السلام عليكم ورحمة الله و بركاته مبروك عليكم الشهر و لو متأخرين
والله يتقبل منا ومنكم صالح الأعمال يارب ويعتق رقابنا ورقاب المسلمين من النار.
اعزائي انا مسافر ان شاء الله اول العيد وودي اشارككم المخطط
اول يوم الوصول إلى ميلان : باجلس فيها يومين
وفترة الجلوس راح امر على ساحة الدومو وغيرها من الاماكن المعروفة
بس فينيسيا هل الافضل اروح وانام فيها او اطلع لها من الصباح وارجع لميلان مره ثانيه بنفس اليوم ؟
يعني ودي اضيف خلال فترة جلوسي بميلان فينيسيا ؟ ابي نصيحة منكم ؟
ثانيا: بعد ايطاليا باروح من ميلان إلى لوقانوا بالقطار وباجلس فيها إلى يومين وبعدها وش تنصحوني
في ناس قالوا جرب جنيف وإللي قالوا زيورخ وإللي قال انترلكن وودي اطلع لزيرمات واجلس فيها من 3 إلى 4 ايام
إذا باطلع لزيرمات من لوقانوا هل بالقطار والطريق حلو للي يبي الطبيعه ؟ ابي اقتراحكم هنا ؟
ثالثاً : بالنسبة للنمسا ؟ راح اجلس فيها يومين وبعدها ودي اطلع اي مدينه في النمسا واخذ كوخ ماعندي احد للاسترخاء ويكون في مرافق قريبد مثل سوبرماركت . بنك . مطاعم مثلا . بس وين تنصحوني ؟
اخيراً : بالنسبة لإيجار السيارة هل تنصحوني انا عندي رخصه دولية بس ماجربت اسوق بأوروبا ؟
وهل لو احط ميزانية للسيارة حدود 10,000 تكفي مثلا اقدر اتنقل من ميلان إلى فينيسيا ومن بعدها
إلى لوقانو حتى لو اطلع لزيرمات ؟ اعطوني رأيكم
ياليت اخواني تشاركوني بأرائكم
والله يكتب لكم التوفيق في الدنيا والاخرة