معروفه موريس بعد منتصف 11 يدخل الحر وتزداد الرطوبة وما انصح في السفر لها بعد نوفمبر
اذا السفرة قبل دخول ديسمبر فيمكن تحمل بعض الحر
المنتجعات كثريرة
في الشرق ارشح Le Touessrok
في الغرب The Oberoi
براي انهما الافضل وبدون اي ادنى شك
الانشطة ممكن تنسخسنها من موضوع العضوة القديرة عروس 2007
https://artravelers.com/p/re/403406
رحلة سعيدة

طيب وشلون الجو في نهاية شهر من تاريخ -
ابي اسافر زهقانه والوقت اللي ماخذه فيه الاجازه مايصلح اسافر اي مكان بس اقدر اطلع اجازه اسبوع او عشر ايام في نهاية
اتمنى يكون الجو مناسب انا كل همي ولدي الصغير ابي الجو معتدل.

al7ob557
الجو اكثر من رائع
توكلوا على الله
هذا هو وقتي كل سنة

اخيرا يابوعزوز لقيت مكان جوه حلو
والله انى بطير من الفرحه
طيب اخوي وش تنصحنى اخذ ملابس حق ولدي؟ هل اخذ له شورتات وملابس صيفيه ولا اخذ شي طويل
معلش استحملنى بس اول مره اروح موريس ان شاء الله
وكم نحتاج ميزانيه حق المصروف اليومي؟ المده ليالي و ايام باذن الله الباكج راح اخذه من الامارات للعطلات
ومره ثانيه مشكور اخوي على الرد

al7ob557
اللبس اخوي صيفي شورتات مع تي شيرتات مع شوي كاجوال سبورت على كاجول شيك لزوم العشاء
المصروف اليومي في حال اخذتم الفندق هاف بورد - فطور مع عشاء فراح تحتاجون بحدود 100 دولار لليوم
ممكن تزيد شوي اذا قررتوا عمل رحلات خاصة مثل رحلة البوت والبلو سفاري والمحميات
بعد تعمل حساب المساج والبيوتي للمدام اذا نويته عليه من الفندق لانه مكلف
الباكج 8 ايام ممكن توزعون الاقامة بين الشرق في البيل مار والغرب في الشوقر بيتش او الهيلتون
سعر الباكج بحدود 25 الف ريال ومعاها مصروف بحدود 5 الاف ريال بحد ادنى
وبالتوفيق

مشكور اخوي على الرد
بس ترى انا بنت مو ولد
وان شاء الله راح احجز شوقر بيش وبل مار
اخذت الباكج من الامارات للعطلات
في النهايه ممكن تساعدني ببعض الاقتراحات
من ناحية البرنامج او الانشطه المناسبه في الشرق والغرب

هلا بك ممكن يكون البرنماج كما يلي:
اليوم الأول راحه بعد الوصول
اليوم الثاني :رحلة الى الجنوب : - البركان الخامد- البحيرة المقدسه -شارميل الارض الملونه
اليومالثالث: جزيرة آيل أوسرفز-الحديقة المائيه وممكن تكتفي بالاولى لان الثانية متواضعة جدا وتبدلها باللي في دبي وايلد وادي احلى
اليوم الرابع : رحلة الى محمية لا إيتوالي
اليوم الخامس : راحه ( في امكانيه لاضافة برنامج)
الانتقال الى فندق الأوبري
اليوم الأول : وصول وجولة في الفندق والعشاء
اليوم الثاني : مصنع الشاي وسوق العاصمه
اليوم الثالث : الغواصه في المساء رحلة الغروب بالقارب من القراند بي ويبيلها ترتيب وحجز مسبق
اليوم الرابع : ( عشاء رومنسي على ضوء الشموع بترتيب من الأوبري )
اليوم الخامس : راحه وترتيب الى رحلة العوده
: مصنع الزجاج -مصنع السفن-مصنع الالماس - مصنع السكر ممكن تختار واحد منهم في وقت فراغك لانهم كلهم متواضعين
بالتوفيق
هلا اخوي بوعزوز
انا حصلت هذا البرنامج اللي وضعته لاخونا رائد الدوسري
انا بسوي نفس البرنامج بس ابي تساعدنى عشان اعرف ايهم الاقرب لفندق البل مار والشوقر بيتش من ناحية التقسيم