السلام عليكم ورحمة الله
وعليكم السلام ورحمة الله وبركاته ..
حابه أسأل وش الفرق بين غرفة مواجهه للبحر ومطلة على البحر في فندق قولدن ساندس بينانج
طبعا المطلة طلعت لي أغلى
( ك قاعدة ) الغرفة الأغلى تكون إطلالتها مباشرة ع البحر
والأرخص إطلالتها جزئية أيا كان المسمى
لأني مثلك ألخبط بينها لكن أمشي عالقاعدة البديهية هذي وأرتاح ..
ثاني شيء وش ترشحون لي فنادق في كوالالمبور ما ابي في شارع العرب ما احب جو الإزعاج
ما حددتي مستوى الفنادق المطلوبة لكن باقترح عليك فنادق بمستويات مختلفة وكلها ممتازة ومجربة
وانتي اختاري ما يناسبك
تريدرز , الماندرين اورينتال , امبيانا ( كلها في منطقة البرجين الراقية والهادية )
فندق البرنس ( في المثلث الذهبي ) ..
ثالثا الحين وش سالفة الضريبة إذا جيت بحجز الفنادق ياليت احد يفهمني اول مره اجرب احجز من بوكنق وسبق وشفت الموضوع اللي هنا الله يجزا كاتبة خير لكن مافهمت الضريبة
يعني ادفع زيادة على السعر والا كيف . . ؟؟
طريقة الحجز عن طريق بوكينج يعطيك السعر الأساسي بدون ما يحسب لك الضرايب والخدمة ومجموعها = 16 %
يعني أي سعر يعرضه عليك بوكينج أضيفي عليه 16 % من السعر الأصلي في جميع مناطق ماليزيا
ماعدا لنكاوي لأنها معفية من الضرايب
فالحسبة تكون لجميع فنادق لنكاوي السعر الأساسي + 10 % فقط
أتمنى أكون أفدتك عزيزتي ورحلة ممتعة بإذن الله ..
أختك .. شموخ

إضافة ،
قال لي سائق التاكسي عندما كنا نسير بجانب قولدن ساندس ، إطلالة الفندق تنعدم فيها الخصوصية
لأن ترتيب الغرف على شكل حرف u لذلك أرشح لك فندق بارك رويال ، هو أرخص كذلك .
حديقته شرحه وتفتح النفس .
والاخوة والاخوات يفيدونك في ذلك ،

عن تجربة شخصية اروع فندق سكنته قولدن ساندس
معاملة / نظافة / اكل / ممتاز
كل الغرف مطلة على البحر
تقريري عن قولدن ساندس
https://artravelers.com
تحياتي

مشرفتنا الغاليه شموخ كفت ووفت قالت المفيد
ارشح لك فندق بارك رويال
سكنته 3 سنوات متتاليه اشحلاته
وحديقته روعه
قعدتها على البحر تشرح القلب
والكوخ اللي بالحديقة فيه امرأه مسلمة تسوي مساج اصلي
عجيب
تعاملها روعه وخلوقه
لا يطوفك مساجها

1. الحين تساؤلاتي الأخرى

السلام عليكم ورحمة الله
اخيرا قرب الحلم يتحقق وباقي على رحلتنا شهر الله يتمم على خير
حجزنا فنادق وطيران داخلي بس باقي الجدول والاماكن السياحية ساعدوني فيه
وبقولكم الأماكن السياحية اللي اعرفها في كل منطقة
الوصول الى كوالا 13 يناير الساعة 1 ظهرا
معنا 9 ليالي فقط
يوم 13 سيلانجور للراحة
3 ايام لنكاوي ( 14/15/16)
رحلة المنغروف / القرية الشرقية / التلفريك / ميدان النسر / الشلالات / الآبار السبعة / حديقة الفواكة / محلات الشوكولا والقهوة
يومان بينانغ (17/18)
الهضبة
وش بعد ؟
3 ايام كوالا ( 19 / 20 / 21 )
اسواق + عالم البحار + حديقة الحيوان + حديقة البرجين
2الإقلاع للوطن

الحين تساؤلاتي الأخرى

لو خصصت يوم لجنتنغ من كوالا وش الأماكن اللي اروح لها فيها بما أن الألعاب مسكرة ؟

• الآبار السبعة في لنكاوي هي نفسها الشلالات ؟؟ ( نفسي اشوف شلالات )
• رحلتنا ترانزيت الرياض جدة كوالا -- لما اروح مطار الملك خالد اروح الصالة الدولية والا المحلية ؟
• رحلة المنغروف احس 4 ساعات كثيرة مره وانا اخاف من هالأماكن بس مايمنع اجرب ابيها ساعة او ساعتين ممكن ؟

+ ان فيه زميلة لي تقول ممكن تحجزينها من الويستن بما انك بتسكنين فيه هم يودونك لها الرحلة من شاطئهم وش رايكم ؟؟؟؟؟؟

• وين ممكن امارس مهنة صيد السمك

ادري تساؤلاتي كثيرة بس مالي الا الله ثم انتم تساعدوني بليز

بقولك عن رحله المانغروف مو ضروري 4ساعات والاماكن ماتخوف انا حسيتها بسرعه خلصت يمكن 3 ساعات المهم لاتفوتينها
تحجزينها اول ماتنزلين لمطار لنكاوي فيه مكتب بينادونك في وحده تتكلم عربي اتوقع اسمها فاطمه
حجزنا للمانقروف عندها ب200 رنقت فقط قلنا نبي قروب ولما رحنا كنا لحالنا باالقارب كان افضل انا لحالنا ولله الحمد
انها جت منهم ههه
بينانغ محلات الشوكلاته والقهوه والشاهي كلهم جنب بعض والعسل
حديقه الفراشات مالها داعي صغيره وتذكرتها غاليه الشلالات حلوه بس الطريق لها ضيق وكله لفات
لفه ورا لفه يمين يسار ندمنا انا رحنا لها دخنا دوخه باالمره باالمره بسببها كنسلنا باقي الجوله
ورحنا للفندق ع طول
في بينانغ السوق الليلي والتايلندي
في لنكاوي في سوق ليلي بجانب فندق بايفيو بيتش

وله النسيان جزاك الله خير وشكرا على ردك
ياليت ألقى أجوبه لباقي أسألتي