ابو مهدي 911
16-12-2022 - 05:04 pm
السلام عليكم ورحمة الله وبركاتهاحتاج منكم مساعدة في ترتيب سفرتي وان شاء الله أعرفكم ماراح تقصرون ,انا ان شاء الله ناوي السنة على استراليا انا وزوجتي وولدي عمره وقت السفر سنتين ، وقت السفر راح يكون تقريبا من 20 أوغست الى 10 سبتمبر قابلة للزيادة أو النقصان ، الحين نجي الى الاستفسارات ،هل هالوقت مناسب للسفر الى استراليا ؟؟المدة كافية - قليلة - كثيرة ؟ وش هي المدن اللي ممكن نروحها غير سدني وقولد كوست ؟؟ هل ميلبورن و بريزبن يستاهل الواحد يروحهم ؟؟ كيف اقسم الأيام هناك ؟ يعني كل مدينة كم اجلس فيها ؟ كيف بيكون الجو في هالوقت ؟ خلص الشتاء لو باقي ؟ التنقل في المدينة نفسها سهل والا ؟؟ لان انا أريح لي أتأجر سيارة بس لان هناك يسوقوا يمين ماراح أتأجر وأخاف هال نقطة ماتريحني ! يالله همتكم وإذا خلصت من هالجزء ندور للي بعده
ان شاء الله الشباب ما بيقصرون معاك ومع الكل
بالنسبة لاستفساراتك :
1- نعم هذا وقت مناسب للسفر إلى استراليا
2- المدة كافية ان شاء الله ولو تزيد شوي يكون افضل
3- مالبون مدينة صناعية حسب ما أعرف لكن فيها بعض الانشطة السياحية واهمها رحلة الثلج
اغلب السائحين يزورونها لمدة لا تتجاوز 4 أيام ، لكن ما أدري بوقتك هل في ثلج ولا لأ ؟؟
ان شاء الله خبيرنا أو أحد الاعضاء يعطيك خبر
أما بريسبان فهي مدينة جميلة تستاهل الزياره وهي تبعد عن قولد كوست ساعه تقريبا ، يعني تزورها يوم كامل من الصبح إلى الليل
4- ممكن تخلي مالبورن 3 أيام وسيدني 4 أيام وقولد كوست 14 يوم
5- اتوقع الجو بيكون بارد جدا في مالبورن وسيدني لكن في قولد كوست بارد جميل ومنعش
6- التنقل في قولد كوست وسيدني سهل جدا لكن في مالبورن ما عندي علم
هذا رأيي وما اعرفه من معلومات وان شاء الله باقي الاعضاء يعطونك اجابات أكثر وأوفر
وان شاء الله تروحون وترجعون بالسلامة