نشر في فيينا

محتاره وين اروح ساعدوني لاهنتوا

سمو المعاني

13-01-2022 - 04:34 am

مسااكم الله بألف خير أعزائي...احنه عايله ماشالله كبيره..تقريبا 10 اشخاص...ومدة الرحلة 18 ليلة 19 يوم..وبتكون بإذن الله في بداية شهر جولاي,,وبصراحة ليلحين محتارين وين نروح...بس الأهل حابين يروحون باريس 6 ليلات والإقامة بتكون في فلل الماريوت يعني نقطة الوصول باريس ونقطة المغادره (( مجهول)) ..يعني باقي الرحلة ليلحين مو محددين..وانا في بالي فيينا وزيلامسي.((واذا في بلد ثاني في بالكم مافي مانع))..بس ماعرف شلون ارتبها...لاني مو حابه تكون وايد تنقلات بحكم انه العايلة ماشالله كبيره..يارييت تساعدوني..وللعلم مابيكون عندنا سيارة..
وجزاكم الله الف خير....
تحيااتي..اختكم سمو المعاني

التعليقات (9)

Mezajee_KSA

13-01-2022 - 08:18 am

والله يا اختي عددكم كبير لازم معك احد حي قلب علشان مايسكر باب القطار ونص برى ونص جوى
عموما اذا ودكم بفيينا وزيلامسي فهو خيار طيب وممكن تضيفون عليها ميونخ الالمانيه
وتصير الرحله باريس ميونخ زيلامسي والعوده من فيينا .. لكن ميونخ بعيده حبتين عن باريس

دمـوع الوجـد

13-01-2022 - 09:19 am

اختي عددكم كبير والتنقل بالمترو صعب جدا واملده قليله جدا
وبعدين عندك 18 ليله ونصها بيروح في باريس يعني حرام تروحون فيينا او زيلامسي مايكفيها 6 ليالي
اذا مره ملزمين ممكن تروحون بالقطار من باريس الى فرايبورغ وبعدها تسكنون في رست وتزون العاب اليورب بارك وترجعون من فرانكفورت

سمو المعاني

13-01-2022 - 10:20 am

mezajee_ksa
ياهلا اخوي..بالنسبة للقطارات...عادي ماعندنا مشكلة...متعوديين.....بس اي طيران ناخذه من باريس لميونخ.؟

ALI_Q8_77

13-01-2022 - 11:21 am

هلا فيج
اذا كانت ضروري باريس
فمن باريس الى مطار سالزبورخ طيران داخلي اتريحون بها ليله او ليلتين بفنادق ..
ثم الى زيلامسي 6 ايام ثم ميونخ باقي المده
تحياتي

سمو المعاني

13-01-2022 - 12:22 pm

بنت حواء1429
ياهلا فيج اختي بنت حواء....شاكره لج مرورج وإقتراحج...طيب اشرايج الوصول باريس والمدة 6 ليلات..وبعدها ناخذ طياره على فيينا والإقامه فيها 7 ليلات..وبعدها زيلامسي بالقطار لمدة 5 ايام..وفي الاخير ميونخ بالقطار لمدة ليلتين..والعوده منها..؟ أو نشيل باريس..ونخليها فيينا 7ليلات-بالقطار منها لزيلامسي 6 ليلات-ومنها بالقطار لميونخ 6 ليلات والعوده من ميونخ.؟
تحيااتي

دمـوع الوجـد

13-01-2022 - 01:23 pm

اذا رحتوا باريس قبل كنسلوها وخلوا رحلتكم هالسنه في النمسا فقط
واذا تبغون باريس تروحون لها وبعدين بالطياره من باريس الى فيينا
4 ليالي فيينا - 4 ليالي سالزبورغ - 7 ليالي زيلامسي - 4 ليالي ميونخ
هذا اقل عدد من الايام في المدن وفيينا حرام عليها 7 ليالي
وفي زيلامسي وسالزبورغ راح تستخدمون الباصات
بس راح تكون مكلفه الرحله كذا اذا رحتوا باريس

سمو المعاني

13-01-2022 - 02:24 pm

ali_q8_77
يسعدني مرورك اخوي علي...اقتراح جميل....وإحتمال نمشي عليه
تحياتي لك

دمـوع الوجـد

13-01-2022 - 03:25 pm

ممكن تطبقون مخطط اخوي علي وتخلون الرحله من باريس الى سالزبورغ وتقعدون فيها 4 ليالي وبعدها تنتقلون الى زيلامسي وتقعدون 7 ليالي وبعدها تنتقلون الى ميونخ وتقعدون 4 ليالي وترجعون منها
لان فيينا مو مره وشبيهه في باريس الى حد ما

سمو المعاني

13-01-2022 - 04:26 pm

بنت حواء1429
واذا تبغون باريس تروحون لها وبعدين بالطياره من باريس الى فيينا
4 ليالي فيينا - 4 ليالي سالزبورغ - 7 ليالي زيلامسي - 4 ليالي ميونخ
هذا اقل عدد من الايام في المدن وفيينا حرام عليها 7 ليالي
وفي زيلامسي وسالزبورغ راح تستخدمون الباصات
بس راح تكون مكلفه الرحله كذا اذا رحتوا باريس
مخطط حلو...وإحتمال نشيل باريس من المخطط...بس عندي استفسار..اذا بنقعد في زيلامسي 7 ليالي..اعتقد مافي داعي نقعد في سالزبرغ..بحكم قربهم من بعض...ولا اشرايج؟!
واي شركة للطيران الداخلي من باريس إلى سالزبرغ...؟
تحياتي..

فيينا المسافرون العرب

محتاره وين اروح ساعدوني لاهنتوا