السلام عليكم ورحمه لله وبركاته
سبق طرحت موضوع استفسار وساعدوني الاخوان ماقصروا يعطيهم الف عافية
واستفدت كثير من التقارير الله يجزا كل شخص في هالمنتدى الف خير
من جد افدوتنا,,
وهذا الجدول للرحله يهمني رايكم فيه,,
الوصول ان شاء الله راح يكون في الساعة 4 ل اسطنبول في 7 سبتمبر
1**اسطنبول(ليلتين)
الليله الاولى راحه مع عشاء وجوله بسيطه حوالين الفندق
راح نزور فيها مسجد ايا صوفيا والمسجد الازرق والسوق المسقوف
والاشياء الي حولها ((هذي الي حابينها وودنا نزورها لكن فيه اماكن زياده لو بقا معانا وقت))
2**بورصة (يومين)
اليوم الاول رحله للشجره العملاقه او الكبيره وبالتلفريك لجبل الاولوداغ مع الغداء
اليوم الثاني الشلالات الصغيره + لونا بارك
3**ابانت (يومين)
راح تكون كلها راحه ومشي واستمتاع بالبحيرات مع ركوب الخيل السياكل وباقي نشاطات ابانت
يمكن يتظمنها نزول ل ابولو
4**اسطنبول(4 ايام)
راح تكون كلها تسوق في جواهر مول ومترو سيتي وباقي المراكز
+رحله البسفور
وهذي اسئلتي:
س/ رحله من بورصه لابانت راح تكون بالسياره ولا بالبوت؟؟ وكيف احجز لها ؟؟ اذا بالباص الاقي سواقين ينقلوني لها,,لان عائله 7 اشخاص +عفش كثير,,يعني مافيه امل نروح بالباص
س/ حسب الي سمعته التكاسي غاليه,,وابوي رافض مره فكره المترو والباصات ونحوه,,فنحتاج سواق
شفت ارقام السواقين ابو حسين وغيره هنا بالمنتدى لكن السؤال هو كيف اسعارهم؟؟
وهل لازم يكون معانا في كل الرحله؟؟يعني حرام ناخذه يوم كامل واحنا تنقلاتنا بسيطه مره!!
ولما نروح بورصه كيف راح نتنقل فيها لاني اتوقع انه ماراح يسافر معانا لها!!
نقطه المواصلات مسببه ازمه كبيره ياليت تساعدونا فيها
س/ هل نخلي ابانت قبل بورصه؟؟ ولا كويس الجدول كذا؟؟ وايش رايكم لو خلينا اسطنبول الاربع ايام بين بورصه وابانت؟؟ لانه حسب علمي هي تقع بينهم!
س/الحجز بالعباره من اسطنبول على بورصه,,اقدر احجزه من النت من الحين ولا كيف طريقه الحجز؟؟
+ الي اعرفه ان العباره نركب السيارات فيها عادي بدون سياره طبعاً صح؟؟
+قريه gumalikizi تستحق الزياره ولا لا؟؟ واذا ايه مع خطتنا ممكن نلاقي لها وقت في اليومين؟؟
س/هل ازيد عدد الايام في ابانت؟؟ولا كافي يومين؟؟وبرضو نفس الشي في بورصه؟؟
س/ بالنسبه لرحله البسفور,,شفت انا لصور البوتات وكيف زحمه وناس,, مانحب هذا الوضع تقدرون تقولون نبغا شي فيه خصوصيه وراقي شوي
هل ممكن الاقي رحلات في بوتات راقيه مع الغدا عليها لعائلتنا بس؟؟وبكم اسعارها؟؟وكيف احجز لها؟؟
جزاكم الله الجنه يا رب
شكراً