1. وصباح الخير بالصين


2. اليوم رحت مدينة الملاهي اللي ذكرها لنا اخوي جمر

مساء الخير بالخليج

وصباح الخير بالصين

اليوم رحت مدينة الملاهي اللي ذكرها لنا اخوي جمر

وبصراحه مدينه فعلا كبيرة وايد بس على كبرها بغيت اموت فيها طبعا التاكسي اخذ منا 70 يوان على الروحه و90 يوان على الرجعه التذكره خذينا تذكره عائلية ب 335 يوان شخصين كبار وطفل وخذينا تذكره شخص كبير 160 يوان وطفل 80 يوان
دخلنا المدينه واول ماوصلنا لعبنا اول لعبه اللي اهيا نفس الاخطبوط وبس نزلت رحنا نشرب ماي ولا يغمى علي واطيح عليهم وتقريبا ساعه وانا مادري عن نفسي المهم صحيت وعقب الراحه حضرنا عرض الساحر واي صج شعوذه لاتقولون خفة يد وربي سحر
طلعنا من العرض رحنا السينما ثلاثي الابعاد وصار فينا موقف اسخف منه مافي تفشلت حدي الله يسلمكم دخلنا السينما عقب مانطرنا بالدور ربع ساعه المهم بس دخلنا ولا نوقف وفوق حاطين شاشه بدون كراسي بيني وبينكم انا انصدمت وقمت اتحلطم ع المنظر وفجأه والشاشه تتكلم بالصيني ولا الناس تركض أنا قلت صارت انحاش معاهم واركض ولا اثاري المخبل الصيني كان يقول الحين بتنفتح الابواب روحوا لحقوا على الكراسي الزينه وهذيلا يركضون الحمدلله ع العافيه
وشفنا العرض بصراحه تكنلوجيا يعني عوضونا عقب هالنطرة وهالمغلب الطيب:112:
طلعنا من السينما ورحنا لعبة الجندول والله اللعبه خيال صج عجيبة
وعقبها طلعنا من المدينه لأن تعبنا من الحر
سبحان الله على الحر هذا تخيلوا مطر حر ورطوبه ومطر جو يمرض
انتظروا بعض الصور بس بعد ترتيب الاشياء الحين اسمحوا لي بروح انام
عن اذنكم با اي