والله الوقت قريب يا شيخ
ما انصحك كلها في باريس
قللها ولا طلع فيزا وزور لندن ولا كمل الي اسبانيا
خل ذهابك باريس وعودتك اسبانيا
صعب التكلفه شوف التذاكر وبعدين نشوف لك الفندق

السلام عليكم
الحقيقة 14 يوم كلها في باريس ممل جدا جدا
انا من رابع يوم مليت
تقدر تستأجر لك سيارة وتطلع لألمانيا وسويسرا
وقسم الأيام مثل ما تحب
لكن نصيحه لا تقضيها كلها في باريس
اتمنى لكم رحله موفقه

متى رحلتك مثل ماقالوا الاخوان ممله كلها في باريس
ابعطيك بكج وشف
4 ايام باريس
5 جنيف ومنها تروح منترو و لوزان و ايفيان
2 باريس
وبعدها تسكن في ديزني يومين يوم للالعاب ويوم للاوت لت وترجع للبارك يوم
واخر يومين في باريس
اتمنى لك التوفيق واذا تبي توزيع وين تروح وين تجي محد بيقصر وانا احاول افيدك ان شاء الله باللي اقدر عليه
اخوك
عبدالله

قسمها بين بما انك شهر عسل
اقترح عليك باريس ونيس وكان ومونتكالرلوا
سياحة تجمع بين الاجواء والطبيعة ونيس وكان اجواء شاطئية ووناسه
او باريس وجنيف والعودة من جنيف

فيصل,, cute traveller ,, مغرور نجد,, المغامسي لاعدمناكم جميعاً...
انا سفرتي راح تكون بإذن الله في منتصف يونيو القادم
اللي فهمته منكم ان المدة طويلة جدا لو بقضيها كلها بباريس,, يعني لازم ازور دولة ثانية
بالنسبة لديزني لاند لازم اسكن فيها ؟؟ يعني ماينفع ازورها يوم كامل بدون ما اسكن ؟؟
ولو خططت اني ازور دولة ثانية مثل المانيا او بريطانيا استأجر سيارة افضل او طيران,, بصراحة اول مره اروح اوروبا واخاف اضيع بالسيارة هناك
ويعطيكم الف عافية مره ثانية...

بالله وين تضيع يرحم والديك جارمن وميه ميه
ديزني طبعا يمديك تروح لها بنفس اليوم وترد
المناطق اللي قالها مغرور كويس شوفها
لندن يبيلك فيزا ثانيه وحلووه بس بتكون قوه زحمه

امير الترحال
يا هلا أخوي
التوقيت مرة ممتاز والجو بيكون حلو ومعتدل
والمدة نقصد فيها كثيرة على باريس يعني بما ان الفيزا موجودة لا تضيع عليك الفرصة
خصوصا ان الدول الأوروبية قريبة من بعض وتقدر تسافر لها بالقطار وتستمتع بمناظر الطبيعة
أو مثل ما قال أخوي فيصل الجارمن موجود يالله من فضلك والطرق سالكة
أما بريطانيا تحتاج فيزا مستقلة فما يحتاج أشوف سويسرا وألمانيا والنمسا أو ايطاليا يسدون
وبالنسبة لديزني مو شرط تسكن فيها تقدر تروح لها الظهر وتستمتع وتنبسط فيها وانت راجع
تنزل لل آوت لت روعه وما يتطوف والمجمع اللي لاصق فيه نسيت اسمه وتتسوقون
وتتعشون بأحلى وأرقى مطعم لبناني اسمه ( نورا ) الأكل حلال يالله من فضلك ولذيذ
وترجعون باريس عالمغرب أو عقب بشوي
وعلى فكرة بالنسبة لديزني لاند أنصحك انك تاخذ التذاكر من باريس لأن التذاكر غالية جدا في ديزني
كل التوفيق لك أخوي

Cute Traveler
التوقيت مرة ممتاز والجو بيكون حلو ومعتدل
والمدة نقصد فيها كثيرة على باريس يعني بما ان الفيزا موجودة لا تضيع عليك الفرصة
خصوصا ان الدول الأوروبية قريبة من بعض وتقدر تسافر لها بالقطار وتستمتع بمناظر الطبيعة
أو مثل ما قال أخوي فيصل الجارمن موجود يالله من فضلك والطرق سالكة
أما بريطانيا تحتاج فيزا مستقلة فما يحتاج أشوف سويسرا وألمانيا والنمسا أو ايطاليا يسدون
وبالنسبة لديزني مو شرط تسكن فيها تقدر تروح لها الظهر وتستمتع وتنبسط فيها وانت راجع
تنزل لل آوت لت روعه وما يتطوف والمجمع اللي لاصق فيه نسيت اسمه وتتسوقون
وتتعشون بأحلى وأرقى مطعم لبناني اسمه ( نورا ) الأكل حلال يالله من فضلك ولذيذ
وترجعون باريس عالمغرب أو عقب بشوي
وعلى فكرة بالنسبة لديزني لاند أنصحك انك تاخذ التذاكر من باريس لأن التذاكر غالية جدا في ديزني
كل التوفيق لك أخوي
مشكورة اختي cute traveller بيض الله وجهك على نصائحك المفيدة
بصراحة اغلب من سألتهم قالوا ان باريس تكفيها 4-5 ايام,, عشان كذا فكرت اني اخلي وصولي النمسا او سويسرا او ايطاليا (وحده منهم) مدة 7-8 ايام ثم الايام ال 4 او ال 5 الاخيرة تكون في باريس,, يعني رجعتي السعودية تكون من باريس...
واللي يشوف ان هالبرنامج فيه شي مومناسب او يبغاله تعديل يفيدنا بارك الله فيكم...
لاعدمناكم احبتي...