1. الاسعار اغلى حاجة بسيطة من القاهرة


2. ممكن كمان فيه شوارع مهمه قوى طبعا كلهم متفرعين من ش الاسكندرية

الاخت الفاضلة
مرسى مطروح بلد كبيرة جدا فهى اكبر محافظات مصر تبدا من بعد الاسكندرية ببعض الكيلو مترات وتنهى عند حدود ليبيا
المنطقة الى انتى ريحاها الى فيها مركز المحافظة
الشارع الى فيه كل حاجة زى السوق - القهاوى - الكافيتريات ده اسمه " شارع الاسكندرية "وكل الشوارع متفرعه منه

الاسعار اغلى حاجة بسيطة من القاهرة

ممكن كمان فيه شوارع مهمه قوى طبعا كلهم متفرعين من ش الاسكندرية

1- ش الكورنيش وده نص بينقسم لنصين نص يسمى نص البوسيت وده مافيهوش الا كافتيرات ومطاعم كتير جدا جدا ومتسواه متوسط وبعض المطاعم المشهوره مثل بيزا هت والشله ديه وده شارع زحمة جدا باليل ويخنق الى بحيبوا الهدوء
اما النص التانى فهو نص باب البحر او الفيروز وده فيه كافتريات بس اقل وهو هادئ الى حد كبير
2- شارع علم الروم وفيه سوق يبع كل شى وفيه كمان المحمصه المشهورة " نصر " على فكرة كل محمصه هناك اسمها نصر ظ اكتوبر - نصر الاسلام - نصر ...الخ بس الاصلية الشهيرة هى نصر فقط دون اصافات
بالنسبة لموضوع المواصلات
المتعه فى مرسى مطروح تتضاعف العربية لان الشواطى الجميلة جدا مثل
1 شاطى الغرام ( 25 كيلو من وسط البلد ) فيه اتوبيس تبع المحافظة مش عارف ب2 جنيه تقريبا او ميكروباص اغلى شويه او تاكسى بقى اعتقد يأخذ 25 جنيه
2 عجيبة نفس وضع الغرام
3 الابيض نفس وضع الغرام
بعيده عن وسط البلد ( ش الاسكندرية وما حوله )
وهناك شواطى قريبة من وسط البلد ( ممكن تاكسى ب3 أو اربعه جنيه )
4 - البوسيت وما بعده ( فيه شواطى كتيره بجانبه مسمينها اسماء مش عارفها من كترها يمكن 10 شواطى بس فى الحقيقة هما شاطى واحد لان ليه نفس الصفات من لون ميه وعمق المياه المتوسط و طبيخة الرمال
5 - روميل وهو اجمل شواطى مطروح واكثرهم تنوعا فى لون المياه _ ابيض - لبنى - لبنى غامق - ازرق كذلك فيه هكان امن جدا للاطفال زى حوض كبير جدا والميه فيه كام شبر
لو عايزه معلومات اكثر قولى وانا فى الخدمة
ونسألكم الدعاء
والسلام عليكم ورحمة الله وبركاته

انا سكنت قبل فتره بشط عجيبه
صراحه خيال وفوق الحيال كمان
بحر لونه تركواز ونظيف
سكنت بشاليه وسط
بس الجو الروعه والبحر النظيف نساني الشاليه بصراحه

شكرا على المعلومات
الف شكر