بداية اخوي الله يسهل امرك ويكتب لك الخير
التخطيط المبكر يريحك من هم زحمة الحجوزات لكن احرص ان تكون كل حجوزاتك قابله للاسترداد لو اضطريت تغير شي لاسمح الله..
بالنسبه لاستفسارك انا ارشح لك امريكا بناء على تقارير قريتها مره حلوه..
بالنسبه لاوروبا انت بتلف دول كثيره مع بعض وهاذا غلط من وجهة نظري لان المده لوكانت قليله بتتعبون من التنقلات ولوكانت المده طويله بتملون لان طبيعة اوروبا وحتى مبانيها متشابهه
افضل انك تسافرفي اوروبا بالكثير لدولتين بس
..
موفق

مسافره 27
يعطيكي العافيه على هذا المرور بس والله للحين محتار وعلى فكره مدة السفر من 20 إلى 25 يوم ولكن في مشكله في السفر إلى امريكا وهي البعد وانا بكل صراحه من الاشخاص طوال القامه والطائره ضيقه ولو ابحجز لرجال اعمال اقل شي حصلت 1300 دينار كويتي للشخص غالية جدا جدا

اخي الكريم
بالنسبة لميونخ وسالزبورج وزيلامسي فهي قريبة من بعض
وباريس ولندن قريبة من بعض
يعني اذا قلنا بديت بلندن وثنيت بباريس فيكون امامك 3 خيارات
جو الى ميونخ مثلا
بر شدة واحدة الى ميونخ (متعبة لان المسافة حوالي الف كيلو)
بر وتختار مدينة وسيطة ترتاح فيها وتتمشى وتبيت ثم تكمل بعد يوم او يومين ومن ضمن الخيارات غست (Rust) اللي فيها يوروبا بارك او بادن بادن او شتوتجارت
اما امريكا
فالتنقل بالطيارة
وطيرانهم عادي والمدة طويلة لانك منتقل من اقصى الشمال لغربي الى اقصى الجنوب الغرب الى اقصى الشرق
بالاضافة الى انك لو اخترت التذاكر مسترجعة سيرتفع السعر بشكل كبير
والسيارة اشوفها مستحيلة لان مدتك قصيرة
في النهايةلك الخيار
والوصية تقوى الله وهالله في حجاب الاهل
بالتوفيق

اوروبا (زلمسي و سالزبرغ و ميونخ وباريس ولندن )
نصيحه هذا المخطط مره حلو
تبدا بي فيينا 3 ايام او 4
بعدها سالزبرع حدها 3 ايام
زيلامسي 5 ايام
بعدين ترجع ميوتخ 3ايام
والسياره اول ايام في فيينا ماتحتاجها اشوف افضلك تروح لي سالزبرغ بي القطار ومن هناك تاخذ تاكسي لي قريه المانيا قريبه من هناك حق نص ساعه او اقل وتستلم سياره
وبعدها تروح ع زيلامسي 5او 6 ايام وبعدها ترجع بسياره ع ميوونخ وتجلس 3 ايام 4 ايام
وبعدها تحجز طيران من ميونخ لي باريس وتجلس في باريس 5 ايام وبعدها بي القطار تروح لندن
ورحله سعيده وما انصحك تروح امريكا ابدا من جميع النواحي واهمها الراحه النفسيه والامن
المانيا والنمسا من اجمل الدول طبيعه ومطر يرد الروح

فيه امور تعتبر بديهية في السفر منها اختيار الوجهات ومفاضلتها
وأكيد امريكا أفضل من كل ناحية
خاصة في تنوع النشاطات والتكلفة اقل من اوروبا المولعه
ومهم جدا ان تعرف ان اكبر عائق لي مثلا هذي الايام للعودة والسفر لامريكا وجود اطفال صغار بيتعبون كثير من الرحلة الطويلة والشاقة

والله ما قصرت على هذي الردود وتبون الصراحه احترت اكثر من كلامك وانا انتظر المزيد من ارائك الكثيره والرائعه وادري ما راح تقصرون معاي

الصراحه انا مع امريكا لو حصلت لي بس فعلا المسافه ومن غير اني سمعت انها حاره
انا ارشح لك استراليا بعد ليش ما اتفكر فيها من ناحية الجو فبارده وانا زايرها وانصح فيها
واذا ما حبيت وتبي اوربا
فبقولك لندن وباريس وميونخ ماعليهم غبار بس زلامسي وسالزبورغ انصحك اتكنسلهم
طبعا هشي بنسبة لي انا ما اشوف فيهم زود زلامسي مثلا قريه صغيره بخطوتين اتخلص منها والبحيرة قعده واتشوف البحيرة ابي اعرف وين المتعه بهشي الي يخليني اقعد فيها 5 ايام مثلا مافي اي متعه الصراحه
وزالسبورغ كذالك قرية بس اكبرشوي وماتستاهل تبي نصيحتي وتبي جدول حلو ممكن اتروح لندن وبعدها باريس وبعدها جنيف وبعدها ميلانو لشوبنق لو حاب وانت راجع وبجنيف ممكن اتروح للقرى الي حواليها ومروف ان سويسرا اجمل من النمسا بس كلهم مثل الشي من ناحية القرا
او ممكن اتروح لندن وبعدها باريس وبعدها ميونخ وخلال تواجدك بيونخ روح لزلامسي وارجع بنفس اليوم وممكن ترجع لديرتك من ميونخ او اتكمل على فينا لانها تستاهل وروعه بعد
لهشي نصيحتي خلك بلمدن الكبار وابتعد قدر الامكان عن القرى الصغيره لانها ممله ممله ممله
والي راح يقولك انك بتطلع منها وبتروح مناطق قريبه او قرى قريبه فنفس الشي بتطلع من قرية وبتروح لقرية ثانية ما غيرة شي