يأخوي انا مثلك بالضبط ياليت احد يفيدنا.. خاصة عن حجز السيارات هل في مطار بيروت فيه مكاتب حجز؟ وكم اسعارهن ..

اخوي المجد القادم تحياتي لك ...
بالنسبه لأجار السيارات ما عندك مشكله فيه أنه اسعار السيارات تقريبا طول العام بنفس السعر انا استاجرت بالصيف وبالشتاء بنفس السعر تقريبا السياره 4 سلندر من نوع (قلف ) او بيجو 307
تقريبا 40 دولار باليوم يمكن لأني زبون عند هذا المحل بيعطيني هذا السعر ودايما اكلمه قبل سفري بيومين واعطيه موعد وصولي مطار بيروت والقى السياره في المطار وانزل السواق عند اقرب محل على الخط واقوله ( مرسي بكو ) واعطيه الي فيه النصيب وتاني يوم امر المكتب واكتب العقد معه ..
وطبعا في مكاتب في المطار بس ولله ما ادري اسعارها اسم المكتب ( حاتم ) وهو عند ماكدونالدز الي بالدوره يعني على الطريق وانت رايح جونيه
اما انا استفساري كان عن الاسعار الي شايفها الحين اغلى من الصيف سعر التذكره على الخطوط السعوديه 2600 ريال وبالصيف كانت 1900
والفنادق الي ب 150 دولار بالصيف الحين 140
يعني ما في فرق
اذا احد الاخوان عنده عرض جيد يفيدنا ... مع انه الوضوع ولله ما يشجع الحين لو ببلاش

مشكور اخوي عين المسافر على الرد ..
ماأدري اخوي مافكرت تروح عن طريق طيران العربية ولو ترانزيت اتوقع عندهم عرض وانا ماني متأكد http://www.airarabia.com/arabic/index.html
سؤال اخير اخوي عين المسافر اذا استأجرت سيارة بلبنان اقدر ادخل فيها لسوريا ولا لا ؟
وشكرا .

لأ السيارات السياحيه ممنوع تدخل سوريا ... وذلك لسبب بسيط انه السوريا الداخل اليها مفقود والخارج منها مولود

شكرا اخوي عين المسافر..

إخوانى من قال انه سعر الفنادق و الطيران بيرخص فى لبنان ، بس عشان الأحداث الحاليه يعنى ؟!
طيب كان نزلت الأسعار فى أمريكا بعد سبتمبر إلافن ، أو بعد تسونامي آسيا ...
كلها أوهام عرب .. الأسعار هي هي ولا راح تنزل .. ربما تكون خاليه من السواح فقط لخوفهم .. بس شي ثانى ما تغير ..
سعر الهوليدي إن ديون 80 دولار و الجراند هيل برمانا 180 دولار ... هذا اللى متأكده منه حاليا ..

تراجع عدد السياح الى لبنان
ادت مرحلة التوتر السياسي والامني التي اعقبت اغتيال الرئيس رفيق الحريري في 14 فبراير شباط الماضي الى التأثير سلباص على القطاع السياحي كما اوردت صحيفة "دايلي ستار"، وقد تراجع عدد السياح في مارس آذار بنسبة 18.5% مقارنة مع فبراير، وادت التفجيرات في ضواحي بيروت الى ابقاء نسبة الاشغال في الفنادق عند مستويات متدنية.