- شنغماي: فندق سنترال داوج تاون 18 دينار
ساعدوني محتارة ابي اروح تايلند وهذه اول مره بس مو عارفة بقولكم برنامج سفرتنا وعاد انتوا عليكم تقدمون لي مشورتكم و نصائحكم الذهبية
سفرتنا كالتالي : بانكوك يومين - بوكيت 5 أيام - شنغماي5 أيام - كوسوماي 3 يعني المجموع15 يوم
ابي اعرف التقسيم اوكي او اغير مدة الايام وانا افكر بعد اقلل المدة الى 12 يوم بس ممكن احد يساعدني في تقسيم الايام و المناطق
وهذه الفنادق اللي بنسكن فيها
بانكوك : فندق أماري بلو 4 نجوم وسعره 40 دينار بحريني لليلة واحده
بوكيت: نوفتيل 25 دينار
كوسوماي : فندق Al' Shut دينار20
شنغماي: فندق سنترال داوج تاون 18 دينار
هذه اهي القنادق وهذه اسعارها مع الفطور ........ ياريت اتشوفونهم و تخبروني برايكم
بعد عندي سؤال وايد محيرني واخليني افكر اسافر والا لا ولدي الله يحفظه عمره سنة و نصف ابي احد يساعدني وجاوني ابغي اوديه معاي بس خايفه عليه و احس ان التنقل بين الجزر صعبه مع ياهل وفي نفس الوقت مااقدر اخليه واروح قلبي وايد متعلق به خبركم ام و اول طفل عندنا يعني وايد صعبة اخليه وزوجي بعد نفسي بس اهو خايف انه يمرض لا سمح الله او تصير سفرتنا صعبة ، واحس اذا خليته بانكد على زوجي ودايما باصيح و بتذكره طول الوقت..... ماسوي علي صح؟ و الا انتوا شنو تشوفون؟
بعد ابي اسأل عن مكاتب السياحية هناك ، ايقولون ناخذ برنامج الرحلات اليومية من هناك أحسن وأرخص بس قالوا لنا يمكن هناك يعطونه اسعار غالية خاصة لان احنا اول مرة نروح يعني ما عندنا خبرة في هالسوالف
ومكتب السفريات اللي في البحرين قالو برتبون لنا الرحلة كلها يعني مع التور السياحي (الرحللات)
بس بكون سعرها اغلى من هناك ....... و المشكلة في تايلند مابنعرف ان سعر زين أو مو زين ؟؟؟ بالاصح ماعرف شاسوي
ساعدوني ياجماعة بمشورتكم ............. صج محتارة
رودوا علي بليز
اعذروني هذه اول مرة ادخل على المنتديات و اكتب سامحوني على اي خطأ
ليس محد يساعدني بلي ز ساعدوني
اختكم المحتاره ام حمودي