عليكم السلام ورحمة الله وبركاته
كل استفسار بتلاقينه هنيه ان شاء الله https://artravelers.com/p/re/546116
وكذلك ف بوابة الاستفسار الالمانية .. واهم شي انج تقرين بعناية لانه انتي من يحدد سير الرحلة والهدف منها
موفقين ان شاء الله

جزاك الله خير أخ سيف ..
أنا نزلت الموضوع بعد قراءه لمدة إسبوعين

انا من رايي الوصول الى فيينا والعوده من ميونخ
لا تتسوقين في النمسا خلي التسوق في اخر محطه وهي ميونخ
المخطط الافضل من وجهه نظري بالتسلسل
3 ليالي فيينا
3 ليالي سالزبورغ
7 ليالي كابرون
4 ليالي ميونخ
هذي كلها تصير 18 يوم
م
واما الريف الالماني القريب من ميونخ تقدرين تروحين منطقه قارمش هي منطقه هاديه
الخيار لك اما ان تزوريها او تسكني فيها انا عن نفسي سكنت فيها
واذا قررتي انك تسكنين فيها اخذي فيها ليلتين فقط ما تحتاج اكثر
وتكون قبل ما تروحين ميونخ

الله يعطيك العافيه أخت أحلام ماقصرتي
أنا رتبت مخططي هكذا مارأيكم فيه
وأبغى ترشحون لي بكل المدن شقق فندقيه راقيه فيها نت مجاني وغساله ومواقف مجانيه وبلكونه وإطلالته جميله
الوصول إلى ميونخ الإربعاء 23/5/2012 وأستأجر سياره من المطار وأسكن في فندق أو شقق قريب للمطار ليله للراحه
الخميس 24/5 أذهب لكابرون لمدة9 ليالي
اسبت 2/6 أذهب لسالزبورغ لمدة 5 ليالي
الخميس 7/6 أذهب لميونخ لمدة 4 ليالي وأطلع منها لقارمش وأرجع بنفس اليوم والشقه أبغاها في السيتي سنترمارين بلاتز
المغادره الإثنين11/6 من ميونخ وتسليم السياره من المطار

• ملاحظه أنا إستبعدت فيينا لأن معنا أطفال ماأبغى يتعبون بالتنقل بالأندرقراوند والقطار للذهاب لكابرون

أنتظر مساعدتكم ولكم وافر الشكر

سالزبورغ واجد عليها 5 ايام .. ليه ما تاخذين يومين من سالزبورغ ويوم من ميونخ وتحطينها بانسبروك
للتنويع يعني .. خصوصا ان سالزبورغ بينها وبين كابرن حوالي الساعة فمعناه انكم اسبوعين بمنطقة وحدة
ولن تختلف المزارات كثيرا
8ليلة حاولي تمرين على الاقل 4-5 مدن مختلفة للتغيير .. وممكن بعد تضيفون انترلاكن اذا عادي عندكم المسافات

أنا كنت ناويه نطلع من كابرون لآنسبورك بنفس اليوم ونرجع لزيارة شوارفسكي ؟؟
هل فيها أماكن سياحيه تستاهل إننا نسكن فيها 3 ليالي ؟؟ وكم تبعد آنسبورك ساعه عن كابرون ؟؟
سالزبورغ قريت إن فيها أماكن سياحيه كثيره يكفيها 3 ليالي ؟؟
أنا إكتفيت بمخطط رحلتنا ب 3 مدن لأن معنا أطفال وشنط كثيره أخاف نفقد المتعه بكثرة التنقل

أنتظر مساعدتكم ياخبراء النمسا
أبغى شقق بالمواصفات اللي ذكرتها ب ميونخ ، كابرون ، سالزبورغ
وآنسبورك هل يكفيها أطلع لها من كابرون بنفس اليوم وأرجع

إشراقة
الصبح
أو
الفجر
(كلها مثل بعض)
اولاً: اتمنى لك ولأسرتك رحلة ممتعة وميسرة وجميلة إن شاء الله
ثانياً: ما شاء الله عددكم (2 بالغين) و(4 أطفال). الله يحفظكم ويحميكم
التنقل بواسطة السيارة أكثر متعة وسلاسة من القطارات داخل المدن وخارجها
نصيحة أخوك لا تاخذون معكم عفش كثير، الشناط اللي مالها داعي مالها داعهي
تبلشون في التحميل والتنزيل.. احشري أغراض عيالك (الله يخليهم لك) بشنطة وحدة
واحشري أغراضك وأغراض أبو العيال بشنطة
والثالثة المستلزمات الضرورية (وقضينا)
وراكم مقاضي وتسوق في سالزبورغ وميونخ
بعدين كل الشناط أم عجلات ترولي
"" ""
أنا لو كنت بمكانكم يكون برنامجي كالتالي
الوصول لميونيخ المبيت فيها ليلة عشان ترتاحون من تعب السفر
الانطلاق لسالزبوغ الصباح والافطار فيها
وبعد الظهر الانطلاق ل سيلامسي
اجلسوا في سيلامسي 4 ايام
وفي كابرون 4 أيام
وفي سالزبورغ في العودة يومين
وفي ميونيخ 3 أيام
المدن القريبة من سالزبورغ أو سيلامسي ، تقدرون تروحون لها بالسيارة بنفس اليوم
أهم شي لا تنسون الأدوية والمضادات الحيوية خصوصا للأطفال (الله لا يوريهم مكروه)
ركزي على الوجبات البروتينة للأطفال (مثل الكورن فليكس الذرة بأنواعها البيض الجبنة العسل)
ابتعدوا عن المشروبات الغازية لو تلقونها بربع ريال
واحرصوا على شرب الماء الغير غازي لأنه مفيد
نصيحة خاصة
هي للأطفال وللكبار ولكن الأطفال يستفيدون أكثر.. صحيهم بدري وخليهم يستنشقون الأكسجين الصباح بدري
هذا مفيد للشعب الهوائية والرئة للأطفال وتقوى جهاز المناعة.. لأن جونا ملوث ومتعودين على الغبار للأسف
وش بقى يا عمران
وش بقى يا عمران
ايه
الغسالة.. اذا ما لقيتوا غسالة في الشقق.. فيه غسالات ذاتية مررة حلوة
(ان شاء الله بعطيك عناوينها لاحقا)،
افضل الأوقات للغسيل من بداية دوامهم عشان ما يكون عندهم زحمة.. غسيل وتنشيف
من تتسخ الملابس اعزليها بأكياس حسب الألوان ، بعدين استخدموا غسالة وحده للغسيل
والنشاف استخدموا نشافين عشان تقدرين تفرينها مرتين وتطلع ناشفة مرة
وش بقى يا عمران
وش بقى يا عمران
ايه
اعملوا رجيم طبيعي هذا من اجل التوفير اليومي ، الرجيم الطبيعي مرة حلو
طريقته: وهو أخلي نفسي ما تشتهي وجبة العشاء اليوم ولكن بشرط اتفاق المجموعة كلها
مثلا تتفقين انتي وأبو الشباب إن اليوم ما نبي نتعشى والأولاد نسوي لهم توست
أو بيض أو كورن فليكس وينامون (عشان يصحون بدري الصبح)
هذا الرجيم الطبيعي وفر لكم حاجتين جميلتين ظريفتين وهما
الأولى: توفير مبلغ لا يقل عن 100 يورو
الثانية: صحة للجسم ويمكن ينزل 100 جرام
>>> مجرم يبي يخسركم وزن بس من أجل الصحة
لو تمت الطريقة (3) مرات في الرحلة وفرتوا 300 يورو تقريبا 1500 ريال
هذي تكفي مشتروات للأولاد في ميونيخ
ويا رب يوفقكم تروحون وتجون بالسلامة مبسوطين وفرحانين وكل سنة تروحون لبلد
اصبروا
تذكرت شي
انتبهوا من الأحذية التقليدية في السفر..... مرض وتسبب التهابات بالمفاصل والركب وألم في الظهر حتى للأطفال
البسوا جزم رياضية وتكون مخصصة للمشي اللي وزنها خفيف مررة ومن تحت مثل الاسنفج (وولك شووز) قيمتها 40 ريال
مو لازم أخذ أصلية ماركة بوما ب450 ريال
لكل واحد منكم وردة
تحياتي لكم
عمران أحمد عمران

مشكور أخ عمران ماقصرت الله يعطيك العافيه
المخطط اللي وضعته ل 13 يوم وحنا رحلتنا 19 يوم
مارديت علي من ناحية الشقق ورأيك بآنسبورك تستاهل نسكن فيها ولا أكتفي بزياره لها من كابرون