1. لكن فيه كم عيب منهم :


2. النوفوتيل :

اخوي تخطيطك رائع ..
لكن اذا كنت من محبي الاستجمام .. خليك 5 ايام اوزنجول اما طرابزون 3 ايام
او خليها 4 ايام اوزنجول - يومين ايدر - يومين طرابزون
ومن اوزنجول تقدر تطلع لبحيرة السمك ومرتفعات سلطان مراد
ومن طرابزون تقدر تطلع لمتشكا وكوشندرا وبحيرة سارا وقلعة صوميلا ( بيوم واحد )
وكذلك مغارة كرجه وقرية زيجانا ومرتفعات حيدر نبي ,,
بالنسبة للفنادق :
فندق لاكيسي اوتومان : موقعه حلو والمنطقة ايضا حلوه .. لكن مستواه العام جدا جدا عادي .. وكثير من النزلاء لهالفندق قالوا انه مايستاهل 5 نجوم ابدا ,,
ايجون موتيل : احلى مافيه انه مطل عالبحيره ..

لكن فيه كم عيب منهم :

انك اذا تمشيت بالمنطقة وحبيت ترجع للفندق بيكون قدامك طلعه متعبه شوي ... لان الفندق مرتفع نوعا ما
البلكون كاشف يعني مافيه خصوصيه بالذات اذا كان الموتيل مليان والناس رايحه وجايه .. لان البلكونات مطلين عالمطعم ( وطبعا البلكون دور ارضي ) وحتى اذا فتحت الباب .. اي احد يمر يقدر يشوف داخل الكوخ .. انا صراحه مارتحت لتصميمه نهائيا .. تقدر تاخذ فيه يوم عشان ترتاح واطلع دور بنفسك على سكن ثاني .. وترى الخيارات كثيره جد هناك ,,

النوفوتيل :

ان شاء الله راح تستمتعون فيه .. رائع جدا على الرغم من انه مصنف 4 نجوم .. لكن الفندق فخم والفطور مستواه ممتاز .. والاطاله جميله جدا والروم سيرفس ممتاز واكلهم روعه
وعيبه انو مافيه حوله خدمات يعني سوبر ماركت وغيره .. لازم سياره .. واقرب بقاله اللي بمحطة البانزين وتقدرون تمشون لها ,,وبالنسبة للسائق .. هم متوفرين في طرابزون وممكن تاخذ لك من المكاتب اللي بالمطار وحتى اوزنجول فيها مكاتب تأجير .. واسعارهم تتراوح من 120 الى 160 ليره
بالتوفيق لكم ,,