وين الناس الطيبه ؟

حيّاك الله اخوي بالنسبة للمناخ في الوقت اللي حددته الصغرى 4 والعظمى 16 درجة وتختلف من منطقة لاخرى
لكن حسب مالاحظت معظم المدن نفس الطقس والفرق درجة الى درجتين
وبالنسبة للتوزيع يعتمد عليكم أذا تحبون التنقل او لا
2يوم ماهي واجد
لكن ممكن توزعها كالتالى
4 ايام كيب تاون
2 يوم موسل باي (تقدر تستغني عنها) وتظيف يوم لنيزنا ويوم لكيب تاون عشان يقل عليكم التنقل
2يوم ولدرنس
3 أيام نايزنا
1يوم اما جوهانسبرج او (ولدرنس عشان تكونوا قريبين من مطار جورج الى جوهانسبرج ومنها على رحلتكم) وهذا يعتمد على وقت حجز العودة
على العموم لازم يكون لك برنامج مبدئي علشان نقدر نفيدك اكثر وحسب رغبتك . وانا اخوك مر على تقرير اخونا ابو العصافير وام نوف
وباذن الله راح يساعدك بعمل البرنامج

وعليكم السلام ورحمة الله وبركانة
بالنسبة للجو اكيد راح يكون برد لانو انا سافرت في سبتمبر وكانت درجة الحرارة في الظهر22-18 و الليل 3-4 و ايد تحتاج ملابس شتوية
و الشقق ما عندي خلفية عنها ان شاء الله الاخوان يساعدوك
و الاماكن الترفيهية شوف تقرير اخونا ابو العصافير اللي كان السبب في نجاح رحلتي بعد الله عز وجل الله يعطيه الصحة والعافية و يحفظ اهلو كلهم
و المولات عندك جاردن رووت مول في منطة الجاردن رووت الرائعه وفي كيب تاون في الوتر فرونت في سوق و سوق كانال ووك الرائع و الملاهي اظن راح تكون مقفلة
و الموصلات استاجر سيارة اريح و اوفر و امتع لانو في الجاردن رووت جليت اسبوع و ما شفت ولا تاكسي اما كيب تاون مليانة تكاسي

الشكر واصل لكل من رد علي و أعطاني معلومات تفيدني ..
والله العائله ماتبي تنقلات بنكون ان شاء الله في كيب تاون فقط ..
فمادري وش أفضل شي بكيب تاون من تمشيات و روحات و جيات ؟؟

كيب تاون فيها نشاطات كثير
جبل الطاولة - راس الرجاء الصالح - شاطئ البطاريق - حديقة الطيور - حديقة الزهور - حديقة النعام (لازم تذوق لحم النعام مرة خطير) - رحلة القراصنة - رحلة القروش - رحلة الغروب (اذا رحتها لازم تاخذ لبس تقيل ) - الهليكوبتر - الوترفرونت - الاكويريوم
بس لازم تفكر تروح جاردن روت لانو 12يوم في كيب تاون مرة كتير اشوف 4 - 5 ايام كويس
و باقي المدة في جاردن روت منطقة جدا رائعة وانصحك تقعد في وايلدرنس لانها تعتبر في النص نايزنا تبعد يمكن نص ساعة بالسيارة (45كم) وابعد شي عنها تسيتسيكاما اظن ساعتين او تلاتة مني فاكر وكهف الكانقو و حديقة الطيور و القرود ساعة ونص - ساعتين

مشكور اخوي وجيه الله يكثر من امثالك
بسألك كم تبعد الجاردن روت من كيب تاون ؟ و هل نحتاج نروحلها بالسياره ولا طياره ؟
لأننا نفكر ناخذ سواق أو نستأجر سياره .. لسه ما استقرينا ..
و بخصوص السكن .. ما عندك فكره ؟

المسافة من جورج إلى كيب تاون 436 كم ..
وفيك تروح بالسيارة يمكن 5 - 6 ساعات .. وعلى حسب كلام الأعضاء الي كان لهم تجربة انو الطريق ممتع وغير ممل نظراً للطبيعة ..
وبالنسبة للسكن الخيارات واسعة ومتنوعة من بيوت ضيافة وشقق وفلل وغرف .. جرب موقع بوكينق
مثلاً Barry Hall Luxury Apartments في منطقة السي بوينت وهذا سكن فيه اخونا ابو العصافير ..
واذا ميزانيتكم مرتاحة ارشح لك Waterfront Village
وبالتوفيق ..

الافضل و الاوفر والاريح انكم تستاجرو سيارة بالذات في جاردن روت لاني ما شفت تكاسي هناك
بالنسبة للسكن انتو ما شاء الله عددكم كبير شيكت في موقع بوكنج ما لقيت غير هاذي
Alpine Inn
بس الوصول حيكون علي كيب تاون ولا جوهانسبيرج

مشكوره أختي الحلا على ترشيحك بس أشوف الافضل أستئجار فيلا تكفي عددنا ماشاء الله ..
و أيضا مشكور وجيه على اهتمامك وصولنا بإذن الله على جوهانسبيرغ و بعدين طيران داخلي على كيب تاون ان شاء الله ..
معليش اذا ما عليكم امر .. أرقام سواقين سيارتهم تكون فان ... الله لا يهينكم مشكورين

لا شكر على واجب اخوي
السواقين ما عندي خلفية عنهم
بس اكتب في جوجل ارقام سائقين في كيب تاون بتحصل ان شاء الله