بندر بن ثامر
16-11-2022 - 11:37 pm
اولا السلام عليكم ورحمة الله وبركاته
ويعطيكم الف عاافيه على هذا المنتدى باختصار اي شخص يفكر يسافر اول شي يدخل المنتدى
عساكم على القووه
انا بعد يومين بكون في الفلبين رحلة عمل تقريبا خمس ايام في مانيلا والصراحه قريت مواضيع في المنتدى تحمست لفكرة السفر للفلبين خاصة كنت اسمع كلام الناس مافيه امان والبلد مايطمن وتحمست شوي بالمواضيع وصلت لمواضيع الله يعطيهم العافيه اصاحبها يبون السلامه لاي شخص وهي تحذيرات المهم اني قريتها وضاعت علوومي حسيت اني توهقت بسفريه كروت مخدره + شوارع خطيره فنادق غير امنه بنات تحت السن القانوني يوقفونك بشارع كمين من الشرطه ماتكلم جوال بزحمه الخ الخ الخ الحين انا ابي اروح كم يوم ارتاح فيهاا وبديت احس اني في مانيلا كاني في فيتنام امشي واتلفت النكبه بتجي من وين !! تكفون وش افضل فنادق ومواصلات واماكن الواحد ممكن يروحها بامان ولو فيه رقم سواق او مرشد سياحي او اي شخص من هل الديره يكون معنا تكفوون رحلتي يوم الاثنين والبلد لو خرجة مثلا بالليل في الشوارع او في كفي او اي مكان امان او خطر تكفوون هل الخبرره انتظر ردودكم ..
يا رجل توكل على الله وما عليك إلا العافية
بالنسبة للسكن إذا كنت تدور عمالة أنصحك بشارع مابيني لأن كل مكاتب العمالة هناك وتفتك من الزحمات والتكاسي والمطاعم العربية قريبة ومول الربينسون ومول آسيا والبحر وبه عدة فنادق من نجمتين إلى 5 نجوم مثل رفيرا وسيتي قاردن (فندقي المفضل وهو 3 نجوم) وبان باسيفك وفندق دايمند 5 نجوم وفندق H2O على البحر والحياه ريجنسي، طبعا الشوارع في هذا الحي وإسمه أرميتا مثل شوارع البطحا عندنا في الرياض وإذا كنت تحب السكن في المناطق الراقية فعليك بمكاتي ولكن سوف تضطر لركوب التكاسي والزحمات إذا كنت تريد مكاتب العماله في مابيني ويستغرق الذهاب من مكاتي إلى مابيني 45 دقيقة في الزحمة ، أما السواق فعندي رقم بيتر يتكلم عربي وكان يشتغل في أبها 00639063093767
والمثل يقول الي يخاف من الجني يطلع له وإذا كنت في سفرك خائف ما راح تحس بالمتعة الي حسيت فيها وأنا هناك يا لبى الفلبين بس
لك كل الود