مرخ محتاره ابي شوركم بخصوص بورت ديكسون

مشاعر طفل

02-06-2022 - 04:51 am

السلام عليكم
انا حجزت اخر ليله بافليون في بورت دكسون
والحين احس اني تسرعت بالحجز
مشوار لين المطار ورانا طريق ورانا عفش اخاف تفوتنا الرحله
او نوصل متأخرين ..
خصوصا اني قرأت بتقرير خليلها ان المسافه عن كوالا 150 متر
وشي ثاني انا ماقلت لزوجي عن هالحجز ابي اخليها مفاجأه..هو على باله ال6ايام الاخيره بكوالا..وانا ماحجزت الا 5 ايام بكوالا وليله في بورت دكسون
اخاف المفاجأه تنقلب علي
مدري قمت اهوجس
خصوصا الرحله اقلاعها 3 العصر
شرايكم يمديني اكنسل بورت ديكسون علما اني حجزت من موقع بوكنق
بليز شوروا علي

التعليقات (9)

وافي بزمن جافي

02-06-2022 - 07:50 am

أختي الكريمة ...
خليكِ على نفس الخطة ... والمفأجاة
صدقيني راح تكون ( البورت ديكسيون ) ذكرى لن تنسى في حياتكم بأذن الله ...
طبعآ من ( كوالا إلى البورت ديكسيون ) المسافة ساعتين ..
ومن ( البورت ديكسيون إلى المطار ) أقل من ساعة بأذن الله ..
ليس هناك أي داعي للقلق بأذن الله ...
رحلتكم الساعة ( 3 عصرآ ) ... يعني تتجهون للمطار الساعة ( 11,30 صباحآ )
وافي بزمن جافي

مشاعر طفل

02-06-2022 - 08:51 am

اشوى والله ريحتني
الله يبشرك بالخير ويجعل ماتقوم به في ميزان حسناتك
الف شكر..

ابوعبدالله ( الاسفار )

02-06-2022 - 09:52 am

لا تحاتى و تشيلى هم و تعوذى من ابليس ....
مخطط عال العال بس ياليت حولتى الحجز على ذا لجند ووتر هومز ( هو اللى عليه الكلام ) من تقرير خليلها ...
عالعموم التغير من دوشة و زحمة العاصمة كوالا الى منتجعات بورت ديكسون و راحة بال آخر الايام ....
رحلة سعيدة

خليلها

02-06-2022 - 10:53 am

من بورت ديكسون إلى المطار 50 كم فقط...
والطريق إلى المطار سالك بدون إشارات يعني بالكثير 40 دقيقة وانتو في المطار...
بس عندي سؤال لطيف وظريف ... ليش معلقة على الأفيليون وليش مافكرتي بالليجند هومز؟؟؟؟

مشاعر طفل

02-06-2022 - 11:54 am

الاسفار متعتي
يسلمو الله يريح بالك
خليلها
الله يطمنك تسلم
طيب انا سألتك بموضوعي السابق كيف اغير الحجز لكن مارديت
اذا تعرف علمني انا حاجزه عن طريق بوكنق
بليز
كل اللي يعرفون كيف اغير الحجز يعلموني لاني الصدق تحسفت على الافليون بحول ل ليجند

خليلها

02-06-2022 - 12:55 pm

مشاعر طفل
هلا بك
معليش ماانتبهت لردك في الموضوع الأول إلا الحين...
على العموم المسبح فعلا صغير حجما ولكنه مو حق أولمبياد ...
يعني هو يادوب حق روقان ورومانسية للعرسان...
بالنسبة لإلغاء الحجز على بوكينق ....
لما تفتحي موقع بوكينق راح تجدين فوق على اليسار كلمة (حجزي)
اضغطي عليها وراح تفتح لك صفحة أخرى في مستطيلين (رقم الحجز) و (الرقم السري) أدخليهم ومن ثم اضغطي على (تسجيل الدخول)
بعدها تفتح لك صفحة أخرى وراح تشوفي فيها عدة خيارات من ضمنها أول خيار (تعديل حجزي) اضغطي عليه
وبعدها تفتح صفحة أخرى وفيها أيضا خيارات أخرى وتلاحظي على اليسار مكتوب باللون الأخضر (إلغاء كامل الحجز)
اضغطي عليه وبكذا يكون حجزك ألغي وراح تجيك رسالة على الايميل بتأكيد إلغاء الحجز...
أتمنى يكون الشرح مفهوم وسامحينا على القصور
بالتوفيق

مشاعر طفل

02-06-2022 - 01:56 pm

الله يجزاك خير الحين بروح الغيه وبحجز على ليجند
وبقولكم
برب

مشاعر طفل

02-06-2022 - 02:57 pm

يؤؤؤؤؤؤؤؤؤؤ والله اني ....
تم إلغاء الحجز.
خلال لحظات، ستستلم رسالة الكترونية لتأكيد هذا الالغاء
https://www.booking.com/hotel/my/dorsett-regency-kuala-lumpur.ar.html?aid=1300939, كوالا لامبور
الوصول
السبت، 17 سبتمبر، 2011
المغادرة
الخميس، 22 سبتمبر، 2011
ليال 5
غرفة واحدة
أشخاص 2
اه مانتبهت حطيت رقم حق كوالا ياربي الله يقلع الفداغه........
برب اعدل الامور

خليلها

02-06-2022 - 03:58 pm

مشاعر طفل
ههه
لحظه لحظه
بكم كنتم ماخذين الليلة فيه؟؟؟
وترا فيه شقق مناسبة جدا وموقعها ممتاز جدا ب 350 رينجت لليلة شاملة الضرائب والإفطار... ومن وجهة نظري أفضل من موقع دورست ريجنسي

كوالالمبور المسافرون العرب

مرخ محتاره ابي شوركم بخصوص بورت ديكسون