الرياض واسعة والمحلات كثيرة ومتفرقة على انحاء المدينة لكن اذا بغيتي شي بأسعار معقولة لتفصيل غرف نوم للأطفال فيوجد سوق المدينة على طريق الملك فهد جنوب بعد اسواق بن دايل ويوجد في حرج بن قاسم جاهز ويوجد تفصيل أما مستودعات الفيصلية فلا يوجد الإ جاهز هذه المواقع اسعارها معقولة ويوجد في اسواق العويس شمال الرياض واسواق النخبة جنوب الرياض على طريق الملك فهذه اسعارها أغلى وجودتها ممكن تكون أفضل

شارع سويلم نسيت المحل بس تفصيله تمام التمام
لك اختيارات تروح تختار القماس من اي محل وتجي تعطيه القماش والمحل وهو يروح يشتري لك القماس بارخص
يمكن اسمه شويمي نسيت والله نتعامل معه يمكن من 15 سنه وتفصيله قوي للجلسات والكنبات

ما هقيت
ماعندك فكرة عن اسعار غرف نوم الاطفال كم اغلى شئ وارخص شئ؟

وارثة الطيب
طيب تقريبا كم اسعاره يعني ابي قماش عادي سادة بجلسة مودرن تقريبا 5 متر كم يكلف؟

%بايسن%
وينها فيه ؟؟

شوفي اختي عندك شارع احمد بن حنبل امسكيه من الاول حتى الاخر بتلاقين الاثاث والكنبات على كيفك
وفيه محلات تكون تتعامل مع اقمشه القثمي او الجديعي طبعا للجوده والمديل
وانتي احرصي على اقمشتهم واذل عجبك جلسه او كنب والمحل مايتعامل مع هالمحلات ممكن انه المحل يحدد لك
الامتار وانتي تجيبينها منهم
وفيه عندك حراج بن قاسم بس الاسفنج حقهم مو ذاك الزود
واسواق بن دايل افضل منهم
احترامي

صمتي وفاء
ابقولك انا سويت جلسه لصالون الرجال
كلفتني تقريبا 16 الف ريال مع القماش
يمكن انت تكلف اقل او اكثر على حسب الموديل والقماش
بالتوفيق

عندك بالنسبة لغرف الاطفال اسواق بن دايل اخنر الموديل والالوان وهم يفصلون لك
والاسعار للغرفة الواحدة شاملة السرير والكمدينة وادراج صغيرة عن الراس بحوالى 900 ريال
انا فصلت غرفتين ب 1600 والتركيب ان شاء الله يوم الخميس.
اما بالنسبة للمجالس فعندك حراج بن قاسم عند الكبري يوجد هناك محلات وفية محل ممتاز
يعطيك كاتلوج مليان تصاميم رائعة وانت تختار وهو يفصل لك حسب الكاتلوج وخشبهم سويدي
والاسعار مناسبة جدا مقارنة بمحلات المفروشات الكبيرة واكثر مايفرق بالسعر هو نوع القماش
اتمني اكون افدتك بشئ.