السلام عليكم هذا اول موضوع لي بالمنتدى وان شالله مايكون الاخير
بصراحه مالي غناة عنكم كل شي بسفرتي اخذه منكم .. ماننحريمش p:
ان شالله سفرتي بتاريخ 22/9 لي 12/10 تقريبا 20 يوم ،، انا وزوجي
ناويه بدايتها باريس 4 ايام
وعقب ستراسبورغ يوم ومنها اطلع حق يوروب بارك يومين ((هذي مشكلتي شوي بقولكم ليش))
وبعدين زيورخ يومين
منها على جنيف يومين
وبعدين ميلان 5 ايام يوم منها نروح فينيسيا ونرد
وبعدين سالزبورغ 3 ايام منها يوم حق زلامسي ونرد
واخر يوم ميونخ ونرد الديره
اسألتي الله يسلمكم كالتالي :
1- انا إبالي التنقلات بالقطار بس ليلحين الي عرفته من هالمنتدى العجيب)) مترو باريس حفظته بس مشكلتي ان ما عرفت الباجي ولا المحطات ملوت باجي الدول ولا ادري اذا هالدول الي بروحلها سهل المترو والقطارات ولا لا
2- بروح يوروب بارك وكان ابالي بروح بسياره من ستراسبورغ بس للاسف زوجي راافض نهائيا السياره فكرت بالباصات الي ناخذها من مكتب الانفورمايشن مال السياح الي ستراسبورغ بس لازم بالويك اند ويصادف على جدولي الي حطيته لكم مو ويك اند
فقلت اسألكم ترتبونلي الرحله وتقولون لي سوالف القطارات بالضبط شسم المحطه الي اطلع منها من ديره لي الثانيه وتكون سالزبورغ بيوم الجمعه والسبت والاحد
واي نصايح ثانيه كلي اذان صاغيه )) ؛
لقيت موقع مال القطارات raileurope
بس مافهمت شسم المحطه بكل الدول tgv ولا شنو
ووين مكانها بالمدن الي حطيتها
اهل الخبره لاتحرمونا ارائكم