- السلام عليكم
السلام عليكم
انا ناوية اروح باريس في اخر شهر 9 والاسعار في شهر 9 اغلى من الصيف وبصراحة محتارة جدا في السكن لاني ابي سكن مناسب وبسعر معقول ................
انا لاقيت كلاريدج الشانز ب 1500 ريال(250 يورو) وانا اشوف السعر مناسب جدا بس المشكلة ف عددنا لان احنا اب وام وطفل 6 سنين ورضيع (سنة ) ولما رسلت لهم ردوا علي ان الشقة اللي تتوافق مع عددنا هي شقة بغرفة نوم وحدة وانا بصراحة مو عارفة ليه هل مثلا بخلي الاطفال في غرفة لحالهم (ماهو منطقي ) وسعرها 2300 ريال في الليلة .............
ولقيت في النت شقق اسمهم Residence Adagio City Aparthotel Paris Haussmann Champs Elysées وسعرهم مناسب جدا ب 1200 ريال بس انا مو عارفة موقعهم بالضبط وهل بعيدين عن الشانز او لا وهل احتاج تاكسي او مترو او ممكن امشي للشانز ؟
وفي شقق اسمها فريزر سويت في الاي دفانس بسعر مناسب ب 1300 ريال في الليلة لشقة غرفتة وصالة بس انا اعرف ان الاي دفانس بعيدة بس سعرها معقول ؟
وودي استفسر من الخبراء ايش الافضل اللي في الاي دفانس او اللي في الهوسمان الشانز لان اذا احتجت في الشقتين تاكسي او مترو طبعا بفضل الشقة الانظف ؟
وهل في فندق في الشانز وقريب ويقبل عددنا ويكون في حدود 200 الا 280 يورو لان اغلب الفنادق شخصين في الغرفة وبس ؟ وهل ممكن يكون في تغاضي في بعض الاماكن او التدقيق في كل الفنادق ؟
لان بصراحة ودي اسكن في الشانز وكل مااكتب عددنا في المواقع يعطيني سويت والاسعار غالية جدا حق السويت
وهل في حد سكن في الكلاريدج في سويت وكان نفس العدد ؟ لان في ناس قالوا لي حجزي وروحي هناك وماراح يدققون وبتمشي الامور بس الصراحة انا مااحب اتورط علشان كذا لازم اتاكد ؟
عذرا على الاطاله بس انا متورطة ومو عارفة ايش الحل وماعندي الا الله ومن بعده هالمنتدى المتعاون ..............
وكنت حاجز على اننا اثنين وكان معنى طفل 5 سنوات بصراحة محد قال شيء ابدا
افضل شيء من وجهه نظري كلاريدج الشانز لأن الموقع ممتاز والسعر جدا حلو الي لقيتوة وما اعتقد بيقولون شيء لأن معظم الي يشتغلون من المغرب العربي ومتعاونين جدا الا اذا طلبتو اسرة اضافية بيزيدون السعر عليكم. وزيادة في الأمان لو تجلسون انتم بمقهى او مطعم ويروح ابوكم يسوي اجراءات التشيك ان وبعد ما يخلص ويدخل الشناط يجي ياخذكم .
رحلة موفقة