ياهلا وألف مرحبا ياغلانا ...
والله أنصحك بعدم المواصلة إلى لنكاوي ... ليه تتعب نفسك ياقلبي ؟؟؟
خلي جدولك كذا :
يومين سلانجور - أربعة لنكاوي - ستة كوالا
كذا الجدول مريح ومميز ومن أجمل مايكون

متعب جداً عليك من رحلة 8 ساعات تقريباً احجز يومين في سيلانجور وبعدها روح للنكاوي اريح لك ..

اشكركم على الردود يا مبدعين
اوكيه بعتمد جدولك يا الغالي وافي
وين تنصحني اسكن في سيلانجور

الله يعافيك ... ويستر عليك
في سلانجور ( الون وورلد ) ...
وفي لنكاوي ( الشيراتون ) ...
وفي كوالا ( القراند ملينيوم ) ...
وسلامة قلبك .. وروحك .. وعمرك

ممتاز الله يعطيك الف عافيه
بس كوالا ودي اسكن فندق تريدرز الناس اللي اسكنوا فيه يقولون تحفة كوالا

اتمنى تساعدوني في حجز في فندق شيراتون لنكاوي
دخلت على موقع booking ولم اجد الفندق

هلا والله يالغالي ..
فعلا ( التريدرز ) أسطورة ... ويستحق السكن ... أحجزه خلاص
أما ( شيراتون ) موجود على موقع ( أقودا ) وهو من المواقع الشهيرة والرائعة ... وهذا الرابط

الله يعطيكم الف الف الف عافيه
خاصة الاخ وافي
ابشركم سويت كل حجوزاتي وتم دفع كل المبالغ للفندق وتذاكر الطيران
ان شاء الله الله السفر في 14/10/2013 من الدمام الى الرياض على الساعه 7:30 مساء اوصل الرياض على الساعه 8:30 مساء
ورحلتي من الرياض الى كوالا الساعه 12 الليل اوصل ماليزيا الساعه 1 الظهر بتوقيت ماليزيا يعني في راح اكون في ماليزيا في تاريخ 15/10/2013
حجزت ليلتين في فندق ون ورلد في سيلانجور تقريبا طلع علي 838 رايال
ثم بطلع على طيران اسيا في تاريخ 17/10 الى لنكاوي في فندق الويستن لنكاوي ريسورت وسبا قريبا 2300
وبعدين برجع الى كوالا في فندق التريدز من 20/10 الى 28/10
8 ايام طلع علي السعر 3340
طبعا بخصص يوم لزيارة جتنغ من كوالا والرجوع الى كوالا مرة اخرى
طبعا الخطوط اللي بسافر فيها الخطوط السعوديه طلع علي التذكرة لشخصين 5748
تاريخ المغادره 14/10/2013 الى 28/10/2013
تقريبا كلفني كل شي من تذاكر طيران دولي وداخلي وحجوزات فنادق 12750
مدري وش رايكم هل السعر مبالغ فيه ولا معقول
وش رايكم بالمخطط كشهر عسل
وعندكم اماكن قريبه اقدر ازورها من كوالا لاني خصصت لها 8 ايام شامله الزيارة والتسوق

يامرحبا حبيبنا ..
والله ( 8 أيام ) في كوالا كثيرة ... وفي فندق واحد كمان !!!
تمنيت لو وزعت المدة على فندقين ... يكون أفضل ومن باب التنويع
إذا تقدر تعدل ... أحجز يومين في جنتنغ ... وربي ماتندم
وايام كوالا أقسمها على فندقين ... كما ذكرت لك
أما الأسعار ( معقولة ) مقارنة بفخامة الفنادق وروعتها