المجمعات
عندك النخيل بلازا مو بعيد عن الإمارة
وفيه العثيم مول

اخوي بريدة مليانة شقق بمختلف المستويات
عندك بودل طبعا مايحتاج رائعه واسعارهم في غير المواسم (الاجازات) تكون جدا منافسه
وعندك شقق ضيوف الوطن والبرنس الذهبي والبنفسجيه والسفير ...الخ
طبعا انا ماذكرت الفنادق لانك ماطلبتها
ما اتذكر والله الباقي بس كلها مابين جيده جدا وممتازة
بالنسبة للمجمعات عندك النخيل بلازا وهو مول ضخم وكذلك العثيم مول
فيه مراكز تجارية بس متفرقه بالمدينة وكذلك مطاعم زي المطعم الصيني والمطعم الهندي اسمه تاج محل اذا موب ناسي
بالنسبة للترفيه فيه قرية قرين لاند اذا مانسيت والعييري بارك
اذا تذكرت شي برجع لك لاني موب ساكن ببريده
واذا معك عائلة ان شاء الله مارح تطفش لان كل شي ببريده مصمم للعوائل - زي الرياض- للاسف العزاب ناكل هوا
تحياتي وحياك الله اخوي

سبق سكنت البرنس الذهبي شارع الشاحنات ولها فرع آخر نظيفه وجيده الا اذا هي تغيرت بعدي

الله يعطيكم العافية يا شباب
ماقصرتوا
بس احتاج معلومات أكثر

حياك الله
بريده عندك فندق موفنبيك / شقق بودل
عنيزة / شاليهات بودل / شقق الكوثر / شقق الرومانسيه

يعطيكم العافيه
وشلونكم بعد الامطار
كم اسعار الشقق يعني
وشكرا

معليش يا شباب ابي تساعدوني في طريق الوصل للشقق التاليه
انا جاي من الدمام وبدخل الرياض وطلع على القصيم ابي الوصف من اول ما ادخل القصيم
1-شقق البرنس الذهبي طريق الملك خالد
2-شقق الرومانسية
3-شقق البنفسجيه
4-مجمع الرومانسيه
واي شقه ترشحونها ومين اقرب شي لقصر الرصافه حي الراشديات لاني معزوم فيه والله يحيكم معانا
ياريت الشرح بالتفصيل الممل
وشكرا

قاعة الرصافة اخوي في اقصى شمال بريده بجانب كبري الراشديات
(تقاطع الدائري الشمالي مع طريق عمر بن الخطاب) وفيه كم شقه قريبه منه واقربها بودل حوال 500 متر شماله -امتداد طريق عمر بن الخطاب شمالا- وهي قريبه جدا له
فيه ايضا شقق ضيوف الوطن موب بعيده عنه ايضا
طبعا الطريق الاسهل لك
هو وانت جاي من الرياض تجيك لوحه الدائري الشرقي ومكتوب (شرق بريدة,حائل,الجوف ) يمين رح معها باتجاه اليمين واستمر لين تتحول اجباريا للدائري الشمالي وبعدها تجيك لوحة (طريق عمر بن الخطاب) انزل معها يمين
الان اذا وقفت عند الاشاره (بجانب بندة-المخازن الكبرى سابقا) اذا رحت يمين تبي تلقى بودل بعد 500 متر تلقاها على اليمين
او اذا ترحت يسار من تحت الكبري تلقى قاعة الرصافة على يمينك مباشرة بجانب الكبري
واذا استمريت باتجاه الجنوب بعد اتجاهك يسار من تحت الكبري اول دوار يجيك ,روح من عنده يمين
بعدها يجيك دوار ثاني تجد عنده شقق ضيوف الوطن
باقي الشقق احس صعبه توصيفها من النت ماراح تدل وتبي تضيع)
تحياتي

يعطيك العافيه جنب بنده مافي شقق
مافي شارع قريب من قصر الرصافه يكون كلها شقق مفروشه
وشكرا