فساتين عرايس حلوعندك سنتريا وعماير السيركون وبعد حياة مول
والساعات عندك الدهام في صحارى وبيت الروائع والفايز والحميضي في حياة مول

والاقمشه عندك العليا مول
والاندلس

بسم الله الرحمن الرحيم
مرحبا اختي كويتية كوول
اولاشى حياك الله فى الرياض وراح تنور بوجودك فيها
بالنسبه لموضوعك
بالنسبه للفساتين عندك سوق حياة مول (العنوان طريق الملك عبدالله) ايضاً يوجد بعض المحلات وتوجد علي(طريق العلياء العام مقابل برج واسواق المملكة
اما الاقمشه سوق العليا مول وسوق الاندلس وجميع السوقين على شارع العليا العام
((الله يعينك من الزحمه))
هذي بعض المعلومات الي اعرفها وهي بسيطه جداً
وشكراً

فستاين عرايس عندك محل حلو يجيب فساتين من فرنسا واسعاره حلوه ويصلحون لك الفستان لو يبي تعديل ,,موقعه برويال مول طريق الملك فهد الدور الاول نسائي المحل بس نسيت اسمه ,,اقمشه فخمه ومميزه عند عمر بن صديق ملاصق لبرج الفيصليه وعند باكيلي والسقاف وفيه الرماح للاقمشه ,,وعندك المصممه بسمة الجزائري بشارع ممدوح حي السليمانيه عندها فساتين سهره وفساتين افراح واشياء حلوه للعرايس واسعارها حلوه وعندك المحلات الي بعماير السيركون.. محلات ساعات عند ظبا نجد والغزالي والحميضي ..وحياك الله بالرياض

حياك خيتو بالرياض
والله محلات الفساتين كثيره .. وبذكر لك افضلها وغاليه شوي
شارع العليا العام فيه عدت محلات اهمها ( ميموزا _ ارتبل - باكو - لمسات طيبه ..) الفين وطالع
السيركون اغلب محلاته حلوه ويعجبني محل سراف والخيلا والغرفه الذهبيه وام من 4 الاف وطالع
طريق الملك فهد في محل اسمه الشارع الامامي بعمارة العجلان من 2000 وطالع
الفيصليه ( هارفي - كارملا- ليدي) اسعاره وسط
المملكه ( ساكس .فيفث افينيو ) غالي
مركز نجود
في محل في القرعاوي مول اسمه L7 تلقين عنده قطع غريبه وحلوه قطعه غاليه
المصصمات بعماره اسمها سياحه بين الفيصليه وفندق الخزامى
وفيه بوتيك لبسمه الجزائري بالسليمانيه .. اسعاره بين وبين
وفيه بعد بوتيك برونوفيس على طريق العليا العام مقابل المملكة لمصمم اسباني فساتين السهره فوق 4 الاف
ًًًًًًًً
وعندك مجمع الموسى وحياة مول والعليا مول والمتنبي اسعاره مناسبه
محلات الساعات انا حبيت الحميضي وفيه الدهام وبيت الروائع والغزالي وفروعه بكل الاماكن
وشوفي هالروابط ان شالله تفيدك اختي .. ونصيحه لاتجين اذا هالوقت مره زحمه تعالي بعد العيد
https://artravelers.com/p/re/56277

الله يحييك البيت بيتك
ماشاءالله البنات كفوا ووفوا
ثالث رد نفس اللي بقولك عليه الاقمشه لاتعدين العليامول والاندلس بس
والفساتين اللي بطريق العليا مميزه
والله يكتب اللي فيه الخيره
والله يعينك على زحمة الرياض

حبيبتي شوفي000اذا جيبك عمران وتبين شي راقي عندك هارفي نيكلز بالفيصليه والبوتيكات النسائيه بعمائر السيريكون على شارع العليا العام مقابل العقاريه
وعلى نفس شارع العليا فيه باكو ديزاين وميموزا بس احيانا تصادف ما فيه شي واو000 بس تراهم فساتين اعراس يعني سهرات موعرايس اذا هذا قصدك لانه هنا العروس غالبا تفصل وفيه مصمم اذا هذا قصدك مقابل الفيصليه.
اذا تبين مصممات سعوديات لملابس السهره زي ما قالت الاخت سياحيه مول ملاصق للفيصليه بس احسهم احيانا يبالغون بالاسعار على اشياء عاديه شوفي انتي ممكن تعجبك وممكن تصير غريبه وجديده بالكويت لانه عندنا ممكن تلقين احد زيك ما تضمنينهم 00عموما يضلون ارخص من عمائر السيريكون بكثير00 فيه القرعاوي سنتر مقابل المملكه
اما اقمشه عندك العليا مول والاندلس على نفس طريق العليا 00اما الساعات عندك الدهام ساعاته حلوه عنده الغالي والمعقول وجنبه محلات المجوهرات تبيع ساعات ملاصقه له كلهم مقابل برج المملكه0يعني اغلب وقتك عشارع العليا العام000000عندك اسواق طيبه والاندلس اسعارهم رخيصه مقارنه بغيرهم بس ترى مو ماركات محلات عاديه بس ممكن تلقين شغلات حلوه عبايات مثلا او تقليد ماركات 0000 اذا انتي انتي ممكن تبغين تقليد جزم اوشنط الاندلس موجود والاصلي طبعا في المملكه الدور الثاني كل الماركات
اما اذا تبغين مولات فكل الرياض زي بعض تقريبا الحين بكل حي مول وفيهم كل الماركات العاديه بس تقريبا ممكن لكسب الوقت تلقينهم كلهم بصحارى وصحارى بلازا وحياه مول جنب بس السحب عليهم اكثر يعني ممكن ما تلقين المقاس اللي تبغين تلقينه بالفيصليه لان اغلب الناس يجونه لكسب الوقت بدل ما يفرفرون من سوق لسوق 00فيه بحياه مول الدور الثاني محل اسمه زينه اكسسوارت حلوه وممكن يسون لك عالطلب ومو رخيص بس لعروس مو خساره 000اتمنى اني افدتك بصراحه انا نادرا ما ارد يعني الغالب متصفحه بس لما شفتك كويتيه استحيت لاني العام بنفس هالوقت رحت الكويت واستفسرت من الاخوات بقسم الكويت عن شغلات وما قصروا معاي مره استفدت منهم
الله يجزاهم خير فما نبغى نكون اقل شهامه منهم 000تحياتي

تسلمون حبايبي هاذي الهقوة فيكم دايما تلبون الطلب
ما قصرتوا ..
والرياض دايما منورة بأهلها