هلا فيك اختي..
انا توني جاي من لبنان وابعطيك المعلومات اللي اقدر عليها..
بالنسبه للفنادق.. انا سكنت خمس ايام في فندق بلازاا صراحه نظيف وحلو ويستاهل وموقعه في الحمراء في قلب بيروت وزياده على هذا سعره جدا مناسب يعني الليله ب99 دولار للغرفه..
بالنسبه لموعد السفر في ديسمبر اكيد راح يكون برد لازم تاخذون احتياطتكم...
بالنسبه للسواق مع السياره.. حنا اخذنا سياره تييدا نيسان مع السواق ب60 دولار باليوم والبنزين علينا..
واذا حابه اعطيك رقم السواق ما عندي مشكله..
ابرز الاماكن السياحيه اللي تستاهل الزياره..
1 مغاره جعيتا.. خاصه المغاره السفليه..
2 قصر موسى في دير القمر وبيت الدين..
3 تلفريك جونيه
4 غابات الارز
5 سوق جبيل القديم جدا رائع..
وفيه كثير من الاماكن راح تستفيدين اكثر لمى تشوفي تقارير الاعضاء ..

اتمنى افيدج على اسلتج ولو بشي بسيط

• أي فندق افضل فيهم (كلهم 4 نجوم) ؟؟ واذا عندكم خيارات ثانيه افضل منها

انا عن نفسي ارشح كارول بس اشوف صوره 35 روم الصور في الانترنت تبين انه نظيف
وانا افكر انزل فيه في رحلتي الثانيه كم يوم اجربه(( بس انا ارشح تسكنين في منطقه الروشه احلى جنب الكورنيش
4ساعه حياه عكس الحمره وايد زجمه)) وعند الروشه فندق السفير ولكنستار اسعارهم مناسبه

• موعد السفر ان شاء الله منتصف شهر ديسمبر كيف يكون الجو ؟؟ يعني ناخذ شتوي والا لا

هالسنه شكله بيتاخر البرد بس اتوقع بكون الجو بارد والله العالم هالسنه لي شهر نوفمبر والجو حلوو بارد بس خفيف

• عندنا شغل في طرابلس واللى عرفته انها تبعد 80 كيلو عن بيروت

تنصحون نسكن فيها والا المشوار سهالات ؟
طرابلس على ماعتقد مافيها الا فندق واحد وغيرمرتب خلكم في بيروت افضل
بس الله يعينكم على زحمه الطريق اهم شي في طرابلس (( الحلاب و مطعم امسه الشاطر حسن منظره حلو ))
في فرعين للشاطر حسن في طرابلس واحد فوق الجبل هذا حلو

• كم سعر ايجار سواق بسياره لليوم الواحد ؟ بحدود كم لان ماعندنا فكره

يعتمد على نوع السياره الاسعار تبدء من 60 دولار الى 400 على حسب نوع السياره خصوصا انكم رايحين مش موسم
شهر ديسمبر ام مافي اماكن تقدرين تروحين لها وايد بسبب بروده الجو
مغاره جعيتا واعتقد انة المغاره الي تحت تسكر بسب ارتفاع منسوب المياه بس الي قوق مفتوحه
التلفريك _ جونيه _السولدير _ مقهى ومطعم الفلمنكي _ مطعم مانويلا _ مطعم المياس
abc مول ستي مول _ الحبتور مول _ صخره الروشه الكورنيش
وسامحيني اذا نسيت شي هذا الي حاضريني بحكم خبرتي المتواضعه في لبنان
كل ماذكرته وجه نظر وان شاء الله الاعضاء يساعدونج

ابو ريما1427
يعطيك العافية على الافاده
الفندق من وين حجزته ؟؟
لان سعره بالبوكينق 130 دولار والغرفة الديلوكس 150 دولار !!

بومروان13
الله يعطيك العافيه افدتني كثير
للحين قاعده ابحث عن فنادق ولقيت فندق رمادا داون تاون بالسوليدير ب 127 دولار
وفندق السفير 153 دولار
شنو المناطق اللى تنصحنا نسكن فيها غير الروشه ؟؟

..كوكو شانيل..
عن طريق المؤيد للسفر والسياحه على طريق الدائري الشرقي ببين مخرج 12 و13 بأتجاه الشمال

مب شرط تسكنين في الروشه قلت لج وجهت نظر
احلى منطقه لانه في عند الورشه برادات24 ساعه حياه الشارع في الشارع
عكس الحمر اكثر المحلات يسكرون
في الليل تحسين مافيها حياه
اكثر المناطق الي فيها فنادق يا الحمره او الروشه
اما تاخذون منطقه بعيده شوي صعبه مثل جونيه حلوه بس وايد برد
خلج بين هذلين المطقتين
بالنسبه لبوكنج كل ما زادت الايام بيرخص السعر
وتقدرين تاخذين ارقام تلفونات الفنادق الي تبينها وتستفسرين على راحتج وبجم يعطونج في الليه
وسوي مقارنه بين الاسعار في الموقع وبين الاسعار الي بيعطونه اياها
وبالنسبه حق تاجير السياراه في موضوع حاطين ارقام السواقين الموثقين
اتصلي فيهم
(( اخذي لج بطاقه call home ))
كول هوم 3 دينار واتصلي فيهم تقريبا فيها 50 دقيقيه

مشوار طرابلس حلو غير متعب بس اطلعوا بدري احسن لكم واستمتعوا برحلتكم لها مايحتاج انكم تسكنوا فيها
لا تنسوا تروحوا منطقة الجبيل وحلوة بالشتاء واطلعوا لها بدري ومرو على السوق القديم حقها شعبي يجنن واتغدوا في مطعم لوكاندة منظر يجن عالبحر
ابتعدي عن السكن في الحمرا لانه وسط السوق ..وزحمة
اسكني في الهوليدي ان ..او الموفنبيك عالروشة