اخوي من خبره شخصيه بهالمدينه وبالخصوص هالمستشفى لاني زرته مع الوالده نصيحه لوجه الله لا تسكن بالمنطقه اللي حوالين المستشفى لانها تعتبر من اخطر الاماكن في بالتيمور ولو انجبرت تسكن حوله لا تطلع بالليل لان هالمنطقه بالليل ماتسمع الا اصوات سيارات الشرطه و بالتيمور مصنفه الاولى او الثانيه على امريكا من ناحية ارتفاع معدل الجريمه الناس اللي هناك مو طبيعيه وثلاث ارباعهم عبيد وكلنا عبيد لله بس الاجرام باين بوجيهم ،،، اسكن في منطقة كولومبيا فيها فندق الماريوت كلها يمكن نص ساعه الى المستشفى ،،،

اختي شكلج يايه في التسعينات أو انتي خوافه وايد ... و شو السكن اللي حولين المستشفى !! ماحد يسكن هناك أصلا .. المنطقه مليانه خليجيين و الحمدالله أمان و السكن راقي و السكيورتي 24 ساعه .. لو المنطقة خطيره لهالدرجه جان السفارات ما سكنت العرب فيها ... معظم الناس يسكنون بعيد عشان الرخص بس ... فيه ازمة سكن هالفترة من كثر العرب ..

بنت الصقور
السلام عليكم
اختي انا من خلال قرائتي للمواضيع الخاصة بهالمدينة احسج ان عندج خبرة ولله الحمد
اختي فالله اتمنى ان تكون معك اجابة لسؤالي حول السكن في هذة المدينة للانني سوف اسافر ان شاء الله في تاريخ 4-7 يعني ماعندي وقت اضيعة ,
سؤالي هو عن افضل و ارقي و اامن منطقة سكنية في مدينة بالتيمور ؟
وشكراا

بنت الصقور
اختي الله يرضى عليك انا توي راجعه منها رحت لها نوفمبر 2010 لمدة 6 اسابيع فتره علاج امي بهالمستشفى
عالعموم انا تكلمت بحكم تجربه شخصيه ولا شفت خليجين ساكنين بالمكان هذا صح داخل المستشفى كثير والسكن حوالين المستشفى من ارخص الاماكن في الاسعار لكن غير مرغوب فيه ،،،
عالعموم اخوي اللي تسال بتروح هناك وبتشوف بعينك وسوي بحث على مستوى الامان فيها والله يحفظك ويستر عليك يارب وان شاء الله الاخوان يفيدونك ،،،
لك تقديري

attractive lady
الحمدالله على سلامة الوالده ... اختي ممكن اعرف وين كنتو ساكنين ؟

Mohammed alshamisi
و عليكم السلام يا هلا ..
توصلون بالسلامه ان شالله ... أفضل سكن عندك بناية سبينكار باي Spinnaker Bay و بناية بروميناد و إيدن . هذيل كلهن عرب و الأغلبيه من الإمارات ... يبعدن 5 دقايق بالسياره عن المستشفى ... كل شي حوليهم من مطاعم عربيه و سوبرماركت و محلات ... اليوم اللي بتوصل فيه بيكون عيد الإستقلال و إجازه ... إذا تبى تحجز شقه اتصل على المكتب الانترناشيونال في المستشفى و كلم رانيا و ان شالله بتساعدك ... و إذا بغيت معلومات اضافية اكتب موضوع في بوابة الاقتراحات و ان شالله برد عليك ...