ايه تقدرين من ديزني فيه رحلات مباشره الي ستراسبورغ
وتاخذون فيها يوم وتروحون للغابات السوداء
هي في rust اقرب محطه قطاراتوقع فرايبورغ في بادن بادن

يا مال العافية أخوي فيصل...
أتوقع اني راح أقلل حجز ديزني ونروح ستراسبورغ ويورو بارك
وأغير حجز الطيارة ونرجع من ألمانيا.
وان شاء الله تضبط معاي السفرة ...
ماقصرت أخوي فيصل ...

سفيرة الكويت
أخواني وأخواتي المسافرون العرب ....
ان شاءالله راح نسافر باريس بتاريخ 29/8 ونسكن لمدة 3 ليالي وبعدين راح نروح ديزني ونسكن بفندق سكويا لودج لمدة 9 ليالي ( حجزنا فندق ديزني مع الألعاب عن طريق النت )
1- احنا أسرتين :
الأولى : 2 كبار 3 صغار
الثانية : 1 كبير و 3 ( 16 ، 15 ، 12 )
بصراحة تعبت وأنا أدور بالنت حجز في باريس ( راح ناخذ 3 غرف )
ألقى فندق بسعر مناسب ولكن لما أقرأ ملاحظات النزلاء أكتشف أن الغرف أو الحمام ( وانتوا بكرامة ) حجمهم صغير
أو المصعد يتعطل وناس يشتكون من النظافة
أو يكون الفندق محجوز في فترتنا
( ممكن نلقى فندق بحدود 60 - 70 د.ك بالليلة )
2- اشرايكم .. أي منطقةأحسن قرب الشانز والا لا ديفانس ؟
3- هل يوجد محطات مترو في منطقة لا ديفانس ؟
4- اشلون الجو في أول سبتمبر في باريس ؟
على فكرة .. احنا راح نستخدم قطارات فقط ؟
سؤال أخير أدري طولت عليكم : اذا ودنا نروح حق لندن بعد ديزني كم يكون سعر القطار للفرد ؟
وهل تسوى إذا كنا بنروح لندن لمدة 3 ليالي فقط ؟
يرجى الافادة ... وأهم شي عندي النظافة والمصعد ...تدرون اللياقة متوفرة ... هاهاها
مشكورين ...والله يرضى عليكم دنيا وآخرة ....
اذا تسمحوا لي بالمداخله البسيطه
بالنسبه لدزني لاند فندق سكويا عن تجربة شخصيه ممتاز بس 9 ليال احسها كثيرة
سكن باريس: منطقة الشانز راح تكون افضل الديفنس
سكنت بالدفنس شقق fraser كانت ممتازه بس الشانز كان حيويه اكثر وحركة على طول
نعم توجد محطة بالقرب من فريزر هارموني
ويوجد فندق نوفيتل بالقرب من هالشقق
اتمنى لكم رحله ممتعه

والله اللي ما يسوي 9 ايام بديزني
حرام وربي فيها هالمده
اللاديفانس فيه قطارات ورير
0دينار بحدود 200 يورو ما اعتقد تلقين بالسعر هذا ابدا
القطار بتاريخ 3-9 الي لندن للفرد الصباح بدري من باريس الساعه 7 وربع بقيمه 50 يورو تقريبا
http://www.raileurope-gcc.com/spip.php?page=sales&re_domain=ptp&re_oper=results

مشكور أخوي فيصل 2006
احنا رحنا ديزني قبل سنتين وسكنا لمدة 5 ليالي ويدوب لعبنا أغلب الألعاب علشان جذي حجزت مدة أكثر هالسنة .
اشرايك أخوي فيصل أغير حجزي وأخليه 5 ليالي ديزني وبعدها نروح ألمانيا ( يورو بارك )لمدة 5 ليالي .
أنا مخصصة هذي السفرة للعيال فقط ووناستهم .
اذا اقتراحي أوكي .ما عليك أمر كم المسافة بالقطار من باريس ( ديزني ) الى ألمانيا ( يورو بارك ) وكم سعر الشخص ؟
بالنسبة لفنادق باريس اذا ممكن تقترح علي فندق بسعر مناسب ( يعني 100 د.ك بالليلة للغرفة )
والله يجزاك خير

يورب بارك من راح لها قال انها افضل من ديزني ولا فيه فرق
في باريس الغرفه للشخصين 100 دينار بس مدري بالضبط كم يورو ومتي التاريخ
ماله داع من ديزني تروحون باريس خلو مكانكم واحد وبالقطار تروحون وتردون
تبين الصدق ما ادري اقرب محطه توصل الي يورب بارك من باريس اعرف من ستراسبورغ الفرنسيه فيه رحلات
ولا بالسياره روحوا وخلو عودتكم من المانيا

عفوا أخوي فيصل .. شنو قصدك أف
يعني off راح تكون مغلقة بشهر سبتمبر

عفوا أخوي فيصل استحملني شوي ..
أنا مسافرة مع أولادي فقط 16 ، 15 ، 12 سنة وبالتالي ما نقدر ناخذ سيارة ...
طيب ... ممكن ناخذ قطار من ديزني لغاية ستراسبورغ وبعدين نروح بالقطار حق يورو بارك ( الألعاب بأي مدينة بألمانيا؟ )
شكرا

يمكن صار فيه لبس يوم رديت بسرعه وبعدين سويت تعدلين لاني ما كملت كلامي
سوري