هلا بالغالي ( محب السفر )
عدد الأيام عندك ممتاز ( 13 يوم ) ... وأنصحك بهذا التقسيم أفضل لك بأذن الله ...
يومين كوالالمبور ...
ثلاثة أيام لنكاوي ...
ثلاثة أيام بينانج ...
خمسة أيام كوالالمبور ...

• أهم الأماكن السياحية تجدها في إجابتي على هذا الموضوع

https://artravelers.com/p/re/484046

• العبارة سعرها ( 60 رنقت ) للشخص ... وتقدر تحجز بمساعدة الأستقبال في الفندق
• من بينانج إلى كوالالمبور أنصحك بالباص ( نايس ) سعره ( 74 رنقت ) وتحجزه قبل الرحلة بيوم ... أسألأ أي تاكسي

يوصلك لمكتبهم بأذن الله ... وأدعوك يالغالي لمتابعة تقريري المتواضع عن الباص ( نايس ) وإن شاء الله يفيدك ..
https://artravelers.com/p/re/502470
وافي بزمن جافي

محب السفر85
عليكم السلام ورحمة الله وبركاته
الترتيب اوكيه وانت تقصد بينانق مو جينتنق بس الأفضل تخليها 3 ليال افضل من ليلتين
واول يومين اوكيه مافيه اي مشكله ولكن للتغير لو خليتهم بسيلانقور او البورت ديكسون افضل
لأنك بترجع لكوالالمبور وفيها 5 ليال حلوه و معقوله فللتغير لو حبيت تخلي اول ليلتين
بسيلانقور او بورت ديكسون او منتجع قولدن تري ليله وبورت ديكسون ليله
عموما جدولك اوكيه مافيه اي مشاكل ولكن للتغيير والتنويع فقط
بالنسبه للأسئله
1- الجواب تحت
2- حجز العباره يكون من نفس الفندق اللي بتسكن فيه في لنكاوي حاول تحجز اول ماتصل وإذا رفضوا
ممكن تحجز وانت رايح تتمشي بميدان النسر قريب جدا موقع الفيير في سوق الجيتي بوينت
والسعر حدود 55 رنقت للواحد ممكن يزيد قليل ولكن بكل امانه مانصحك فيه الطيران افضل بكثير واريح والسعر رخيص
3- بالنسبه لحجز الباص من بينانق ممكن تستفسر من نفس فندق الهوليدي إن إذا ممكن يحجزون لك او لا
وفيه مكاتب كثير في شارع الباتوفرنجي نفس الشارع اللي عليه فندق الهوليدي إن او تروح لمحطة الباصات فيه
اكثر من محطة ممكن تروح لمحطة كوماتار وتحجز من هناك وتختار VIP وأفضل باصات هي ايرولاين باص او سوزانا باص
او نايس واسعارهم من 60 إلي 75 رنقت يختلفون والطريق يستغرق حدود 5 ساعات ولكنه جميل وغير ممل
4- أسعار المواصلات متقاربه والأفضل دائما تاخذ جوله عندهم نظام عند التكاسي يسمونه جوله وهو 4 ساعات
ب 100 رنقت يعني الساعه ب 25 رنقت وينتظرك في المكان اللي يوصلك فيه وهو افضل نظام الجوله ممكن في
4 ساعات تروح مواقع كثير بعكس لو اخذته بالمشوار ممكن يكلفك كثير
وهنا المواقع اللي تستحق الزياره
شوف انت شوف الرابط ومكتوب مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور لو فكرت تغير جدولك
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938

مشكورين كثير كثير اخواني وافي بزمن جافي & zazaz
بارك الله فيكم وغفر لكم ولوالديكم
اتأسف على التأخير في الرد بسبب ظروف العمل
بخصوص الحجوزات انا حجزت في شهر مارس التذاكر والفنادق
الحين اريد اعمل برنامج يومي للاماكن السياحية
اذا ممكن تعطوني جدول بالتفصيل ؟
ايضا ايش افضل اخذ المبالغ معي أو اسحب من مكائن البنك ؟
من لنكاوي الى بنانج افظل اروح بالطايرة ولا بالعبارة ؟
دمتم في حفظ الله