلوى فيها حدايق كبيرة مثل حديقة الزهور وحديقة الطيور وحديقة الحيوانات وحديقة الفواكة الإستوائية والمجمعات والسوق الليلي يكون بجانب الفنداق وتقدر أتروح لجزيرة لنجاوي عن طريق طراد بس أتزورها يوم كامل ولا تسكن فيها يكفي أتروح لها من الصبح إلى الليل ومن ثم أترد جزيرة بينغ .
وبعدين أتروح كوالالمبور وتسكن في برنس هوتيل خوش فندق وتسكن 6 أيام ويمك الأسواق والمجمعات والمطاعم والسوق الصيني وكل شي .
وإنشالله الجدول يعجبك وتروح وترجع بالسلامة وشكراً

تسلم يدينك اخوي sheraze والله ماقصرت ونشوف اراء الشباب الباقيين

عزيزي مرسى الشوق
شوف ها البرنامج انا مخطط عليه ان شاء الله شهر عسل من خلال خبرتي بماليزيا ان شاء الله يفيدك
السفر عن طريق الخطوط الماليزيه
عند الوصول الى كوالا لمبور تتجه من المطار وتقيم
ليلتين ب كوالا لمبور بسيلانجو رفندق الخيول الذهبيه
ثم اغادر بالباص الى الكاميرون والسكن ليلتين في اكتوريال
ثم المغادره الى بينينج والاقامه في موتيارا 4 ليالي
ثم الانتقال الى لانكاوي بالطائره والسكن 4 ليالي في لانكاوي لاقون
ثم بالطائره الى كوالا لمبور والاقامه ليلتين بالماندرين و4 ليالي بالماريوت
ويتخلل الفتره الاخيره زياره لجينتغ من الصباح للمساء

اسير المرام بصراحه البرنامج روعه وعلى قد الأيام اللي حاطها في بالي تسلم يدينك بس لو تقدر لو ماعليك امر كم ممكن تكلف هذي الرحله مع التذاكر تقريبا وكم ممكن اصرف يوميا شامل الاكل والتنقلات وتراني مبحبحها شويتين

خلي بجيبك 18-20 الف ريال سعودي شامل كل شي حتى المصروف مع البحبحه هي 18 الف كثير لكن الاحتياط زين