السلام عليكم ورحمة الله وبركاتة
سيبو تقدر تعيش مطخطخ وتعيش عادي أذا تبغا المكان الغالي بس سعرة فية وماراح تندم ابداً سيبو مكتان في منتجع الشانجريلا وقريب من المطار عشر دقايق وعن وسط البلد 25 دقيقة بس اذا رحت لاعاد تطلع من المنتجع فية كل شي واذا بغيت عادي بس مو على البحر عندك ماريوت وقريب من ايالا مول
الشانجريلا تلقاه ب 200 دولار مع الفطور والضرائب

بيبسي مان
تسمحلي اخوي اعلق شوي على كلام تقصد شانجرلا Shangri-La's Mactan دون 190 ماتمسكه بس فيه كم منجع بنفس الجزيرة وساعرهم ارخص من جذي بفرق اما اذا تبي فخفخة عندك بولشرا في عندك منتجعين بنفس الجزيرة مكتان بس عيبهم الغرف لك عليها بالنسبة لسعرها تطلع معقولة
واحد فندق ماريباغو Maribago بحدود 80 دولار سعره حلو
اثنين بوهول بيتش B B C بحدود 60 دولار بس الغرف الستاندر لك عليها بس المنتجع حلو واغلب الالعاب المائية تلقاها بالمنتجع نفسة وفي رحلات حق جزيرة هبي ايلند وفي شغله لازم تنتبه لها كل ماغلى سعر الفندق زادة اسعار خدماته يعني لو الغطس بسيبو بيتش ب50 دولار راح يكون في منتجع اغلى ب75 او 100 دولار على العموم الاختيار راجع لك ويكفي تروح السنتر وتاخذ لك تكسي تقولة ابي رحلى سياحة بحدود 1500 بيسو يفتر فيك 5 او 6 ساعات بسيو
وفي شلالات بس تبعد عنك 3 ساعات اذا حاب تروح لها واسال الفندق عن عرض الدلفين وفي منتجعات تسوي رقص فلكلوري اذا انت من هوات هالشغله وتقدر تطلع على لابو لابو حديقة صغير بس تذكار حق بطل قومي حارب القائد الاسباني ماجلان وقتله

اخي بيبسي مان والاخ عبدالله .... شكرا جزيلا على المعلومات والله كنت محاجها لاني ما عرف شي بسيبو وطايرلها بكره .. بس حق بوهول ابي ازور الشوكوليت هيلز فقط وارجع بنفس اليوم لسيبو . اذا امكن لان الفترة قصيرة 3 ايام فقط وبعدين راجع مانيلا .. thnx alot

الاخ عبدالله السلام عليكم ورحمة الله وبركاتة
أعتقد أني قلت فية الغالي وفية الرخيص وين الغلط تعلق على كلامي وأنا موضح كل شي مايصير