السلام عليكم ورحمة الله وبركاته
أول شيء يسعدني اكون عضو في هذا المنتدى , أول مرة أشارك فيه و أول مرة أكتب فيه موضوع
طبعاً , أنا معلم وكنت أسولف مع أحد المعلمين اني بأسافر الى إندونيسيا وكان يقول مالك الا منتدى المسافرون العرب هم الادرى وهم أعرف بهالاماكن
والحقيقة قريت أمور كثيرة لكن خلني أستزيد و أكون محدد موضوع لي
انا معي 3 أشخاص , يعني مجموعنا 4
بنسافر الى اندونيسيا ان شاء الله في 29-06-2012
بنجلس بالضبط 14 يوم ( غير يومي الذهاب و الإياب ما حسبناهن ))
الرحلة ان شاء الله تقلع في الفجر 4:15 على الخطوط القطرية الوصول ان شاء الله يكون جاكرتا
و أبي اشوف بونشاك و بالي
طبعاً الميزانية انا ابي شوركم دام قدامي شهرين تعطوني مشورتكم كم نحتاج
( سواء المبلغ الخاص فيني و المبلغ اللي يكون بينا عشان السكن و السفر لبالي و المواصلات و الاكل و الشرب و تكاليف المزارات السياحية )
حالياً الشباب مبدئياً قالوا نحط للسكن و الاكل و الشرب و المزارات و المواصلات 12 الف ريال
مادري حسيتها قليلة لكن قلت نشوف
1- ابي تخطيط حلو كذا رايق لمجموعتي انا واخوياي تكفون لأني ما اعرف ولا ابي اروح على وجهي
2- الميزانية المفروضة كم وهل ازيد او لا ؟
3- بالي ابي اجلس بها 4 أيام و بونشاك 8 تقريباً و جاكرتا يومين
4- الاماكن اللي نروح لها
5- طريقة صرف العملة : خصوصا اني مجهز معي بطاقة فيزا تسوق باخذها معي وفيها المبلغ ومن هناك اصرفها دولار واحولها الى ربية
6- نصائحكم بالتواجد في اماكن معينة او التنبيه من الوجود في اماكن معينة
ان كان فيه شيء ما ذكرته او نسيته ذكروني
الله يعطيكم العافية و الله يجزاكم خير مقدماً لأني داري بتعبكم معي خصوصاً اني اول مرة أسافر
(( بالنسبة ان اللغة نحتاجها هناك ما عليكم أتكلم الانجليزية و بطلاقة ))
بانتظار ارائكم و مقترحاتكم