اهلين اختي مبروك مقدما
بخصوص حجز الاوتيلات افضل موقع بوكينق
https://www.booking.com
وماوضحتي الاوتيلات تبينها كم نجمة حتى افيدك صح ؟
باريس عندك ماريوت الشانز وهيلتون قوس النصر حلو مره بس بعيد شوي عن الشانز
وعندك كاليفورنيا والورويك هذي كلها احلى واقرب شي بالشانز
اوتيلات جنيف مقدر افيدك تماما لاني ماسكنت هناك
انترلاكن
اذا تبين شي خرافي بس غالي عندك فيكتوريا جانغفرو
ومتروبول موقعه حلو بس ماعجبني ازعاج موطبيعي
فيه اوتيل عجبني مره بس بعيد عن انترلاكن شوي 7 دقايق بالسيارة تقريبا اسمه برينز سي مره حلو وهادي ويطل على بحيرة روعة
ميلانو
اذا تبين شي مره فخم بس غالي عندك بارك حياة رايق
وعندك ستار روز حليو ماعليه وموقعه خطير مره بعد
اتمنى اني افدتك وبالتوفيق

مرحبا ريانة نجد
الف شكر عزيزتي عالرد
والفنادق ابغاها 4 نجوم
بالنسبة لباريس عالشانز او شي قريب
وجنيف ابغاها قريبه من البحيرة وقريبه ل محطة القطار
عشان لو بغينا نزور لوزان او انسي او ايش او اي مناطق تنصحون نزورها؟
انترلاكن ماعرف عنها شي
ميلانو ابي شي قريب للساحة
الف شكراا

1. هلا اختي العفو ولو

هلا اختي العفو ولو

جنيف زي ماقلتلك انا ماسكنت فيها سكنت في ديفون 4 ليالي وكنت اتنقل فيها مابين جنيف / انسي / فيفي / مونترو / ايفيان / لوزان .. ديفون مافيها شي ابد ميته وفاطسه بعد لكن ميزتها قربها من كل شي حولها فلو معكم سيارة اموركم اوكي
انترلاكن حلوة مره ورايقه بس فيها شي واحد شين بكتب عنه موضوع باذن الله ..
فيها قمة توب اوف يوروب (جانغفرو) عيبها الوحيد البعد .. البعد للوصول لها يعني حول ساعة ونص لين تطلعين للقمة بالقطار .. وساعة ونص مثلها للرجعة مع انه حنا صارت ساعتين .. تحوم كبدك وتملين من الطريق ويبي لها حوالي 5 ساعات .. وفيه المطل حق انترلاكن ( هاردر كولم ) تطلعين له بقطار جبلي يطل على انترلاكن كلها ..
والشلالات عندك شلال جس باخ وتروميل باخ كلهم حلوين يمكن الثاني اسهل واحلى وانتي تتمشين فيه انصحك فيهم بقوه ..
وتطلعين من انترلاكن للبلوسي ماتاخذ منك وقت ابد بحيرة تتمشين شوي وتروحين وعندك زيرمات هذي قرية هادية مره كثير ناس مدحوها وطيروها في السماء انا حسيتها عادي مافيها شي يسوى ..
وعندك قرية غرير مافيها شي اللهم تتمشين وتشوفين طابع القرية وارضياتها الصخرية ..
ارشح لك اوتيلات بانترلاكن دامك تبين 4 نجوم متربول بس ترى عيبه صجه ولجه ومو ذاك الزود عادي جدا لكن موقعه حلو
وفيه بقرية قريبه لانترلاكن تبعد عنها 7 دقايق بالسيارة اسمها رينقينبيرج اوتيل مره حلو اللي قلت لك عنه بس ماتوقع تلقون حجز اشوف الاعضاء كلهم يقولون فل وهو اساسا مره صغير .. بس تراه 3 نجوم
يمدحون فندق انترلاكن بس ماسكنته وهو 4 نجوم وفيه سافوي ولاجربته بعد بس كلهم بمنطقة الخرشة
ميلانو احلى اوتيل كموقع وهو حليل بعد ستار روز انصحك فيه ومره صاير بالسنتر كل شي حولك
اتمنى اني افدتك

الله يسعد ايامك يارب
تسلمين
وششكرا انك وضحتي لي هالقمم اصلا مااتحمس لها
الله يجزاك خير
اي معلومة اضافيه الف شكر

بليز احتاجكم
السفرة بسبب زحمة الحجوزات تمددت الى 20 يوم
حسيتها كثيرة
6 ايام باريس
5 جنيف
4 انترلاكن
5 ميلان
حلو !

تعديل
6 باريس
4 جنيف
5 انترلاكن( اخاف اطفش)؟؟
4 ميلان
عندكم اقتراح غيره؟

6 باريس مو جنها وايد
انا سويت 5 موزعه بين ديزني وباريس نفسها واحس وايد
انترلاكن حلوة انا رحتلها من قبل وخمس ايام
وهالمره بروحلها بعد خمس ايام
جينيف نفسها رحتلها يومين ومليت لانه ماكان عندي سياره
بس هالمره باذن الله باخذ سيارة فراح اطول فيها عشان اروح المناطق المجاورة لها
تراني لا خبيرة ولا بطيخ بس حبيت اشاركج بفكرتي