بو انزو شكلك اخطيت بكتابة التاريخ حق العودة ، شوف حبيبي انا بجاوبك عن المخطط اول شي انتو شباب والا عوائل ؟ عموما احط لك المخطط اللي اقترحه لكم ، طبعا فينيس-فلورنس-ميلان وماجاورها-جنيف وماجاورها-باريس-برشلونه وماجاورها مثل سرقوسا وطقتها او اذا في وقت زايد انزل لفلانسيا ومدريد ، تحياتي

فوّاز
اي والله من العجله
تاريخ العوده
10/12/2011
ابو انزو + ام انزو + انزو ( اربع شهور)

هلا بالحبيب ، طيب المخطط اللي حطيته لك ماعجبك ؟ انا احس انه وايد بس عندك وقت وذا الميزانية تمام انصحك بهالمخطط تستفيد انك تلف لك باكثر من دولة وتشوف ابرز مزارتها ، واي شي تحتاجه حنا بالخدمه ، الفنادق انا ما احب انصح احد بفنادق معينه لاني ممكن مايعجبك ذوقي فهمتني يعني انت شوف بوكنق او غيره وعطنا اللي عجبك ، تحياتي

فوّاز
هلا حبيبي فواز
المخطط عجبني بس انا مابي تنقلات كثير تعرف معانا رضيع فااحاول ابعد عن كثر التنقلات
بس حاط فبالي يعني ثلاث الى اربع مدن بالكثير بس مايكون فيهم الجو برد قاارس عشان انزو مايتعب
باريس اتوقع ثلوج

مرحبا ابو انزو
بصراحة رحمته البيبي عمره 4 شهور وبتاخذونه بالبرد
انصحك تخليه مع الأهل وتروحون تستانسون احسن ما يتعرض للهوا
خصوصا ان اللي بيسافر يطلع ويتمشى ماينحبس
عن نفسي باخذ حمادة عمره سنة يعني انصحك بس ما اعمل بالنصيحة
انا بروح الحين ولما ارجع بعطيك خبرتي لأني ما رحت ايطاليا قبل
بس الحجز راسم الخطة
انت بتنزل في فينيسيا عطها مبيت اول يوم من تعب الوصول وليلة ثانية للتمشي
واطلع روما (ساعتين ونص بالقطار السريع)
اعطيها 4 ليالي ومن خلاله تروح بيزا او اي منطقة قريبة تحسها تستاهل
والى ميلان
انا عطيتها 3 ليالي منها نهار لفينيسيا
انت تقدر تتمشى وتتسوق وتروح لوقانو في سويسرا رحلة يوم واحد
ومنها الى بارسيلوناا
تجلس الأيام الباقية (اتوقع بقى منها 3 ليالي) وترجع منها
اذا مضطر تحجز سكن من الحين اقرا عن كل منطقة وحدد بالضبط الاماكن اللي تحب تزورها تعرف كم تحتاج بكل مدينة
اذا منت مضطر وتقدر تحجز من هناك لما توصل من المدينة اللي بتكون بيها قبل تروح للمدينة اللي بعدها
بهذا يكون جدولك مرن وقت ما اكتفيت من مدينة طلعت للي بعدها
احسن ما تروح مكان تعطيه ليالي اكثر من اعجابك فيه وتقصر على مناطق تعجبك اكثر
لأن صدقني من واقع تجربة كل شخص له ذائقة ورأي والتجربة هي الخبرة والدليل
تحياتي