السلام عليكم اتوقع ان الجميع ومن ضمنهم انا سوف ينصحونك بانترلاكن ولكن وبما انك تقول قدر زرتها و ترغب في اماكن جديده فواصل مخططك الى محطة لوقانو (زيارة ميلان )
ثم محطة قاردا (زيارة فينيسيا )
واخيرا جنيف
فيه شغله مدري ليش انت ما سويتها وهي السكن مباشرة في بادن بادن والاستفاده من الايام الثلاثه الاولى في فرانكفورت لانك تستطيع زيارتها من بادن بادن ومع زيادة الايام يمكن ان تضيف انترلاكن قبل لوقانوا علشان تغطي كل المناطق
اخاف اقتراحي شوش عليك واذا حجوزات السكن تمت وصعب تغييرها ففرانكفورت ليست سيئه يمكن الاستمتاع فيها

مرحبا اخوي الفاضل دايم1..
تصدق والله انا نزلت الموضوع وطلعت وكنت متاكد انك راح ترد علي ماشاءالله عليك خدوم الله يعطيك العافيه وذاكرتك قويه تذكرت اني قلت لك قبل اني رايح انترلاكن
بالنسبه للسكن في فرانكفورت قلنا ننزل فيها وما نجلس فيها ما يصير عالاقل تكون من ضمن ذكرياتنا في زيارتنا لاغلب مدن اروبا وبنشوف شوفيها ونتسوق ونستمتع بالحداثه وابراجها
ثانيا بادن بادن قريبه من روست وانا حصلت الشقه في روست سعرها لاربع ليالي ب 2674 درهم طبعا ممتازه وغرفتين وصاله ومن روست راح نروح بادن بادن وسترازبورغ ويورب بارك وبحيرة تايتسي وكولمار الفرنسيه وما حول روست
واما اقتراحاتك ما تشوش علي بالعكس والله ساعدتني كثير، وبالنسبه للحجوزات خلاص تمت والحين ان شاءالله بعد زيورخ برتب اموري في لوقانو بس قريت امس كمن تقرير يقولون الطريق الجبلي صعب انا عندي اطفال وعندي رضيعه راح يكون عمرها 4 شهور وقت السفر ولكن قريت انه لو رحت للوقانو عن طريق لوزيرن اتوقع الخط السريع اريح...ومنها باذن الله ميلانو والمدن الايطاليه
طيب اذا بسكن في لوقانو كم يوم تكفيني عشان اقدر اتسوق فميلان واقدر امر فينيسيا وفيرونا؟
ولا رايك اسكن فميلان يوم ولا يومين بعد لوقانو ومنها لجنيف اخر يومين
لانه بيبقى عندي بعد زيورخ 8 ايام لاني بطلع من زيورخ يوم 24/8 وبرجع الامارات من جنيف 1/9...؟
يعني كيف اقسم ال 8 ايام هذي.. وجنيف وما حولها كم يكفيها يومين او اكثر؟ وانا قريت تقرير للاستاذ ابوعزيز يقول ان السكن حول مطار جنيف الجهة الفرنسيه ارخص للنصف من السكن بجنيف يعني ممكن ديفون ؟
طولت عليك وسامحني وجهدك معاي فميزان حسناتك
الله يرزقك ووالديك الجنه

ههه ما نسيتك لأني ارد بتركيز صراحه ما ودي اوهق احد طبعا كثير من الناس ما يمدح فرانكفورت لكني سكنت فيها 3 ايام واستمتعت عندك شارع الزل للمشاه والنهر وحديقة الحيوان والتور بالباص السياحي المكشوف ...الخ وانا كنت اقصد بالسكن في بادن بادن انها تكون محطة تنقلات يعني تغنيك عن روست اخر واحد من الربع انتقل مباشره من فرانكفورت الى منطقة بحيرة تتسي 3 ساعات من المطار وحجز اسبوع سكن رخيص وممتاز واستغلها محطة انطلاق
عموما اختياراتك ممتازه وبالنسبه للطريق الى لوقانو اللي يقولون جبلي هذولا الله يسلمك يطلعون من انترلاكن ويخلون القارمن هو اللي يوجههم علشان كذا يأخذهم مع طريق جبلي وعر ولكن لو وجهووا القارمن باتجاه لوزيرن مع طريق زيورخ وقبل الوصول الى لوزيرن يتم اعادة توجيه القارمن الى لوقانوا سوف يكون الطريق سهل بأذن الله وانت انطلاقتك الى لوقانوا عن طريق زيورخ يعني لن تواجه الطريق الجبلي بأذن الله
بالنسبه للتسوق من ميلان انا قرأئت والعهده على من كتب الموضوع ان الاوت لت حق لوقانوا افضل وهو الفوكس تاون وهو قريب جدا من لوقانوا 10 دقائق بالسياره والمرتبه الثانيه سيرفالي لذلك اقترح عليك الخطة التاليه خلي لوقانوا ليلتين والفوكس تاون يقفل الساعه 7 مسائا تقدر بعد ما تسوي تشكن تروح للاوت لت
واليوم الثاني تنزل لميلان وساحة الدومو وتتمشى بميلان وتشوف الاوت لت اللي قريب من ساحة الدومو واسمه RJ Outlet واليوم الثالث تسوي تشك اوت وتنطلق الى سيرفالي خارج ميلان باتجاه جنوه ساعه ونصف من لوقانوا وبعد الانتهاء من السوق الذهاب باتجاه السكن في قاردا
اليوم الثاني في قاردا يخصص للانطلاق الى فينيسيا
اليوم الثالث يقسم بين قاردا لاند للالعاب والاوت لت القريب (الظاهر 4 اوت لت تكفي )
اليوم الرابع الانطلاق الى جنيف
طبعا سوف تقضي فيها 3 ايام واحد منها خصصه لانسي
وهذا موضوع رائع للمشرف ابو طلال مراقب دول اوروبا موضح فيه جميع اماكن التسوق حول ميلان رتبها انت بما يناسب برنامجك وحسب اهميتها
https://artravelers.com"4">
وهذي العاب قاردا خل الاطفال ينبسطون
http://www.gardaland.it/resort/index-en.php
واضن عندهم تذاكر نصف يوم مسائيه تبداء من الساعه 6 مسائا الى 11 وسعرها رخيص خلها بعد ما تشطبون الاوت لت القريب من عندكم تمرون عليها
تحياتي

وبالنسبه للسكن في منطقة جنيف بكل تأكيد ديفون ارخص ومتوفر شقق حلوه للعوائل ويمكن ايضا السكن في انسي الجميله

ماشاءالله على التوضيح
الحين فيه مشكله نواجهها فالسكن في لوقانو شوي غالي السكن فالفنادق عشان غرفتتين ويادوب تكفينا ونحاول نشوف شقق حصلنا بس مش ولا بد
بنشوف اذا لقينا شي طيب
او نلقى بديل لوقانو؟!!!

هذي شقق في لوقانوا شف اذا بيعطونك 3 ليال http://www.interhome.ch/en/search/?filters=32:51,search:LUAGANO&arrivalDate=2013-08-24&departureDate=2013-08-31&q=LUAGANO
هذي اشوفها مناسبه ويعطون 3 ليال تقييمها حلو وموقعها حلوو
http://www.interhome.ch/en/switzerland/ticino/lugano-agra/apartment-casa-eden-ch6927.2.1/?filters=32:51,search:LUAGANO&arrivalDate=2013-08-24&departureDate=2013-08-31&accommodationCount=1&sorting=descInterhome&q=LUAGANO&fromLocation=true

شكرا اخوي بنشوف وبنقيم وان شاءالله خير الحين عرفنا انه الاسواق او المحلات اللي في ميلان راح تكون اغلبها مسكره بعد 15 اغسطس لانها فترة اجازه علاوه على انها اللي هيه ههه ميلانو راح تكون حاره فالوقت هذا يعني توصل الحراره الى 37 او ال 40 يعني حر
معناها نوجد خطه بديله ههه

ههه الله يعينك اجل اقلب الطار جهة بعد كونستانس جهة انترلاكن ثم جنيف

والله انك راعيها ههه
طيب انا دخلت موقع الطقس ولقيت انه ميلانو راح تكون درجة حرارتها حوالي 28 بس فنفس وقتنا والحكومه
مصره تروح ميلان عشان صرف النقود وتقول ترا رحنا ميلان بعد ههه
شو الصرفه الحين؟
انا اقول بتوكل على الله وبمشي بنفس خطتك بروح لوقانو ومنها ميلان للتسوق ونشوف ميلان
وبس واحنا ساكنين بلوقانو...صح؟