لتر البنزين ب10 ريال
اذا انتم اقل من ثلاث الطائرة ارخص وافضل
واذا صممت على السيارة
فتابع واقرأ استفسارات من سبقوك في هذه الساحة
دمت بود

ياقلبي والله يبو نوره ولين اله يخليك لنا والله اني حاسس انك تبي ترد باسرع وقت بس حنا ان شاء الله عوايل وعددنا خمسه باذن الله واذا ان شاء الله جزمنا بخبرك بس المسافه من الرس بالظبط الى القريات بالطريق الجديد بالظبط كم هو 900 ولا انا غلطان؟؟

اذا طلع من الرس خمس عوايل
وخوي بيطلع برضه وبياخذ زوجته من الرس
وانسابه اثنين ابوعلي وابو ناصر برضه طالعين من الرس
يعني
في الحالة هذي
نقول ان اوزنقول صارت رساوية برساوية
عزالله اني انا وبو عاصم مارح نلاقي مكان
اقول اعقلها وتوكل
من الرس الى حائل 300
ومن حائل الى مفرق ابو عجرم 350
ومنها الى القريات 380 يعني حسابك حول الصح
اقول الوعد عطى وعطي

محيرني النقل
لاحول ولاقوة الا بالله
هذي مجاميع من محافظه من مائة وثلاث محافظات بالمملكه عاد كيف الباقي؟؟
واهلنا بالخليج واحبابنا بالعالم العربي والمتابعين لابداعات منتدانا حيثما كانوا مجاميع ومجاميع...
اقول..
اشوى اني ماسافرت هالسنه:36_1_44:
فالسنة القادمه خلو اوزونقول لي لحالي...:36_1_34:
والا انتم معي ان الزحام في الصيفية ترى نعمه احيان كثيره ..
اشوى..معناها احسن ..

ايش رايكم سمي عبد العزيز لو قلت اوزنجول ما تنفع ولا بقرش زحام وحر زي النار والماء فيها جف والخضار تحول الى اللون الاصفر .
ينفع كده ابو عزة والناس راح تصدق هذا الكلام .
اخي الرمز الراحل . ترى اذا اثنين ثلاث الطائرة ارحم والخط هذي السنة زحام شديد وليتر الوقود تقريبا وصل 12 ريال . واذا الاجازة اقل من ثلاث اسابيع بلاش يضيع نصها في المشاوير .
في رعاية الرحمن

ابو عاصم
تصدق يقولوا ان اوزنقول راح يكون فيها زلازل وبراكين هالسنة
حتى اني سمعت انه فيها قطاع طرق وان سعر لتر الهواء الطبيعي الاوزنقولي وصل 10 $
ياعم بلاش نروح لها ايش رايكم نقلبها لصلالة تراها زينه وحلوة ورخيصة وخضرة ومياه ووجه حسن

محيرني النقل
مدري ..احس ان..الكلام موجه لي ....احد ناداني..
؛؛؛
صدقني لو الظروف كانت ملائمه لي لكنت اسابق الاتراك حضورا الى تلك الطبيعه الساحره:112:..

ههه طيب يامحيرني طيب على العموم الله يعطييك الف عافيه والله ماقصرتو كلكم ..
انا والله ودي اروح بالسياره علشان اتمشى بس يعني يوم بالاردن ويميين بسوريا وادخل تركيا واجلس بالخط لو اربع ايام عادي انام كل 300 او 400 كيلو بمنطقه عادي ماوراي شي والحمدلله يعني تمشيه ونشوف هالمناظر وبعدها شي عشرة ايام بازنجول وارجع.
طيب هل الكامري مناسبه وكم بين الحد السوري التركي الى ازنجوول كم بالظبط وبعدين اسلك اي طريق؟؟؟وين اروح يعني كيف بدل انا اعرف انو الخارطه راح تسهلي كثير بس ولو يعني وش المدن الي امر عليها بالظبط اساميها ممكن باله ياشباب لاتبخلوون تكفون..
والله ودي نتعرف على بعضنا اكثر بعدين الاخابو نوره محيرني النقل انت من الرس؟؟؟؟والله اتمنى اتعرف على الشباب كلهم محيرني النقل وباقر والاخ عبدالعزيز كلهم والله ولايهون احد فيكم الخير والبركه ومعرفة الرجال تجاره

الرمز الراحل
ذكرني معرفك برمز النصراويين
الله يرحمه
وعن طريق السفر
اقر تقرير سفرتي الي تحت وبتعرف كل التفاصيل وبتعرف انا من وين بالظبط
واما باقر فهو رجال شرواك
من حبه للأتي يشجع فنار بخشه وساكن بجده والماجد ينبعاوي يجرح ويداوي