حياك مونستر . اتمنى انك قريت التقارير و الدليل الي وضعه ابو عزيز الله يجزاه كل خير . لان فيه اسئلة كان المفروض انها تكون من المسلمات الي لازم تعرفها قبل تنوي السفر مثل سؤال عن فيزا الشينجن واختلاف العملة الخ .لكن هذا ما يمنع ان احنا نساعد ونبين ونوضح
سؤالك عن الفيزا الشينقن اجابتة نعم بامكانك تزور فرنسا وسويسرا بفيزا وحده
الميزانية الموضوعة انشالله راح تكفي حتى لاكثر من المدة الي حاطينها .
توزيع الايام اقترح عليك 4 ايام باريس
5 ايام انترلاكن سواء سكنت فيها او في اي منطقة قريبة لو كان معك سيارة
4 ايام مونترو او لوزان ( كل ساعة قطار الى جنيف وقريبين من بعض)
بالنسبة للطيران انا افضل الخطوط السعودية اذا توفرت رحلة في اليوم الي ابي اسافر فيه . الرحلات الدايركت مريحة .
مدة السفر بين باريس وجنيف تعتمد لو بتسافر بقطار ادخل موقع القطار الاوربي وشوف الرحلات ولو بالسيارة ادخل على جوجل ماب وشوف المسافة. هي معروفة بس لو تدخل على المواقع وتدور بنفسك في الاخر انت المستفيد
بالنسبة تبدأ من باريس او جنيف . هذي تعتمد على الرحلات المتوفره حسب تاريخ الذهاب و العودة .
اما موضوع فيزا تسوق هذي جربتها اخر مره في سويسرا في اكثر من مدينة ومشت اموري في التسوق فقط اما خارج سويسرا البعض استخدموها وما ضبطت معهم .المهم انتبة تستخدمها في اي عملية يكون فيه بلوك لانها راح تخرفن عليك لما يرجع فيها المبلغ اقل شي اربع ايام بعد ما يرجع لك مبلغ البلوك ويطلع لك رصيد بالسالب وهذي صارت معي . ومن تجاربي معها اني على اخر يوم بالسفر قلت خل اجربها بالسحب . سحبت 20 فرنك كان اقل مبلغ ممكن اسحبه والغرض ابي اجربها بس . وانخصم من الحساب حوالي280 ريال!!!!!!!!!!!
احسن لكم خذو فيزا كلاسيك العادية او ماستر كارد و واما تسوق فقط للاحتياط لا تودع فيها الا اذا احتجتها .
والبطاقة العادية تشتغل هناك بدون مشاكل. وسؤالك عن اختلاف العملات ّّ>>> فرنسا يورو و سويسرا فرنك
قبل لا انسى افضل الاماكن وغيرها تلقاها في التقارير واهم شي تشوف دليل ابو عزيز المثبت في البوابة
بالاضافة الى موضوعه برنامج 6 ايام في انترلاكن
https://artravelers.com/p/re/108099

مشكور اخوي سعد القحطاني
ويعطيك الف عافية