السلام عليكم ورحمة الله وبركاته
شباب أنا طالع ومعي 2 من أخوياي لتركيا من 4 سبتمبر إلى 10 سبتمبر
وبطلع على طيران ناس من جده إلى أنطاكيا
والعوده من أضنه إلى جده
وحاب أجلس يومين في أنطاكيا وبعدها أبغى أتجه بالباص إلى أوزنجول
وبجلس 4 أيام وبعده برجع على أضنه بالباص وعلى السعوديه
وعندي بعض الأسئله لأني أول مره أطلع لتركيا.
1/ وين تنصحوني أقضي اليومين هذي بأنطاكيا؟
2/ الباصات متى تتحرك من أنطاكيا إلى اوزنجول وكم ساعه وكم سعر التذكره؟
3/ هل تنصحوني أستاجر سياره في أوزنجول ولا فيه باصات وتكاسي ؟
4/ أحد يعرف فنادق أو أكواخ في أوزنجول أو يعرف ناس تأجر هناك وعنده أرقامهم لأني اخاف أروح وماأحصل
سكن لأنه بيكون بعد العيد؟
5/ هل فيه باصات من أوزنجول إلى طرابزون وأيضا من طرابزون إلى أضنه؟
إذا فيه ياريت تعطوني المواعيد والأسعار ؟
6/ كم ساعه بالباص من طرابزون لأضنه ومتى تحرك الباصات؟
7/أبغى جدول حلو للثلاثه الأيام اللي بقضيها في أوزنجول؟
8/ هل الأكل غالي عندهم هذا أهم سؤال؟
9/ أبغى حسبه تقريبيه لتكاليف السفره هذي؟
10/ اللي عنده نصائح لي يتفضل؟
11/ هل يوجد قروبات سياحيه في أوزنجول؟
وأخيرا أعذروني على كثرة الأسئله لكن أخوكم أول مره يسافر ويحتاج مساعدتكم
تكفون .