أهلآ أختي ( أم عبدالله )
أولآ نبدأ بالميزانية ( 25000 ريال ) فهي كافية بأذن الله لرحلة ميزة وطيبة ...

• أسعار تذاكر الطيران للشخصين بحدود ( 6000 ريال )
• الخطوط السعودية هي الأفضل ... ودرجة الضيافة هي الأنسب لميزانيتكم
• أفضل وقت لحجز التذاكر الدولية ( الأن ) ...
• حجز الفنادق والرحلات الداخلية ... قبل شهر من الرحلة ...
• شهر ( 7 ) يوافق الأجازة الصيفية ... والله يعيينكم على غلاء الأسعار ..

المطلوب الأن :
حجز التذاكر الدولية ... وكل اللي بعده سهل بأذن الله ... وراح نكون معكم خطوة بخطوة

طيب اخوي الحين نطرح من 25 الف 6000 تقريبا
وأنا حابة مااتنقل كثير بالسفرة حدنا منطقتين أو3 مناطق مثل / كوالمبور - لنكاوي - بيانج
وابيك تقسسم لنا الباقي من المبلغ 19 الف على وسيلة التنقل و الفنادق :-
( علما بأن الفنادق حابتها 4 نجوم وتناسب العرسان ) وودي بمنتجع أو فلة فيها مسبح خاص
طبعا 15 يوم مع الذهاب والرجعه .
وطيب وش تنصحوني بالمكاتب علشان أحجز البرنامج حق السفر أخاف أحجز عن طريق النت وأتوهق

تحية طيبة
اولا اختي نصيحتي حاولي تبعدي عن المكاتب السياحيه لانها تكلفك كثير والله
ثانيا انا كنت مثلك اخاف اتوهق و اخاف اغلط ومافي احد يساعدني بس والله الفضل لله ثم لهذا المنتدى ثم ابو هلا ( وافي )
انصحك اول خطوة تصدرين بطاقة تسوق الراجحي هي بطاقة قابله للشحن ودوليه يمكن لك الشراء بها من الاسواق
ويمكن الشراء في الانترنت وطبعا منها الفنادق و حجز الطيران الدوليه والداخليه
بنا حسب ماقريت انها رحلة شهر عسل
وتريدين مسبح خاص
انصحك بالاتي
3 ايام سلانجور
5 لنكاوي او بينانج ( والجزيرتين متشابه جدا لنكاوي للعرسان افضل جمال طبيعه و رومنسيه وخيارات سياحية اقل كمعالم ومنتزهات الخ
بينانج جميلة ايضا من ناحية الطبيعه و المناضر لاكن من وجهة نظري اقل جمالا من لنكاوي لاكن خياراتها السياحيه اكبر وفعالياتها اكبر
5 ايام كوالا لمبور ( منها يوم الصباح تتجهو لمرتفعات جنتنج يوم والعوده بالمساء )
2 يومين بورت ديكسون فيلا بمسبح خاص خيالي وجميل )
ثم العودة للوطن
تنبيه / انا خيرتك بين الجزيرتين لانك لا تفضلين التنقل الكثير وشبه متشابها
تنبيه / سلانجور بحكم قربها من المطار انصحكم بالراحه بها وزيارة مدينة الالعاب المائية
لا تنسين اختي انك بتكون جاية من رحلة دوليه طويله جدا مدتها قراب التسع ساعات وبعدين تبدلو لرحلة داخليه احس انه امر مجهد
انتظر رأي المبدع وافي يقيم فكرتي لانه اعلم واكثر خبرة مني
مجنون لنكاوي

طيب اخواني اذا حجزت عن طريق النت ضروري بطاقة التسوق تكون معناا ولآ يكفي الفيزآ اللي نفسها بطاقة البنك بشريحة > حقت الراجحي
ههه صحيح سافرت للخارج لكن ماليزيا ومكان بعيد لآ ، وطيب فنادق 4 نجوم وش الأفضل علشان أختار والأنسب
وياليت تطل على البحر تقريبا كم بتكلفنا حجوزات الفندق , وبعدين أنا ماعندي لغة وزوجي نفس الشي وش لون نحتار سواق من هنآ ولآ من وين
ماعليه ازعجتكم بس آستفسر علشان أستفيد وشاكرة لكم مجهودكم

بطاقة تسوق هي عبارة عن بطاقة الفيزا بس مسبقة الدفع وليس مثل الفيزا المفتوحة ولكنها تؤدي نفس الغرض
الفنادق حسب ميزانيتك كم مخصصة ميزانية للفنادق علشان نتخار لك فنادق تتناسب معها؟
اللغة ليست عائق في ماليزيا كل سنة آلاف السياح يقصدون ماليزيا أغلبهم لايعرفون الإنجليزية وأمورهم ماشية

السلام عليكم ..
عذرا للتأخير بسس اللي اخرنا عن الحجز اجازة زوجي لحد الآن بالإضافة الى الميزانية ..
بخصوص الفنادق ماادري بسس ودي تكون رحلتنا شوي اقتصادية

السلام عليكم ورحمته الله وبركاته ../
نعود لكم من جديد
ترتيب الرحلة :
ليلتين سلانجور فندق الخيول الذهبية
4 ليالي بيانج فندق فلانجو مطل على البحر
ليلتين لنكاوي فندق لنكاوي لانجو مطل على البحر
ليلتين كوالمبور فندق البرنس أو مايا
ابي برنامج يومي + التنقل تنصحون من هناك
تقلصت الايام لأنو بعد مانرجع بنروح لمكة وجدة

أهلآ أختي الكريمة ...
التقسيم والتوزيع ( حلو ) ... لكن أنصحكم بهذه النصائح :

• أخصموا يوم من ( بينانغ ) وأضيفيه إلى ( لنكاوي )
• في كوالا ( فندق البرنس ) أفضل من ( مايا ) الذي يطل على مقبرة !!!
• في سلانجور ( لاتكتمل المتعة ) إلا بالسكن في منطقة ( صن واي ) ...

يعطيك العافية تم الحجز خلاص بالفنادق المذكورة
طيب وكيف على التقسيم اليومي وين الأماكن اللي نروح لها
والله اني معتمدة عليكم وش تنصحوني اخذ تاكسي خاص ولا من سواق الفندق
وبخصوص الشنط بالمطار كوالمبور يقولون في قطار يوصل للجهة الثانية اللي يكون فيها الشنط صحيح هالكلام
واللي مايلحق عليه تروح شناطه ههه >> كلام من قريبة لي باتأكد لانو ماعندي لغة