اخوي بس ابي انبهك ع نقطه
ذكرت باريس زيلامسي .. علما زيلامسي لا يوجد بها مطار
ف افضل طريقه
من باريس خذ طيران اقتصادي داخلي الى سالزبورغ وليس ميونخ
وبس توصل المطار في مدينه المانيه قريبه من سالزبورغ النمساويه
اطلع لها بتكسي ربع ساعه وخذ لك سياره واطلع ع زيلامسي (الغرض من انك تاخذ سياره من الاراضي الالمانيه وترجعها ف ميونخ لتفادي الضريبه)
وبس تخلص زيلامسي اقرب مطار دولي لك راح يكون ميونخ
ف خلي رجعتك منها واجلس فيها ليله بعد ما تسلم سيارتك ف مركز المدينه
حبيت انبه ولو ان ادري مكان استفسارك غلط بس حبيت انبهك بخطوات مهمه لمخططك
والف الف مبروك الزواج وعقبال ما نفيد اولادكم ان الله اعطانا عمر
بالنسبه لباريس اطرح لها موضوع مستقل ف القسم الفرنسي
اما لندن
ولو اني تلميذ بسيط ف هالبوابه ولكن ما يمنع افيدك باللي نقدر عليه
خلي سكنك قريب من الاكسفورد عشان تسهل عليك تنقلاتك وتعيش اللحضه
المعالم الحلوه اولها لندن اي والبيق بين وشارع الاكسفورد مع الرجنت ستريت والبيكاديلي سيركس والبوند ستريت والبسترفيلج اوت لت والكوفنت قاردن والويست فليد مول
تقدر تبحث بالمنتدى هذا راح تلاقي مواضيع من خبراء لندن وبالتفصيل الممل
تحيتي

1. ثانيا: المطاعم:


2. ثالثا: التمشي :

بسم الله الرحمن الرحيم
الفاضل\ة صاحب او صاحبة الاستفسار
انا راح اذكر اقتراحي لك بالنسبة للندن ( مالي شغل بالباقي لاني مخلصة لحبيبتي لندنوه)
بالنسبة للسكن بما ان المسافرين رايحين شهر عسل معناه لابد ولازم وحتما وظروري يعيشون لهم أيام حلوه وخيالية وان شاء الله تكون كل ايامهم كذلك لكن تظل ذكرى شهر العسل أحلى ذكرى عشان جذيه لازم نتوصى فيها
نبدأ بالسكن : اقتراحي الاول فندق الدورشستر ( في منطقة البارك لين ) وهي قريبه من أكسفورد يعني تطلع من الباب تلف شوي يمين وسيده تمشي تلقى نفسك في اكسفورد وهذا الفندق يمتاز بالفخامه والستايل البريطاني العريق
اما اقتراحي الثاني : اذا كنت غشيم في لندن وماتدل عدل فيها فالسكن يكون في فنادق اكسفورد نفسها عندك الكمبرلاند حلو والثستيل جيد وهم في اكسفورد بالضبط يعني لا اندر جراوند ولا باص ولا تاكسي

ثانيا: المطاعم:

من اجمل واحلى المطاعم عندك : مطعم هندي اسمه فيرا سوامي وبصراحه انا ما ادل مكانه بالضبط بالضبط لان بو العيال وداني له مفاجاءه من غير لا يعطيني خبر عشان احفظ الخريطه لكن هو في الريجنت ستريت مطعم خيال واكل روعه بس لازم حجز ( دوره في الجوجل وبتلقاه )
ومطعم هندي ثاني اسمه محل وهو في الادجوار رود ومكانه بالضبط لما تدخل شارع الادجوار رود امشي سيده قبل لا توصل جمعية الوايت روز بتلقى محل اسمه ارجوس هو قبله دكان صغير وشكله مايغري ابد لكن الاكل
بالنسبة للمطاعم الايطالية عند 2 : الاول مطعم اسك بالضبط عند بريمارك يعني تطلع منه وتلف يمين وتمشي شوي ويكون بريمارك على يسارك ( لا تقطع شارع ولا شي ) تلقاه واحلى شي عنده الاسباغيتي وبيتزا اسمها كابرينا او كابريتا ( اخربط بين الاسمين )
الثاني مطعم بيزيريا في هارودز وهو غني عن التعريف واحلى طلب ( بالنسبة لي ) باستا الفريدو وذ تشكين بالبينك سوس
المطاعم العربيه والايرانية : في الادجوار رود طب وتخير ( ما اطيقها للامانه لاننا لايعه جبدنا منها في ديارنا )

ثالثا: التمشي :

الشباب هنا ما قصروا كفوا ووفوا بالاماكن مثل لندن اي والمتاحف وغيرها لكن انا باضيف المسارح هناك المسرح له متعه وطعم ثاني خيال جرب تروح مسرح انا رحت وزرد اوف اوز وشريك وليون كنغ ( مالت اطفال حكم القوي) احنا الكبار استانسنا فيها
رابعا : التسوق ( آآآآه ياقلبي )
سلفرج -هارودز-ريجنت ستريت-بوند ستريت -سلون ستريت
هذي الاماكن تمشي وتسوق 2×1
شبربوش ( انا اروح له بس حق الفلافل )
( ملاحظه : لا تخافون من الصرف في السوق لان العروس تستحي تشتري في شهر العسل يعني خذو راحتكم في السوق)
هذي بعض الاقتراحات وإن شاء الله اكون افدتكم

مطعم VeeraSwamy بجانب بربري في الريجنت ستريت http://www.veeraswamy.com+442077341401
++

مبررووك مقدمأ والله يرزقكم بالذريه الصالحه

http://www.veeraswamy.com
هذا رابط المطعم الهندي
بس بسأل سلون ستريت وينه ؟

الاخ عاشق الشواطئ
سلون ستريت ( أو ما يسمى بشارع الماركات ) موجود ورا هارودز شوي يعني في النايتسبرج .. ما اعرف اوصفه بالضبط لكن لما تطلع من هارودز - اعتقد باب 6 اللي تستلم منه اغراضك بعد الشوبينغ _ تمشي يمين سيده وبتلقاه .. والأفضل تروحله بتكسي اذا كنت ما تدل واذا كنت تدور فندق فيه عنك فندق الميلينيوم هناك وايد حلو

^^^
الف شكر لك عرفت موقعه تقريبا