4 ايام في انترلاكن جميله جدا بالنسبه للسكن في عندك اكثر من خيار اذا تبي مطله على البحيره انصج برينزرسي هوتيل حلو خاصه انك عندك سياره واذا ماعندك سياره كل ساعه او 19 دقيقه يمر القطار وكل ساعه 36 دقيقه يمر الباص واذا تبي بوسط المدينه طب وتخير وكلهم مستواهم متقارب واسعارهم متقاربه لل 4 نجوم
للجدول اماكن انترلاكن حلوه وكثيره
جدول مختصر
1- القمة الثلجيه وتقدر بنفس اليوم تمر شلال ترومبل باخ
واذا مالحقت انصحك تخليله يوم تطلع للشلال وتتمشى بالمتطقة المحيطه له وتقدر بالقرب منه ترقى لقمة شميتين هويه بالتلفريك وانصحك اذا ماتهمك القمه ارقة اول محطه وانزل المحل رائع فوق
2 - خانق ارشلوخت وشلال جيس باخ في يوم
3- جولة بحريه في قرية برينز وتشوف الشلال اتوقع اسمه رخن باخ
4 - جولة بحريه في قرية ثون
5- كهف نسيت وش اسمه
6 - بحيرة بيلاروسيه وبحيرة اوشن (مارحتها بس امدحونها هنا )بالنسبه لي بحيرتين كانت كافيه بس انت وايامك
بالنسبه لباريس
يومين بباريس تزور الشانز وبرج ايفل وتتمشى بكم معرض
يومين ديزني
بالنسبه لتأجير السياره ياتدخل تأجر من النت موقع يورب كار ولا فيزا ولا سكس ولا بدجت
ولا روح فروعهم واجر من عندهم دايركت

الذي أعرفه أن تسليم السيارة تكون في جنيف ،
على أن تسلمها في جنيف ، وتركب القطار الموصل بين جنيف وباريس عبر محطة الكرنفال ،
والمدة بين جنيف وباريس ثلاث ساعات ونصف .. وهناك قطار يذهب في الصباح ،
وآخر يذهب فيما بعد الظهر .. هذا ..
أما باريس ، فسوف تصل بإذن الله إلى محطة تكون على مترو رقم واحد ،
ومنها تستطيع الرجوع إلى محطة الشانزليزيه ( محطة فرانكلين روزفلت ، مثلا ً )
عبر الخط رقم واحد المتجه إلى اللاديفنس ..
أو أن تذهب إلى فندقك أولا ً ثم تذهب للشانز لتأكل في بيتزا بينو
ويا أخي .. أنا الآن صائم وأحدثك عن الأكل فأصبحت اتضور جوعا ً .. الله المستعان
المهم ..
اللي حاب أقوله لك : " لا تأخذ معك شنط كبيره : يكفيك شنط صغيره سحب + شنطة ظهر "
وأسأل الله لك التوفيق والمتعة .......... ولما ترجع نبي تقرير .

أعتقد أن يومين لدزني لاند كثيره خصوصا ً أنكم شابين ،
وإن كان ضروري الذهاب لدزني فيكفيك يوم من الصباح الباكر ،
وأما اليوم الثاني فتستطيع الذهاب به إلى أمكان متنوعة كثيرة ،
ومنها غابة بولونيا الجميلة أو الهضبة أو الشاتليه أو اللاديفنس .. وبالله التوفيق

هلا بك اخوي ولايهون اخوي محمد
تخطيطك محتاج شوي تغيررات
خاصة ان الفترة جدا جدا قصيرة على سويسرا وباريس
نصيحتي لك تستلم السيارة اول ماتوصل لمطار جنيف من القسم او الجزء الفرنسي
تتوجه الى انترلاكن مباشرة وتستقر فيها 3 ايام
تتوجه بعدها الى رست يومين (اوروبا بارك)
تتوجه بعدها الى ستراسبورغ تسلم السيارة وبالقطار الى ديزني تقضي فيها باقي ايامك
ولك الخيار انك تستمر بالسيارة الى ديزني وتسلمها اخر يوم في مطار شارل دي فول
استأجار السيارات سهل و واضح من اي موقع معتمد وانا ارتاح كثير لهيرتز
الفنادق في انترلاكن كثيرة لكن ارشح لك برينزسي - تقريره في الدليل من ضمن رحلتي لعام 2010م

..
اشكركم عالرد السريع .,
انا مالي نيه اغير الاماكن ..
اشوف انترلاكن وباريس بس يكفون حق هالسفره .. الجايات اكثر ان شاء الله ..
وجدول باريس موجود بس باقي جدول انترلاكن ,, ^^
وبخصوص الفندق .. برينزرسي طلع عندي فول في بوكنق
وماعرف شالفنادق الزينه .. على كثر التقارير توهقت ., كح
وافكر الحين اخذ السياره من جنيف واروح انترلاكن وبعدها ارجع جنيف واروح لباريس بالقطار .. < كذا حلوو ؟
لأني ناوي احجز القطار من جنيف من موقع http://www.raileurope-gcc.com عالساعه 1:40 من جنيف
شلون نظام القطارات عندهم ؟ الساعه كم لازم اكون موجود عندهم ؟ عشان يكون عندي وقت اطلع من انترلاكن وارجع السياره واروح المحطه ..
معليش استحملوني على كثر الاسأله ^^
لأني ماخلصت بعد ههه

sultan al-hajri
افضل لك تروح بالقطار من انترلاكن لباريس ولا ترجع لجنيف
حاول تحسب الوقت + التكلفة
وقتها راح تجد انه اوفر لك من الناحيتين انك تاخذ القطار من انترلاكن الى باريس
اذا مرتاح اكثر للرجوع لباريس فلابد ان تكون في المحطة الساعة 12 ونص
يعني تحرك من انترلاكن الساعة 8 الصبح لكن مو بعد كذا
ورحلة موفقة

فكرت في ذا الشيي قبل ..
نويت احجز سياره عن طريق http://www.europcar-middleeast.com
بس طلع ان مكتبهم في انترلاكن يوم الاحد مسكر ..
وحاطين لي هالكلام ..
Please note - the office you are returning to is closed at the time of return. Arrangements for return facilities are available for your use at no extra charge. Please ask for details when you collect the vehicle. To check the opening hours, see station details.
وش بتكون الاجرائات مثلاُ ؟؟
شلون اقدر ارجع السياره في انترلاكن .. اذا في طريقه يكون احسن لي من اني ارجع لجنيف ..
انا مشكلتي الحين مع التأجير والفندق في انترلاكن .. اكثر الفنادق فول مالك مكان ..

sultan al-hajri
بيكون فيه دروب اوف بوكس
يعني بتوقف سيارتك وتحط المفتاح في الصندوق وتتوكل على الله
وكاتبين لك انهم بيشرحون لك التعليمات وقت استلام السيارة في حنيف
اهم شيء تكون السيارة مليانة بنزين

حلوو ..
دام السالفه كذا عاجبتني انا ..
بس ابي اعرف احسن طريق من جنيف ل انترلاكن
بس شلون الفنادق الحين ..
وش تنصحني ؟ هذا اللي بقى معاي