هم
اول شي التذاكر لو شريتها من الحين يمكن تطلع عليك رخيصه
السفر من سيرلانكا للمالديف بالطائره طبعا وخذ عن طريق السيرلانكيه جيده وغير مكلفه يمكن تكلفك انت والمدام 2000 ريال
بالنسبه للفندق في المالديف عليك الاختيار بنفسك على حسب ميزانيتك
عليك مراعاه اختيار وجبه الفطور والعشاء في المالديف وخذها مني نصيحه تطلع عليك ارخص وتوفر كثير
وفي المالديف خذ لك ( مهما كان الامر ) واتر بانقلو - فيلا على البحر وليست على الشاطئ
اللي على الشاطئ اقل فخامه واكثر ازعاجا من البعوض والحيوانات
4 ايام في المالديف كافيه جدا + حط في بالك مصاريف 1000 دولار هناك يمكن تجي اقل على حسب صرفك
وبالنسبه لسيرلانكا انصحك تتعامل مع شركات للسياحه هناك وهم يعملون لك جدول بالنسبه للرحلات والفنادق
واطلب منهم فنادق خمس نجوم وسياره مكيفه وسائق غير مدخن
ادخل على قسم سيرلانكا يخدمونك
انصحك في سيرلانكا بكم مدينه
العاصمه - فندق الهلتون
بنتوته - منتجع بنتوته بيتش او منتجع سامان فيلا
دامبولا - كاندالاما ليك ( المنظر هناك روعه بس ترى مليان خفافيش وحشرات وقرود ) لان الفندق مصمم كي يتلائم مع الطبيعه
كاندي - ايرل ريجنسي
نوراليا - تي فاكتوري
اختر منها على كيفك بس ترى نصيحه
الطرق الاسفلتيه في سيرلانكا تعبانه بالحيل حاول انك ما تتنقل كثير بين المدن وارتاح وريح بالك شويه
اتوقع 7 ايام في سيرلانكا مع السائق يمكن تكلفك في حدود 6000 الى 7000 في هذه الفنادق ( يمكن تجي ارخص لو اخترت فنادق غيرها )
حط في بالك انك بتتسوق من سيرلانكا اشياء بسيطه فحط ميزانيه
تحياتي لك

مشكور يالغالي ماقصرت
بس بغيت اسالك عن الفنادق والفلل اللي تنصحني بها بالمالديف وكم اسعارها وهل سعر سعر الطيران من سيرلانكا للمالديف شامل الذهاب والعودة
وبالنسبة لسيريلانكا وش الشركات اللي تنصحي اتعامل معها وكيف الطريقة هل من الان والا عند الوصول

تبي نصيحتي وأنا أخوك ..... لا تروح سيريلنكا .. خصوصاَ شهر عسل ...البلد ما فيها إلا طبيعة وبس .. لا خدمات زي الناس ولا تعامل زين ... والديرة كله كلاب وخفافيش وغربان ... وعن تجربة شخصيه البلد ما تصلح لشهر العسل ابد ابد .
والناس ترى اذواق .. وفيه ناس وصفوا سيريلنكا انها اجمل من اوروبا .... وانا اوافقهم الرأي من ناحية الجو و الطبيعة فقط .. لكن باقي الاشياء .. دمار ونصيحة لا تروح.
بالنقيض تماماَ ... المالديف جنان خصوصاَ شهر عسل ... واتكل على الله ولا تتردد من ناحية المالديف ونصيحتي لك وهو عرض موجود في بعض المكاتب السياحية
دبي ليلتين .. المالديف اربع ليال ... دبي ليلتين .....
هذا البرنامج احسن الف مرة من سيرلنكا هم وخفافيشهم وكلابهم
وبالمالديف وعن تجربه شخصيه ..... فندق الهيلتون ... بيتش فيلا مع الفطور والعشاء ... والله ان تدعي لي
يمكن تكون غاليه شوي ... بس تستاهل وانت رايح شهر عسل يعني ما فيه مشكله تخسر شوي .
هذي بعض النصائح من واحد توه جاي
وانا بالخدمة عن اي معلومة
تحياتي لك
ومبروك مقدماَ

تسلم اخوي
لكن ماقلت لي وش برنامجك في سيريلانكا يمكنك مانوعت اوماتوفقت في بعض الاماكن لان كل من سألت مدحها لي
+ وش المكاتب اللي تنصح بها ..
وماقصرت يالغالي

مرحبا أخوي
انا شفت كولومبو و كاندي وما كملت باقي البرنامج ... بعد ما رجعت من المالديف رجعت لدبي وما كملت برنامج سيريلنكا .... المشكله يا خوي ماهب بالاماكن زينه ولا شينه ... المشكله انك رايح شهر عسل ... يعني ودك بسكن حلو و دلع .. اكل حلو و دلع ... ناس رايقة تدلعك وتحسسك انك عريس ... وهذا الشي مستحيل انك تلقاه في سيريلنكا ... العائلة مع الاطفال يمكن يستانسون في سيريلنكا ... لكن عرسان ؟؟؟
وهذي وجهة نظري وبالاخير طبعاَ القرار لك .
وبالنسبة للمكتب .. انا راسلت مكتب اسمه Jetwing وهذا ايميلهم

وبالنسبة للسيارة احرص تكون سيارة كبيرة وهذا شي مهم مره حتى لو قالوا لك ما تحتاج انتم بس اثنين .. لا تاخذ إلا سيارة كبيره .. لأن مشوار 100 كيلو ياخذ بالطريق من 4 إلى 5 ساعات ! فاذا صرت بسيارة صغيرة تبي تتكسر وتتعقد رجليك
تحياتي لك
وفكر واسأل وشاور قبل لا تجزم على سيرلنكا

جزاك الله خير يالغالي والله أنك حيرتني .. طيب لوبغيت اروح لديرة غير سريلانكا خاصة ان المالديف حدها 5 ايام
لاتجيب طاري ماليزيا الله يرحم والديك..

حياك يا الغالي .....
شف اذا تبي تسافر بعد الزواج على طول عندي لك راي ...
اطلع لدبي ليلتين ... منها انك ما تتعب من بعد الزواج .... ساعة وشوي وانت في دبي... ودبي فنادفها حلوة وخدماتها رايقة .. وتصلح للعرسان .. يعني مطاعم حلوة .. جلسات رومانسيه ... سينما .. يعني حركات متزوجين.
وتطلع بعدها للمالديف على الخطوط الاماراتية وهم على فكرة يطلعون دايركت لمالي.
بعد المالديف ترجع دبي ليلة او ليلتين حسب مزاجك .. وتسكن في فندق او منطقة ثانية .. يعني قبل المالديف مثلا اسكن في كامبينسكي مول الامارات ... واليومين الاخيرة اسكن في العنوان دبي مول.
تكون كذا مجموع ايام الرحلة 9 ايام.. على ميزانية 25 الف تكون ولا احلى .
ولو تمر داناتا وهو مكتب سياحي خاص بعطلات الامارات يفيدونك اكثر.
اتمنى اني ما احيرك ... بس والله قلبي عليك .. مع اني ما اعرفك
تحياتي لك ...