وعليكم السلام ورحمة الله وبركاته
الف مبروك مقدما والله يرزقك الذريه الصالحه
اولا إذا وصولك متأخر لجاكرتا ولا يوجد لديك حجز مسبق لسكن فلا تطلع طوالي اسكن ليله في جاكرتا وتروح الجمعة بدري للجبل لأن البحث عن السكن شي متعب جدا بالذات انك بشهر عسل فالافضل تحجز من الان على فندق سيروني 3 او 2
احذر الذهاب من وإلى الجبل في ايام الويك اند عندهم
طبعا الاماكن بالجبل كثيره
سفاري
حديقة الزهور
حديقة تشيبوداس
الشلالات
مسجد التعاون والبرشوت
بحيرة الليدو
مزارع الشاهي
نصيحه وحط تحتها مليون خط أحمر لا تروح باندوق 5 ايام
اجعل جزيرة بالي بديله عنها
جزيرة رومنسيه وانشطه متعدده صدقني راح تعجبكم حيل
بعدها اخر يومين خلها لتسوق وبما انك عريس اكيد الحرمه تستغل السوق ههه
وأي استفسار الجميع هنا بخدمتك

اللهم امين والله يبارك فيك ياخوي
وصولي ان شاء الله الظهر ل اندونيسيا
والجبل حجزت فيه سيروني 3
وبالنسبة ل باندونق حجزت الفندق خلاص
ووكنت بروح بالي بس فكرت فيها كلها 12 يوم وماتجي حق التعب والتنقلات من مدينة لمدينة
عشان كذا فضلت تكون المدن قريبه من بعضها
الله يعطيك العافية ياخوي
وياليت لو تقولي بباندونق ايش الاماكن المفضلة

ياشباب انا وصولي للجبل ان شاء الله يوم الخميس الظهر وابيه للراحة والاسترخاء من التعب والسفر
ايش تنصحوني اروح يوم الجمعة والسبت والاحد والاثنين
خاصتن انتو تقولو يوم السبت والاحد زحمه بالجبل
وان شاء الله يوم الثلاثاء اروح باندونق
اتمنى تنسقو لي جدولي وهذي اول سفره لي وشهر عسل
والله يعطيكم العافيه

والله إذا الحجز في باندوق قابل للألغاء ف على الاقل خل باندوق يومين فقط إذا ماتبي تروح بالي
اما الجدول الجمعه اطلع لحديقة الزهور وماحولها
اما السبت وبما انه زحمه فخليه في سفاري لأنها قريبه من فندق سيروني ولا راح تصادف زحمه بالتنقل
يوم الاحد ممكن تستشير فيه السواق من ناحية الزحام في الذهاب إلى الليدو ومن بعدها مدينة بقور والعوده ليلا حتى تخف الزحام
وباقي الايام تتنقل بسهوله ان شاء الله

الله يعطيك العافية ياخوي
الجمعة بخليها حديقة الزهور . وايش حولها ياخوي مثل ايش
والسبت ان شاء الله بقضيه بسفاري

والله شوف باندونق ما فيها الا بركان ومويه حاره
ما تستاهل حتى يوم
وباندونق ترى حاره شوي لانها تحت
يعني حاول تزيد ايام الجبل او توجه الى بالي كا شهر عسل بعد
يعني انصحك تروح للجبل تقعد 4 وتحجز من المكاتب في الجبل وتوجه الى بالي لكثرة
الانشطه فيها والاماكن الرومنسيه يعني حقت شهر عسل بالي
ورحله سعيده

تبغي نصيحتي أخوي
الجبل 4 وبعدها بالي 6 أيام وبعدها جاكرتا 2 يومين