حياك اخوي في بيتك الثاني ..
اذا الميزانية هذي للتذاكر والتاشيرة والسكن والمعيشة >> مستحيل تكفي مهما كان اقتصادك .. يبيلك على الاقل 22 الف ريال وراح تكون ميزانية اقتصادية جدا ..
بالتوفيق ..

حطمتني أخوي بيمو الله يحطم خطياك ويزيحها
ياليت لو تفصلي الاسعار انت او أحد الاخوان الكرام الله ليهينكم
يعني كم تكلفة
التذاكر ....؟
التاشيرة.... ؟
السكن حطيت في بالي 7000 ريال 350( يورو ليوم الواحد)
مصاريف 6600 ريال (مابين 100 الي 120 يورو يوميا) حسب ماذكرت في احد ردود بيمو
اي أمور اجهلها .... ؟
طبعا التذاكر عليها تخفيض بس مدري كم سعره تذكرة النمسا ؟... تخفيضي 50%
وشكرا لك علي تجاوبك اخوي

اخي الكريم abo ramy
تحية طيبة لك
بالنسبة لسفرتك والميزانية بقولك التالي ( بالدينار الكويتي لاني من دولة الكويت الحبيبة ):
1- تذكرة السفر تقريبا ( 200 دينار للشخص البالغ )
2- السكن بالنمسا مو غالي ويتراوح ما بين ( 50 الى 100 يورو) .
3- التاشيرة او الفيزا التشنجن ( 30 دينار للكبار و 5 دنانير للاطفال )
4- تاجير السيارة كافية لشخصين ( 12 دينار باليوم ).
5- تعبئة البنزين بالكامل تقريبا ( 60 يورو ) حسب سيارتك الصغيرة ويمكن اقل وتكفين 4 ايام حتى تعبيعا مره اخرى .
هذه كل التكلفة التي تريدها وزيد عليها الاكل والترفيه كل يوم مابين 150 الى 200 يورو
وبس وتروح وترجع بالسلامة

والله اخوي صعبه ........ لكن اتقول عندك تخفيض على الطيران اوكي بجم التذاكر وشوف النت بكم اسعار الفندق .... انا اشوف تخليها ميونخ زيلامسي للمسافه والرحله 9 ايام ميونخ يومين وزيلامسي 5 ايام ميونخ يومين ..... شوف سعر الفندقين هذوله بزيلامسي بكم فندق .fischerwirt وهو فندق 4 نجوم ....... فندق 4 نجوم zum-hirschen وهو يقع في وسط السنتر ..... ممكن تحصلهم برخيص وزينين ....... اما ميونخ في فندق Mercure Hotel اربع نجوم قريب من الاسواق وشارع مارين بلاتز .... شوف كم تطلع مصاريف الفنادق والتذاكر .... وبعدين احسب ....... لانه بصراحه مبلغ قليل ...... او ممكن تقلل من مدة الرحله ........ يعني الوصول الى مطار ميونخ والتوجه مباشره الى زيلامسي الطريق بالسياره ساعتي ونصف والجلوس فيها 5 ايام ثم العوده الى ميونخ 3 ايام ...... وشكرا

يعطيكم العافية أخواني والله ماقصرتوا
بيض الله وجهكم جميعا
وتم توفير مبلغ التذاكر والتاشيرة
أن شاء الله كذا يكفي المبلغ

ابو رامي جرب الفنادق الي كتبته حتى تعرف كم المتبقي لديك والف شكر لك