نبض السفر
19-01-2022 - 08:40 am
السلام عليكم جميعاً انا مسافره ماليزيا ان شاء الله بعد شهر وهذي اول مره اروح لها برفقه الوالده وطفالي الضغار بغيتكم تساعدوني بنقطتين الله لايهينكم الاولى هل ماليزيا تنفع للوالده من ناحيه التنقولات لانها ماتقدر تمشي كثير وتحتاج عربيه هل هذا عايق في السفر ولا لا الثانيه ولا عليكم امر انا صراحه خايفه من لانكاوي من حيث الحشرات في الفنادق كل فندق ادخل عليه واقراء اراء المشاهدين طبعا عن طريق بوكنق يقلون يوجد حشرات وبرعصي وصراصير وهذا الامر مره موخوفني مع العلم اني حاجزه بفندق خمسه نجومmeritus pelengi resort spa,langkawi نظام شاليهات ب الارض مره خايفه بغيت رايكم ولو مو كويس ايش ترشحولي فندق ب لانكاوي افضل وبعد ب كوالالمبور لاني احتاج في كا فندق 3غرف نوم لانا مجموعه مكونين من انا واطفالي 3 والوالده واختي واخير اخوي كل واحد يحتاج له غرفه ل حاله مرره اسفه ع الاطاله ياليت تساعدوني
بصراحة وأنا أخوكِ ... مسألة الحشرات في لنكاوي أخذت أكبر من حجمها
كثير سافروا وسكنوا بلنكاوي ... وماشافوا هالشيء أبدآ ..
أنا سكنت في لنكاوي ... والله العظيم ماشفت ولاشيء ...
وأغلب الأعضاء في تقاريرهم لم يذكروا أي شيء من هذا القبيل ...
وبعدين : فندق ( البلانجي بيتش ) راقي ونظيف ومن أجمل فنادق لنكاوي ...
النظافة عندهم عالية ... وبأذن الله ماتجدون أي شيء من هذه الأمور ...
ودائمآ :
نأخذ برأي الأخرين ... لكن لانجعلها كل شيء ... ولانسمح لها بتحديد مصيرنا ...
نصيحتي :
توكلي على الله ... وبأذن الله ماتشوفين إلا كل خير
وفي كوالا أرشح لكم ( شقق السويس قاردن ريساندس )
موقعها بأخر شارع العرب ... وبجوار المجمع الأكبر والأضخم بكوالا ( التايم سكوير )
شققة ممتازة ونظيفة وجديدة ... وأختاروا ( شقة بثلاث غرف نوم ) ...
أو أختاروا ( شقة بغرفتين نوم وصالة ) ... وأبو الشباب ينام لوحده في الصالة
وتفضلي هذا التقرير عن ( السويس قاردن ريساندس ) وبأذن الله يفيدكم