السلام عليكم جميعاً ،،،0
بعض ما قيل عن أهل محافظة الأحساء - ولا يهينون الأخوان
.. عندكم ... عين ام سبعه.. عندكم ... عين الجوهريه..
عندكم .. جبل القاره .. مع .. سوق.. القيصريه
.. وكلامكم .. تمطونه .. مط
.. صاير مميز .. وله .. نغمه .. موسيقيه
.. في .. اعراسكم .. تحبون ... العنيه
.. البنت مهرها .. ثلاثين .. والثيب.... بعشرين.. وشويه
وعمتك ... وعساها .. ما حبتك
.. واجب ... تحب راسها ... وقت .. الصباحيه
.. حريمكم .. اما .. معلمه .. أو .. جامعيه
.. توفر .. لك .. القرش .. تحطهم .. في ... جمعيه
.. وتعينك .. يشهد الله .... ما هي .. رديه
.. فيكم .. صفات الطيب .. و ناساً اجتماعيه
.. فيكم... كريم النفس.. و فيكم .. قوي .. الشخصيه
.. وصدقوني .. لو ادور .. كل السعوديه
.. ما راح .. القى مثلكم .. يالحساويه
كيف تعرف الحساوي؟؟
اذا صلى الفرض وانتهى من صلاته ... وانتهى من التسبيح التفت على اللى في
يمينه وسلم عليهم والتفت على اللى في شماله وسلم عليهم
اذا شافك وقابلك في الطريق سلم عليك سواء كان يعرفك او ما يعرفك
اذا جاورته ما لقيت من وراه اذيه ، يعني ارقد وآمن
تلاقيه بسيط ، طبيعي ، سموح ، وسيع صدر ، وعلى نياته
اذا طق عليك الباب عطاك سله فيها رطب خلاص أو غر واذا جاء وقت الصرام ما
نساك من التمر الزين
تلاقيه غارس في بيته فسيله وتشوفه مهتم فيها بنفسه
تلاقي عنده سيارتين ، الاولى كابرس يروح عليها الشغل ، والثانيه سوبر حق
طريق مكه
تلاقي طموح ابناءه اذا تخرجوا من الجامعه انهم اما يصيرون مدرسين في
الحكومه او مهندسين ، وازيدك من الشعر بيت .. كل واحد منهم
يبي يتزوج مدرسه ويسكن في شقه لحاله
اجتماعي من الطراز الاول ، يعني ما تمل من سوالفه
يزعل لكن قلبه ابيض بسرعه ينسى وعلشان كذا ما تلاقيه حقود .. ونكرر ونقول لكل قاعدة شواذ
اذا شاف شي غريب .. اول مره يشوفه او يسمع فيه .. قال .. الله شذاذا ..
اذا قلت له ... على كيفك ... رد عليك وقال ... ما يحصل
اذا جاء شهر رمضان طق عليك الباب وعطاك صحن هريس من طبخ ام عياله
اذا طلع تقاعد ... تلاقي طموحه عماره في الخبر او الدمام ... ومزرعه في
الحسا فيها بركه سباحه .. وتنور حق المندي
يخاف من العين .. علشان كذا تلاقيه يقول لك .. قول ما شاء الله
اذا كان ساكن في الدمام ، الخبر ، الظهران ، الجبيل أو أي مدينه أخرى ، وجا ء يوم الاربعاء حرك
ونزل الحسا ، وفوق كذا يحب يقضي العيد يم أهله وجماعته هناك
ما ينساك في العزايم والمناسبات ، يعرف الأصول وكريم
اذا شميت ريحة المشموم 'الريحان' في بيتك اعرف ان زوجته كانت تزور
زوجتك
يستانس وينبسط الى من شاف له ناس من اهل الأحساء
طبعاً لأني من الأحساء عدلت الموضوع ونقلته لكم جميعاً،،،0
وماعلى باقي الأخوان قصور ،،،0
نكرر دائماً أن لكل قاعدة شواذ - الأمر لا يعمم - قد أكون أنا منهم 'الشواذ' في بعض تصرفاتي
@@ أرجو أن تتقبلوا الموضوع بصدر رحب @@
أخوكم
أبو سهل
ملاحظه: مدينة الأحساء وليس الحسا.
ليس كل أهل الأحساء يمطون بكلامهم فمدينة الأحساء تحتوي على شريحه من جميع انواع وطبقات المجتمع من بدو وحضر و قرويين ومزارعين والغني والفقير والمسلم وغيره و الشيعي والسني
ولكننا كلنا يد واحده ولله الحمد والمنه تجمعنا المحبه والموده
ارجوا ان يكون الموضوع قد اعجبكم وان اصبنا فمن الله وحده وان اخطأنا فمن انفسنا والشيطان
خيمة بوارق الخير تناديكم يا شباب وبنات الأحساء وللجميع طبعا
تحياتي لكم//