يآحلوين كلن يدلوا بدلوه .. واللي ماعنده دلو يجيب سطل مافي مشكلة
ماطول عليكم أبي مساعدتكم وآرائكم في تثبيت أفكاري المشوشة في راسي.. كل شوي اقول بروح مكان وودي أروح كل مكان وفي الأخير شكلي ماراح أروح ولا مكان
المهم أنا من تاريخ 30 سبتمبر لغاية 2 أكتوبر راح اكون في فرانكفورت (ألمانيا) رحلة عمل ومن هالتاريخ باخذ جزء من أجازتي السنوية وأبي أطلع على فرنسا.. بس قلت اسمي في ألمانيا إذا في شي بطريقي مافي مشكلة أشوفه لكن مازلت محتارة كم يوم أخليه حق ألمانيا بيني وبينكم سمعت ان فرانكفورت ماتصلح مافيها شي حلو..
1- هل أمدد فترة أقامتي في ألمانيا وكم أخليها ؟
2- هل أطلع من فرانكفورت على طول على باريس..؟
3- هل أروح لباريس طيران أو هل المشوار مناسب إني اروح بالقطار وهل الطريق ممتع؟
4- لو بضيف بلد ثالث على الرحلة وين ترشحون (إيطاليا - بلجيكا - النمسا - أي خيار آخر)؟
في انتظار تعليقاتكم,,