بسم الله الرحمن الرحيم ..
اخواني واخواتي أعضاء منتدى العرب المسافرون ..
وددت أن اشارككم بمخطط رحلتي ,, عسى ان يكون مفيد للبعض ..
أولا :-
الرحلة لمدة 22 يوم
من 20-6 الى 12-7
تم حجر تذاكر الطيران على طيران الامارات الرائعه وبدون منافس ..
السبب .. السعر كان 660 دينار
مقارنه مع سعر القطرية تقريبا 850 دينار
البريطانية تقريبا 900 دينار
الرحلة ستكون بتاريخ 20-6 ان شاء الله
الاقلاع من الكويت فجرا الساعة 3:45
الوصول لمطار ميونخ في نفس اليوم الساعة 13:00 ظهرا
والعودة ستكون ان شاء الله
الاقلاع من مطار ميونخ الساعه 15:45 ظهرا ً
الوصول لمطار الكويت الحبيبه ثاني يوم اي تاريخ 13-7 الساعة 02:45 فجراً
ثانياً :-
تم استخراج الفيزا الالمانية عن طريق مندوب
الطلبات .. تذاكر السفر .. صورتين بخلفية بيضاء .. تأمين سفر من البنك الوطني .. حجوزات السكن .. ويكفي اول مدينة فقط ..
ثالثاً :-
تم حجز السياره عن طريق مكتب ايفس في الكويت
وهذا موقعهم
http:///
وطبعاً هالشركة عالمية .. ولهم فرع في مطار ميونخ ومطارات كثيره
موقعهم اللي بيروحلهم :- القبله .. خلف مبنى قصر العدل - شارع فهد السالم - بجانب مكتب طيران الامارات
.. طبعا اهم نظامهم بكج .. يعني تختار نوع مستوى السياره ..
مثال :- انا اخترت اعلى بكج عندهم ..
1- سياره لشخصين الى اربع اشخاص
البكج يشمل ( بي ام الفئة الخامسة - اودي A6 - فولفو - ساب )
كلهم موديلات 2012
واذا وصلت مطار ميونخ ورحت مكتبهم .. اللي متوفر عندهم تاخذه ..
وانا شخصيا حطيت ملاحظه على الاودي ..
وبالنسبة للإختيار مابين الديزل والبانزين .. لازم تقدم طلب على الديزل .. وان شاء الله تحصل
طبعاً تأمين شامل . . سياره مكيفه .. GPS الموجود بالسياره ( متوفر اللغة الانجليزيه )
التأمين اذا كان الحادث لا سمح الله تكاليفه اقل من 1000 يورو .. انت تدفع .. واذا اعلى من هذا .. التأمين يغطية ..
((( جنهم يقولون اذا حادثك قوي .. ابشر بالعوض .. واذا حادثك عادي .. ادفع ))
البكج هذا لمدة 22 يوم الإستلام والتسليم بالمطار بسعر 585 دينار
وطبعا هذا اغلى بكج ..
واذا بتقارنونه .. بمواقع الانترنت .. فالفرق كبير
ملاحظة مهمه :- اذا استلمت السياره مثلاً الساعه 1 ظهرا
حاول تسلمها قبل هذا الوقت .. لان اذا تأخرت .. يزيدون عليك يوم ..
ملاحظة أخرى :- اذا حصلت سياره ديزل .. لازم تدفع 40 يورو لمره واحده
رابعاً :-
السكن ................. وقصة طويلة
نص الحجوزات كانت من مكتب سفريات
والنص الباقي من من بوكنج
1- كابرون لمدة 8 ليالي من تاريخ 20-6 الى 28-6
الشقة كانت روعه من الصوره وان شاء الله تكون كما ذُكرت لي ..
هذا الموقع فيه شقق هالمنطقة .. وبيفيدكم
http://www.alpen-apartments.com/pages/en/home.php?lang=EN
شقتي اسمها .. EDVI B3
وهذي صور لها .. من نفس الموقع
http://www.alpen-apartments.com/pages/posts/apartment-edvi-b3-122.php?newslng=EN
سعر الليله :- 39.5 دينار
السعر شاامل .. تنظيف الغرفه مرتين ( لان اكثر من 7 ايام )
كل شي ماعدى ضريبة المدينة ..
السعر الكلي 316 دينار ..
سبب اختيار كابرون عن زل ام سي .. هو الهدوء والبعد عن الازعاج ..
لان زل ام سي في هذا الوقت .. على قولة المثل (( تمشي وتسلم ))
2- انسبروك .. لمدة 3 ليالي ..
سبب اختيار المدينة هو .. لزيارة قارمش و مصنع شوارفسكي
وموقعها بين زلمسي - قارمش - انترلاكن
حجزت فيها فندق هيلتون انسبروك
سعر الليلة 58 دينار وهذا موقعه
http://www3.hilton.com/en/hotels/austria/hilton-innsbruck-INNHIHI/index.html
تم اختيار الفندق لموقعه .. والتقييم في موقع بوكنق
السعر الكلي :- 174 دينار
3- انترلاكن .. لمدة 5 ليالي ..
انترلاكن هي هدف السفره ككل .. ولكن صغرها خصصت لها 5 ليالي
الفندق كان من نصيحة وكيل مكتب السفريات ..
الفندق + الموقع = لا يعلى عليه
فندقي كان Goldey-Interlaken
اشهر من نار على علم
وهذا الرابط لمشاهدة الفندق ب 360 درجة .. روعه شوفوه
http://www.goldey.ch/goldey-tour/_flash/Tourgoldey_tour-goldey.html
سعر الليله 95 دينار .. غويلي شوي ..
بس عساه يسوى .. ان شاء الله
اجمالي السعر = 475 دينار
الفندق : مميز للمعاريس .. وعندهم اطلاله ما تعلى عليها .. وموقعه ممتاز
4- لوزان .. 3 ليالي
سبب اختياري لهل المدينة .. لزيارة جنيف و لزيارة مدينة ايفيان الفرنسية ..
الفندق هو
http://www.moevenpick-hotels.com/ar/pub/hotels_resorts/worldmap/lausanne/welcome.cfm
طبعاً محد بيلومني على اختياري لهل الفندق .. الموقع .. الاطلاله .. السمعه
سعر الليلة :- 67 دينار ..
أجمالي السعر = 201 دينار ..
الفندق : مقابل البحيره + مقابل البواخر اللي تروح لفرنسا ..
5- ميونخ .. 3 ليالي
ميونخ هي مدينة التسوق فقط .. ويمقن اروح رحلة سياحية ويمقن لا
الفندق هو
http://www.eurostarsgrandcentral.com/EN/hotel.html
سبب اختيار الفندق ..
يبعد عن السنتر 600 متر
مواقف السيارات متوفره
.. توصيه من احد اقربائي ..
سعر الليلة 62 دينار
اجمالي السعر 185 دينار ..
وأخيرا .. اشكر منتدى العرب المسافرون
الاخوه في بوابة النمسا و المانيا و سويسرا
على سردهم للمواضيع المفيده للجميع
عسى ان يكون موضوعي مفيد ول بشكل بسيط ..
وان شاء الله بعد الرحلة .. سيكون هناك تقرير لهذه الجوله
محبكم .. ابو يوسف ..