مرحبا جمانه
بالنسبة للصين فيها امان عالي ولكن الافضل يسكن في فنادق 4 او 5 نجوم وخاصة الفنادق الاجنبية مثل بيت ويسترن او كراون بلازا او اي فندق عالمي والسبب انه يلقا ما يفطر به في الصباح اي فطور عالمي مو رز واندومي ولحوم زواحف واشياء والله ما ادري وين يصيدونها منه . ويروح لمنطقة وسط البلد اسمها ميدان الشعب بيبل سكوير كلها اسواق راقية جدا واسعارها معقولة ولا ينسى يجيب لك جاكتات فرو او صوف انا جبت منها لزوجتي باسعار خطيرة
بالنسبة لبكين فيه فندق قريب من المطار اسمة كراون بلازا 5 نجوم ورائع بس بعيد من وسط البلد بالتاكسي 100 يوان اي 50 ريال تقريبا
اذا راح لمنطقة وسط البلد يروح لمنطقة التيانمين بيلقي هنا محلات تشتهر ببيع اللؤلؤ واسعارة رخيصة جدا انا جبت عقد لزوجتي , 3 صفوف من اللؤلؤ وفص احمر روبي بسعر خيالي جدا

جزاك الله الف خير وماقصرت .