mbakr
الحقيقة المقارنه اللي حضرتك عاملها لاتصلح وهقولك لية ؟
بورتو مارينا تبعد عن مرسي مطروح 185 كيلو
وبورتو مارينا تبعد عن الاسكندرية 100 كيلو
المقارنه تكون بين فندقين في نفس المكان ..
بس باين علي حضرتك ان عندك ميل لمرسي مطروح اكثر ..
شوف هي مارينا وبورتو مارينا اجمل منها بكثير ..
وبورتو مارينا بها محلات ومول ومطاعم و فلل لها شواطي و فندق وكل شي ..
اليك تقريري رحلتي لمرسي مطروح والعلمين ومارينا ..
وانت قارن بين مرسي مطروح ومارينا بنفسك ..
https://artravelers.com

1. وأحيي فيك الموهبه الجميله اللي خلتني اعيش معاك الرحله بكل احداثها

استاذي الكبير بحب السفر
انا تشرفت جدا جدا بمرورك الكريم و اهتمامك بالرد
وأحب أسجل اعجابي الشديد بتصويرك وسردك لرحلتك لمرسى مطروح و بورتومارينا

وأحيي فيك الموهبه الجميله اللي خلتني اعيش معاك الرحله بكل احداثها

وعايز أقولك انه بسبب تقريرك وصورك الرائعه...(اللي كان أول حاجه شفتها على النت عن بورتومارينا و عن مرسى مطروح)...انا قررت اني اروح مرسى مطروح أو بورتومارينا...وكذلك قررت اني اشترك في المنتدى الجميل ده...
وقررت برده اني اسجل زيارتي لمطروح أو بورتومارينا أي كان على ماذا سيقع اختياري و أنزل بموضوع ينافسك...
أو على الاقل أحاول...بارك الله فيك و جزاك عني كل خيرأما بخصوص حيرتي...فانا زي ماقلت لحضرتك تقريرك هو أول حلجه قريتها عن مرسى مطروح و عن بورتومارينا وده مامنعنيش اني اخش و اتفرج عليه تاني زي ما نصحتني في مداخلتك
سبب حيرتي بأه يا سيدي...اني خايف أزهق في بورتومارينا...انا ناوي اقعد 7 ايام فيها...فهل فيها نشاطات كتير تستحمل المده دي...وللا حزهق..؟؟ دي حاجه
وحاجه تانية...هل فعلا الشط بتاعها صغير..انا حاسس بكده... لانها واضح عليها انها سياحة يخوت مش سباحه و ألعاب مائيه...(أنا عايز رأيك)...؟؟
في مرسى مطروح...هناك شواطئ كتيره....وكورنيش...واماكن رومانسيه...ممكن الواحد يقعد فيها...ومتاحف و أماكن تتزار...كتير...وكل ده مذكور في تقريرك المحترف...
فسبب حيرتي اني بفاضل بين مرسى مطروح (فندق البوسيت) و بين بورتومارينا...الشواطئ في مرسى مطروح كتير أوي وفيها ألوان كتيره...وأشكالها مختلفه...وبورتومارينا برده ستايل ومستوى حلو وحاجه جديده...وبجد عجباني جدا...لكن انا في حيرة...ايه رأيك في اني مثلا انزل في مرسى مطروح و ابقى اروح بورتومارينا زيارة زي حضرتك...أو العكس اني انزل في بورتومارينا و اروح مطروح زياره...؟؟
هو ده سبب حيرتي....فترة شهر العسل دي..مش حتتنسي...فكنت عايز اعمل فيها حاجه مميزه....رأيك حيتم تقدير جدا يا عزيزي....
وانا شاكر جدا جدا لاهتمامك

mbakr
هي دية المشكلة ان في بورتو مارينا مفيش نشاطات اصلن غير بعض النشاطات البحرية مثل تاجير يخت او السباحة ... الخ ..
شط بورتو مارينا هو اللي صغير ولكن شط القرية كبير جدا يعني لو اجرت فيلا سيكون في شط امام حضرتك يخصك وفي فلل بها حمامات سباحة خاصة كمان ..
فعلن مرسي مطروح فيها اماكن كتيرة تقدر تروحها ولكن مرسي مطروح مدينة تحتاج لبنيه تحتية قوية لانها بالفعل تفتقدها كثيرا ..
ولكن لو بتقارن فين تسكن وبتختار بين الاتنين اختارلك مرسي مطروح وتقدر تروح بعدها يومين بورتو مارينا او يوم .. لان بورتو مارينا لاتستحق اكثر من ذلك مش عشان مكان وحش بالعكس بورتو مارينا اجمل من مرسي مطروح 100 مره ولكن المكان مفهوش نشاطات فعلن ..
لي عودة للموضوع بعد 10 دقائق هجيب لحضرتك مكان لسة جديد وروعه بمرسي مطروح عشان تسكن فيه بس ادعيلي ..

اليك هذا المنتجع الرائع في مرسي مطروح وهو 5 نجوم
Jaz Almaza Beach Resort

هو لسة جديد ولكن من ساعت ما فتح الاقبال عليه ممتاز ..
وسأعطيك معلومات عنه ..
نبدء بالصور .

المنتجع يبعد 38 كيلو شرق مرسي مطروح يعني يعتبر عشان تدخل مرسي مطروح ستحتاج الي نصف ساعة وليس اكثر .. بس بجد يستحق ولا اية رأيك ؟ صوره كويسة جدا
وديه ارقام الفندق ووسائل الاتصال بهم
Contact this Hotel
Jaz Almaza Beach Resort
North Coast - Km 37 East of Mersa Matruh.
Tel.: + 20 - 46 - 436 00 00
Fax: + 20 - 46 - 436 00 01
Email: el
وده الموقع الرسمي للفندق ..
http://www.jaz.travel/english/Jaz_Almaza_discover.asp

تحفة بجد انت راجل تحفة
ألف شكر بارك الله فيك...جميل اوي اوي المنتجع ده...وفعلا فيه كل طلباتي
ربنا يبارك فيك يا رب...حتصل بيهم و اراسلهم ان شاء الله عشان اعرف اسعارهم...انا راسلت فندق البوسيت وبورتومارينا وكليوباترا سان جيوفاني و بعتولي اسعارهم في الفتره دي...وان شاء الله حانشر الاسعار للفائده...
شاكر ليك جدا جدا يا اخ بحب السفر...ومعتز جدا باهتمامك...الف شكر
بس بجد...تحفة...:-)

mbakr
تسم الله يخليك ....
وحضرتك تقدر تعرف سعرهم من خلال موقعهم الرسمي علي فكرة ..
حدد عدد الايام ونوع الغرفة والاشخاص وهيطلع لك السعر
وده موقعهم الرسمي
http://www.jaz.travel/english/Jaz_Almaza_discover.asp
بالتوفيق ان شاء الله وتبقي احسن رحلة لكم ..