مرحبا اختي .... تقدرين تتصلين على مكتب العطلات في بوظبي وتحددين نوع السكن وموقعة وهم راح يحجزرون لج حتى تقدرين تدفعين لهم من العين من اي صراف...
بالنسبة للمطاعم عيبني مطعم حاتم في المارينا مول فية كابينات ...
واي خدمة حاضرين

مطعم ارض المأكولات وقصر الهند

1. اما عن المطاعم ( احلى شي عندي ) ... عندك اختيارات وايد ...

بسم الله الرحمن الرحيم ....
هلا بهل العين في العاصمه الحبيبه ابوظبي .....
عن الشقق صراحه ما عندي ادنى فكره بس تقدر تأجر في اي فندق على سبيل المثال الملينيوم مكانه وايد حلو و مش وايد غالي ....

اما عن المطاعم ( احلى شي عندي ) ... عندك اختيارات وايد ...

1 - المطاعم الايرانيه : حاتم في المارينا مول و بارس بلاس ورا وكاله الفليكس ويجن على الكورنيش ... و بعد عندك دبي للكباب الخاص ( جرب التكه بالروب و ما بتندم ) بس هذه ما ينفع لنك تيلس في المطعم خذ من عنده و انصحك تيلس في المينا اليديد تتعشى ....
2 - مطاعم لبنانيه : مروش و زهره لبنان ( مع اني ما احب اكل فيهم من الخقه الي فيهم ) ... و بعد عندك الروشه و هذه موجود ورا بنك ابوظبي الوطني الي في شارع خليفه ( اهم شي اسمع الهندي الي ياخذ طلبات كيف يرمس لبناني ) ... عندك مطعم ملك الدجاج الطازج لو انك اتحب الشوارما عنده شورما ايطالي وايد حلوه و مكانه في النادي السياحي جنب مطعم ابو طافش ....
3- الكوفي شوب : و الله وايد و من كثرهم ما اعرف شو اقولك بس بقول الي انا اشوفه مناسب و يلسته حلوه ..... الموكا كافيه + لابريوش + هيد يارد + ليبس و هذيل كلهم في المارينا مول .... و في كوفي شوب اسمه بلو موندا هذه في شارع حمدان هو كوفي و مطعم في نفس الوقت و الاكل عنده حلو و مبتكر ....
4 - مطاعم منوعه : اماسي ( ورا وكاله الفيكس ويجن الي على الكورنيش ) و هذه جد انصحك فيه لانه مطعم يسوى و اكله مبتكر و يلسته حلوه و فيه كباين للعوايل .....
هذه الي اعرفه و لو تذكرت شي برد احطه و السموحه على القصور .....

اخويه عندك( رامي للشقق الفندقيه ) هذا هو رقمهم 97126422696
وفي نفس الشارع بتلاقي مطعم صدف هادي وفيه قسم عوايل..على فكرة في نفس عماره مطعم صدف شي المروج للشقق الفندقيه 97126413737
وأعتقد ابراج الكورنيش مناسبة وايد لأن موقعها على الكورنيش تلفونهم: 0088 681 9712
وتحته وايد مطاعم وكلها في اقسام للعوايل